मोरङमा दुई जनाको हत्या आरोपमा पक्राउ परेका मण्डलको प्रहरीलाई बयान- हत्या गर्न ललितपुरको घर भाडामा लिएको थिएँ

मोरङमा दुई जनाको हत्या आरोपमा पक्राउ परेका मण्डलको प्रहरीलाई बयान- हत्या गर्न ललितपुरको घर भाडामा लिएको थिएँ

अनिलकुमार मण्डल

A+ A A-

सिरहाका अनिलकुमार मण्डलले विभिन्न व्यक्तिको हत्या गर्ने उद्देश्यले ललितपुरस्थित धापाखेलमा एक घर भाडामा लिएको खुलेको प्रहरीले जनाएको छ ।

प्रहरीले तेह्रथुमका ६२ वर्षीया मोहन कुमार लिम्बुको शव बिहीबार गोदावरी नगरपालिका– १२, धापाखेलमास्थित एक घरको पछाडि सिमन्टी ढलान गरेर पुरेको अवस्थामा फेला पारेको थियो ।

मोहन कुमार लिम्बु

लिम्बुको शव फेला परेपछि मण्डलले हत्याकै लागि घरभाडामा लिएको खुलेको प्रहरीले जनाएको हो ।

मण्डलले तीन महिनाअघि मात्रै प्रकाश राना मगरको घर भाडामा लिएका थिए । उनी आफू भने भक्तपुर गठ्ठाघर बस्दै आएको खुलेको छ । भाडामा लिएको घरमा मण्डलले विभिन्न व्यक्तिलाई बोलाएर बैठक गर्ने गरेका थिए । उक्त घरमा केही महिलाको समेत आवत-जावत हुने गरेको स्थानीयको भनाइ छ ।

मण्डलमाथि सुनसरीको धरान– ३ का ४९ वर्षीय राजेन्द्र कुमार श्रेष्ठ र सप्तरीको शम्भुनाथ नगरपालिका– ४ का ३२ वर्षीय शम्भु चौधरीको हत्या गरेर मोरङको उखुबारीमा गाडेको आरोप छ ।

श्रेष्ठ र चौधरीको शव मोरङ प्रहरीले १२ माघमा मोरङको धनपालथान गाउँपालिका– ७, कमलपुरको बस्तीनजिकको उखुबारीमा फेला पारेको थियो । सोही अभियोगमा पक्राउ परेका मण्डलले लिम्बुको हत्या पनि आफैँले गरेको र शव ललितपुरमा गाडेको बयान प्रहरीलाई दिएपछि मोरङ प्रहरीको टोली बिहीबार ललितपुर पुगेको थियो ।

मोरङ घटनामा हराइरहेका एक जनाको शव ललितपुरको धापाखेलमा फेला, घटनास्थलमा वाकिटकी पनि भेटियो

मोरङ प्रहरीको टोलीले ललितपुर प्रहरी र अपराध महाशाखाको टोलीको सहयोगमा लिम्बुको शव खाल्डोबाट निकालेको हो ।

महाशाखाका प्रमुख एसएसपी वसन्तबहादुर कुँवरका अनुसार मृत भेटिएका तीन जना र मण्डलको समूह मिलेर जग्गाको कारोबारदेखि सिमेन्ट उद्योगसम्ममा लगानी गर्ने भनेर विभिन्न व्यक्तिबाट रकम उठाएको खुलेको छ ।

लिम्बु र श्रेष्ठले धेरै व्यक्तिहरूसँग लिएको रकमको दोब्बर दिने भनेरसमेत पैसा उठाएको खुलेको प्रहरीको भनाइ छ । मृतक लिम्बुले आफू पूर्वसीडीओ हुँ भनेर पैसा उठाने धन्दा गरेको देखिएको एक प्रहरी अधिकारीले बताए ।

त्यही उठाएको रकम लुट्न मण्डलले उनीहरूको हत्या गरेको हुन सक्ने प्रहरीको आशंका छ ।

उखुबारीमा गाडिएको अवस्थामा भेटिएका दुवै शवको पहिचान खुल्यो

लिम्बु र मण्डलबीच २ अर्ब ५० करोडको कागजी लेनदेन भएको समेत खुलेको प्रहरीको भनाइ छ । प्रहरीको अनुसन्धानमा लिम्बुको हत्यापछि मण्डलले मोरङ बोलाएर श्रेष्ठ र चौधरीको हत्या गरेको खुलेको छ ।

मण्डलले उनीहरूको हत्या गर्न सिरियल किलरलाई सुपारी दिएर हत्या गरेको आशंका गरेका छ । मण्डलमाथि मारेङ प्रहरीले थप अनुसन्धान जारी राखेको छ ।

प्रकाशित मिति: बिहीबार, माघ २०, २०७८ २१:५२

कृष्णसिंह लाेथ्याल

प्रतिक्रिया दिनुहोस्

भर्खरै

सर्वोच्चको फैसलाले इन्टरनेट सेवा प्रदायकबाट तीन अर्ब ६४ करोड राजस्व असुलीको बाटो खुल्यो

जसपा प्रवक्ता मनिष सुमनलाई प्रश्न– उपेन्द्र यादवसँग नेताहरू किन मिल्न सक्दैनन् ? (भिडियो)

कांग्रेसलाई बालुवाटार बोलाएर प्रधानमन्त्रीले भने– नीति तथा कार्यक्रम राेकिए जिम्मेवारी लिनुपर्छ

सिन्धुपाल्चोकमा मोटरसाइकल दुर्घटना हुँदा श्रीमतीकाे मृत्यु, श्रीमान् घाइते

जनकपुरधामबाट ८० लाख रुपैयाँ लुटेको आरोपमा दुई जना पक्राउ

लोकप्रिय

जसपा विभाजनसँगै वैकल्पिक गठबन्धनको च्याप्टर क्लोज, अब के गर्छ कांग्रेस ?

जसपा विभाजनले प्रचण्डलाई राहत, माधव नेपालकाे सपना चकनाचुर

कलंकीबाट हराएकी स्नेहा सात दिनपछि पशुपतिमा भेटिइन्

सन्दीप लामिछानेको मुद्दामा कसरी जोडिए पारस ? यस्ता छन् परिघटना

अमेरिका शयरमा रहेका उपेन्द्रलाई अशाेक राई र प्रदीप यादवकाे ‘सरप्राइज’, कसरी बन्यो पार्टी फुटाउने गोप्य डिजाइन ?

विचार

नगरवधू आम्रपाली कसरी भिक्षु भइन् ?

खुसीको कुरा, नेपालीको आयु बढ्यो तर हेरचाह गर्ने कसले ?

इलाम- २ को उपनिर्वाचनपछि रास्वपा नेतृत्वले बुझाेस्- सधैँसधैँ आँधीहुरी आउँदैन

ब्लग

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

म गे हुँ भनेर थाहा पाउँदा आमालाई सुर्ता भयो, 'अब यसलाई समाजले कति दुःख देला नि'

'बोक्सीको घर' हेरेपछि निदाउनै सकिनँ

शिक्षा

युनिग्लोब सेकेन्डरी स्कुलले कक्षा काेठाबारे शिक्षकलाई दियो तालिम, १६० जना सहभागी

राइटपाथको ‘ग्रान्ड एजुकेसन कन्क्लेभ २०२४’: सहभागीहरूले प्राप्त गरे २०८१ रुपैयाँमै आईईएलटीएस गर्न पाउने अवसर

युनिग्लोब स्कुल कमलादीले ५० भन्दा धेरै विद्यालयका शिक्षकलाई तालिम दिँदै