यस कारण नजाने भए 'कपिल शर्मा शो'मा अक्षय कुमार

A+ A A-

बलिउड अभिनेता अक्षय कुमार फिल्म प्रमोसनका लागि 'द कपिल शर्मा शो'मा नपुगेका विरलै छन् । शोमा दुवै जनाको केमेस्ट्री निकै जमेको देखिन्छ । अक्षय कुमारले शोका सबै कलाकारसँग उस्तै रमाइलो गर्छन् ।

तर, अक्षय आफ्नो फिल्म ‘बच्चन पाण्डे’ को प्रमोसनका लागि 'द कपिल शर्मा शो'मा जाने मुडमा छैनन् । उनीहरूको मित्रतामा दरार आएको खबर आइरहेका छन् । मित्रतामा दरार आएपछि अक्षय कुमारले कपिलको शोमा आफ्नो फिल्मको प्रमोसन गर्ने छैनन् ।

अक्षय कुमारले कपिल शर्माको शोमा आफ्नो आगामी फिल्म ‘बच्चन पाण्डे’ को प्रमोसन गर्न स्पष्ट रूपमा अस्वीकार गरेका छन् । उनी कपिल शर्मासँग रिसाएका छन् । बलिउड सञ्चारमाध्यमका अनुसार अक्षय कुमार पछिल्लो पटक 'द कपिल शर्मा शो' मा आउँदा उनले चित्त दुखाएका थिए ।

कमेडियन कपिलले उनलाई ‘चर्चित व्यक्तित्व’सँग गरेको अन्तर्वार्ताका बारेमा सोधेका थिए । अक्षयले केही वर्षअघि प्रधानमन्त्री मोदीसँग गरेको अन्तर्वार्तालाई उल्लेख गर्दै थिए । अक्षय कुमार अन्तिम पटक 'द कपिल शर्मा शो'मा फिल्म ‘अतरंगी रे’ को प्रमोसनमा देखिएका थिए । जहाँ उनी शोको टिम र कपिलसँग खुब हाँसे ।

यस एपिसोडमा कपिलले ठट्टा गर्दै अक्षयलाई प्रधानमन्त्री नरेन्द्र मोदीको अन्तर्वार्ताबारे प्रश्न सोधेका थिए । हिन्दुस्तान टाइम्सको रिपोर्टअनुसार अक्षय कुमारले च्यानललाई यो भाग प्रसारण नगर्न अनुरोध गरेका थिए ।

कपिल शर्माले उनको कुरा सुनेनन्, जसका कारण दुवैको सम्बन्धमा चिसोपन आएको छ । अक्षय कुमारले कपिलले आफ्नो विश्वास तोडेको महसुस गर्दै उनीसँग यस विषयमा स्पष्टीकरणसमेत मागेका थिए ।

तर, च्यानलले स्वीकार गर्‍यो । यद्यपि, त्यो प्रश्न कपिलको शोमा प्रसारित भएन तर केही समयपछि भिडियो लिक भयो र भाइरल भयो ।

अहिले अक्षयले नयाँ फिल्म प्रमोसनमा कपिलको शोमा जान अस्वीकार गरेको खबरमा कत्तिको सत्यता छ, त्यो 'बच्चन पाण्डे'को रिलिजपछि नै थाहा हुनेछ ।

प्रकाशित मिति: मंगलबार, माघ २५, २०७८ १३:१३