'द काश्मीर फाइल्स'बारे नरेन्द्र माेदीले के भने ?

A+ A A-

११ मार्चमा रिलिज भएको फिल्म द काश्मीर फाइल्सबारे भारतीय प्रधानमन्त्री नरेन्द्र मोदीले प्रतिक्रिया दिएका छन् । भारतीय जनता पार्टीको संसदीय बोर्ड बैठकमा प्रधानमन्त्री मोदीले फिल्मलाई लिएर बिस्तारमा बोलेका बीबीसी हिन्दीले लेखेको छ ।

माेदीले के भने ?

हाम्रो देशको दुर्भाग्य हो, इतिहासलाई सही परिप्रेक्ष्यमा समाजसामु सही समयमा राख्नु, यसमा किताबको महत्त्व हुन्छ, कविताको महत्त्व हुन्छ, साहित्यको महत्त्व हुन्छ र फिल्म जगतको पनि महत्त्व हुन्छ । स्वतन्त्रता प्राप्तिपछि संसारसामु महात्मा गान्धीलाई वास्तवमै, संसार मार्टिन लूथरको कुरा गर्छ, नेल्सन मण्डेलाको चर्चा गर्छ तर महात्मा गान्धीको कुरा निकै कम गर्छ ।

त्यही बेला कसैले हिम्मत गरेर महात्मा गान्धीको पूरै जीवनमा फिल्म बनाएको भए, त्यसलाई संसारमाझ राखेको भए शायद हामीले सन्देश दिन सक्यौँ । पहिलोपल्ट एक विदेशीले महात्मा गान्धीबारे फिल्म बनाए र पुरस्कारमाथि पुरस्कार पाएपछि संसारले थाहा पायो, महात्मा गान्धी कति महान् थिए ।

धेरै मानिस वाक स्वतन्त्रताको कुरा त गर्छन् तर तपाईंले देख्नुभयो होला इमरजेन्सी, यति ठूलो घटनामा कसैले फिल्म बनाउन सकेन किनकि सत्यलाई लगातार दबाउने प्रयास भइरह्यो । भारत विभाजन, जब हामीले १४ अगस्टलाई एक हरर डे का रूपमा सम्झने तय गर्यौ तब धेरै मान्छेकाे टाउकाे दुख्याे । आखिर देशले यो सबै कसरी भुल्न सक्छ । ती सबैबाट पनि त सिक्ने कुरा छन् ।

भारत विभाजनको वास्तविकतामाथि के कुनै फिल्म बन्यो ? त्यसैले तपाईंले देख्नुभयो होला, यति बेला नयाँ फिल्म द काश्मीर फाइल्स आएको छ । यसको चर्चा भइरहेको छ । र, सधैं फ्रिडम अफ एक्सप्रेसनको झण्डा हल्लाउने मानिसहरू बहकिएका छन् । यो फिल्मको तथ्य र बाँकी चिजका आधारमा विवेचना गर्नुको साटो त्यसको विरुद्ध अभियान चलाइरहेका छन् ।

कुनै सत्यलाई उजागर गर्ने साहस कसैले गर्छ भने उसलाई जे सत्य लाग्यो उसले प्रस्तुत गर्ने कोसिस गर्‍याे । त्यो सत्यलाई न कोही बुझ्नका लागि तयार छन् न स्वीकार्नका लागि तयार छन् । यो फिल्म कसैले पनि नहेरुन् भनेर तीव्र कोसिस र षड्यन्त्र भइरहेको छ ।

मेरो विषय कुनै फिल्म होइन । जे सत्य हो, त्यसलाई सहीरूपले जनतासामु ल्याउनु देशको भलाइकै लागि हुन्छ भन्ने मेरो विषय हो । तपाईंलाई यो फिल्म ठीक लाग्दैन भने तपाईं अर्को फिल्म बनाउनुहोस् । कसले छेकेको छ ? किनकि सत्यलाई यतिका वर्षसम्म दबाएर राख्नेहरूलाई हैरानी भइरहेको छ । त्यसलाई तथ्यका आधारमा बाहिर ल्याइएपछि यसविरुद्ध पूरै कोसिस लगाइँदै छ ।

#WATCH | At BJP Parliamentary Party meet, PM speaks on role of film industry in presenting history. He also mentions 'The Kashmir Files'; says "People who always raise flag of freedom of expression are restless. Instead of reviewing on facts, campaign being run to discredit it.." pic.twitter.com/mq8iqA6Ajk
— ANI (@ANI) March 15, 2022

भारतकाे चर्चित कमेडी शाेका हाेस्ट कपिल शर्माले द काश्मीर फाइल्सकाे प्राेमाेसन गर्न इन्कार गरेपछि याे फिल्म चर्चामा आएका थियाे । यसबाहेक प्रधानमन्त्री माेदीले फिल्मकाे निर्माण पक्षसँग भेटघाट गरेका थिए ।.

प्रकाशित मिति: मंगलबार, चैत १, २०७८ १७:०६