फेसबुक लाइभमा राजेश हमालले भने- म मेयर बन्ने चाहना सत्य होइन, महानगरप्रति गुनासो हो

फेसबुक लाइभमा राजेश हमालले भने- म मेयर बन्ने चाहना सत्य होइन, महानगरप्रति गुनासो हो

A+ A A-

अभिनतेता राजेश हमाल शुक्रबार साँझ फेसबुक लाइभमा आए । लाइभमा उनको पहिलो स्पष्टीकरण थियो– काठमाडौंको मेयर चाहनाबारे ।

बिहीबार अभिनेता हमालले आफ्नो युट्युव च्यानलमार्फत् एउटा भ्लगकाे टेलर सार्वजनिक गरे । त्यसमा उनले काठमाडौंको अस्तव्यस्त बाटोघाटो देख्दा ‘मेयर पो बन्नुपर्छ’ कि क्या हो भनेर महानगरपालिकाको कार्यशैलीमाथि व्यंग्य गरेका थिए ।

उनको व्यंग्यलाई राजेश हमाल काठमाडौंको मेयरमा उम्मेदवारी दिँदैछन् भन्ने हल्ला सञ्चारमाध्यममा फैलियो । ‘बाटोघाटो नबन्दा सबैको गुनासो हुन्छ । मेरो पनि गुनासो हो । विगतमा हेरेर धेरै सुधार भएका छन् । २५ वर्षअघिको काठमाडौंभन्दा अहिले संरचना प्रशस्त भएका छन् । त्यो सबै राम्रो छ...,’ उनले भने, ‘तर सरकारको तर्फबाट जे भएको छ । त्यो भएन । विजुली नआएको भन्दा आएको डर छ । हिँड्दा सजिलो छैन ।’

राजेशले सडकको अस्तव्यस्तता देखेर म पनि मेयर बन्नुपर्छ कि क्या हो यार भनेर व्यंग्य गरेको स्पष्ट पारे । उनले पर्यावरण र सहरको सौन्दर्यमा सरकारको ध्यान नगएको बताए ।

‘गाउँले ठिटो’ गीतका कुरा
अभिनेता राजेश हमालको स्वर र अभिनय रहेको गीत ‘गाउँले ठिटो’ केही समयअघि युट्युवमार्फत् सार्वजनिक भयो । गीतको भिडियोमा हमाल गाउँले स्वरूपमा देखिएका छन् ।

फेसबुक लाइभमा हमालले गीत सार्वजनिक भएको कुरा जानकारी गराए । उनले गाउँले ठिटोको भिडियोका निर्देशक देवेन्द्र पाण्डेलाई फेसबकु लाइभमा ल्याए । उनले हमाललाई दादा सम्बोधन गर्दै १५ वर्षअघिको लुक्समा उक्त भिडियोमा प्रस्तुत गरिएको बताए । राजेशले आम नेपालीको भावना र जनजीवन गाँसेर गीत तयार पारिएको बताए । गीतकार गोविन्द भट्ट, संगीतकार सन्तोष श्रेष्ठ पनि फेसबुक लाइभमा देखिए ।

https://www.youtube.com/watch?v=N5x6L5UQkZY

उनीहरूले गाउँले गीत तयार पार्नुको कारणबारे भने । ‘यो केवल मनोरञ्जनका लागि तयार पारिएको विषय होइन । विदेशमा मात्र होइन यहाँ पनि केही गर्न सक्छौं । उहाँको गायनप्रति म नतमस्तक छु,’ सन्तोषले भने ।

राजेश हमाल ठट्टा गरिरहेका थिए, ‘नायक हुने प्रयास गरिरहेको छु । गायकचाहिँ होइन ।’

युट्युव च्यानललाई सस्क्राइब गर्न आग्रह
राजेशले आफ्नो फूल भिडियो शनिबार आउने बताए । रमाइलो कुराचाहिँ उनले युट्युव च्यानल खोल्नेबित्तिकै उनको नाममा नक्कली आइडी पनि खुलेछ । ‘मैले खोल्ने बित्तिकै एउटाले नक्कली खोलेछ । सावधान रहनुहोला,’ उनले दर्शकलाई आग्रह गरे ।

आफ्नो युट्युव च्यानलमार्फत् नेपालमा पर्यटकीय ढंंगले कसरी उत्थान गर्ने भन्नेबारे कार्यक्रमहरू छिटै ल्याउने उनले बताए ।

प्रकाशित मिति: शुक्रबार, फागुन २७, २०७८ २०:३९