दोहोरो अंकले शेयर बजार घटेको दिन १७ कम्पनीका शेयरधनीले भने कमाए

A+ A A-

कारोबारको पहिलो दिन आइतबार शेयर बजार ३९.४० अंकले ओरालो लागेको छ । कारोबार सुरु भएबाटै दोहोरो अंकले घटेको शेयर बजार २ हजार ६९३.१० बिन्दुमा पुगेर बन्द भएको हो ।

ठूला कम्पनीको बजार मापन गर्ने परिसूचक सेन्सेटिभ इन्डेक्स पनि ४.९९ अंकले घटेर ५१३.६४ बिन्दुमा झरेको छ । यस्तै, यसदिन कारोबारमा आएका २३० वटा कम्पनीको ४ अर्ब ८ करोड ६४ लाख ७४ हजार रुपैयाँ बराबरको ७१ लाख २२ हजार कित्ता शेयर खरिदबिक्री हुँदा १७ वटा कम्पनीका लगानीकर्ताले कमाएका छन् ।

साथै १३ वटा समूहको सूचकमध्ये अन्य समूहको सुचक ०.४२ प्रतिशतले वृद्धि भएको छ भने १२ वटा समूहको सूचक घटेको छ । सर्वाधिक घट्नेमा लाइफ इन्स्योरेन्स समूहको २.४४ प्रतिशत र उत्पादन समूहको २.३७ प्रतिशत रहेको छ ।

यस्तै आइतबार सर्वाधिक शेयर कारोबार भने जीवन बिकास लघुवित्तको ५८ करोड २ लाख २३ हजार कित्ता शेयर खरिदबिक्री हुँदा कम्पनीको शेयर मूल्य प्रतिकित्ता ५ हजार १३३ रुपैयाँ कायम हुन पुग्यो ।

आइतबार बजार घट्दा युनाइटेड आईडीआई मार्दी आर्वी हाइड्रोपावरको शेयर मूल्यमा सकारात्मक सर्किट लाग्दा तेह्रथुम पावर कम्पनीको शेयर मूल्य ८ प्रतिशतले वृद्धि भएको छ । यस्तै सामलिङ पावर कम्पनीको शेयर मूल्य ६ प्रतिशतले, नेपाल फाइनान्सको ४ प्रतिशतले र जीवन बिकास लघुवित्तको ३ प्रतिशत भन्दा बढिले वृद्धि भएको छ ।

कम्पनीको नाम बढेको मूल्य शेयर मूल्य
युनाइटेड आईडीर्आी मर्दी आर्वी हाइड्रोपावर ६९.०० ७५९
तेह्रथुम पावर कम्पनी ५४.०० ६७९
सामलिङ पावर कम्पनी ४३.०० ६९९
नेपाल फाइनान्स २८.०० ६९८
जीवन बिकास लघुवित्त १७३.०० ५१३३

साथै, नारायणी डेप्लप्मेट बैंक, युनाइटेड इन्स्योरेन्स, रुरु जलबिद्धत परियोजना र प्रिमियर इन्स्योरेन्सका लगानीकर्ताले सर्वाधिक ४ प्रतिशतभन्दा बढिले गुमाएका छन् भने आईएमई जेनेरलका लगानीकर्ताले ३.८६ प्रतिशतले गुमाएका छन् ।

कम्पनीको नाम घटेको मूल्य शेयर मूल्य
नारायणी डेप्लप्मेट बैंक २५.९० ५२१
युनाइटेड इन्स्योरेन्स ३३.०० ६७९
रुरु जलबिद्धत परियोजना ४३.९० ९९५
प्रिमियर इन्स्योरेन्स ३७.०० ८८०
आइएमइ जेनेरल इन्स्योरेन्स २९.९० ७४५

प्रकाशित मिति: आइतबार, फागुन ८, २०७८ १७:३३