किन चाहिन्छ 'बोल्ड सिन'मा इन्टिमेट डाइरेक्टर ?

A+ A A-

२४ जनवरीमा बलिउड फिल्म ‘गहराइयाँ’को टिजर सार्वजनिक भयो । टिजरको अन्त्यमा 'इन्टिमेट निर्देशक'को नाममा युक्रेनी फिल्ममेकर डार गाईलाई क्रेडिट दिइएको प्रसंग अहिले चर्चामा छ ।

हेर्नुहाेस् टिजरः

लेखक असीम छाबडाले यस प्रसंगलाई सामाजिक सञ्जालमार्फत् चर्चामा ल्याएका हुन् । असीम छाबडा ती लेखक हुन् जसले इरफान, शशि कपूर, प्रियंका चोपडाजस्ता स्टारहरूको जीवनी पनि लेखेका छन्।

असीमले स्क्रिनसट सेयर गर्दै लेखेका छन्, 'म गलत हुन सक्छु तर यो पहिलो पटक भारतीय फिल्म (वा कुनै अन्य फिल्म)मा 'इन्टिमेसी निर्देशक'लाई क्रेडिट दिएको छ । म डार गाईलाई चिन्छु र यस फिल्ममा उनको काम हेर्न उत्सुक छु।'

अर्का ट्विटर प्रयोगकर्ताले भने, 'यो वास्तवमा धेरै राम्रो छ । सुरुमा मलाई थाहा थिएन कि अन्तरंग निर्देशनजस्तो केही हुन्छ भनेर । महिनौँअघि स्न्यापच्याटमा यसको बारेमा क्लिप देखेँ र धेरै प्रभावित भएँ। फिल्म बनाउन गरिएको कडा परिश्रमले मलाई छक्क पारेको छ ।'

फिल्ममा इन्टिमेट निर्देशकको जिम्मेवारी निकै चुनौतीपूर्ण हुन्छ । कुनै चलचित्र तथा सिरिजमा नग्न वा सेक्स सिनको छायाँकन बिनाबाधा गर्ने पूरा जिम्मेवारी इन्टिमेट निर्देशकको हो । तर, इन्टिमेट निर्देशकको काम त्यति मात्र होइन ।

'विश्वव्पापी रूपमा चर्चा पाएको 'मिटु' आन्दोलनले आम मानिसमा अभिनयलाई खराब पेसाको रूपमा बुझाएको छ । त्यसकारण कलाकारहरूलाई शारीरिक र मनोवैज्ञानिक रूपमा सुरक्षित कामको वातावरण उपलब्ध गराउन आवश्यक छ,' निर्देशक डार गाई भन्छिन् ।

'फिल्म उद्योगमा अझै पनि यो कार्यान्वयनमा छैन । कार्यान्वयन गर्दा कलाकारले कस्तो अनुभूति गर्छन्, उनीहरू मनोवज्ञानिक रूपमा सुरक्षित छन् कि छैनन् भनेर बुझ्नु महत्त्वपूर्ण कुरा हो,' उनले पिटीआईसँगको जुम अन्तर्वार्तामा उनले भनेकी छन् ।

अन्तरंग त्यो दृश्यका लागि अभिनेता-अभिनेत्रीलाई सहज भएको हुनुपर्छ । सेक्स वा रोमान्सवाला सिनको लागि निर्देशकले तय गर्नुपर्छ कि त्यो सिन उनीहरूको लागि सहज छ कि छैन ।

अभिनेत्रीलाई कुनै सेक्स सिनमा लाज लाग्छ वा गर्न डर लाग्छ भने इन्टिमेट डाइरेक्टरले उनलाई त्यो दृश्यका लागि मनाउँछन् र केही हुँदैन भनेर निश्चिन्त पार्छन् । खास दृश्यका लागि अभिनेत्रीलाई प्रशिक्षण दिनु इन्टिमेट निर्देशकको काम हो।

इन्टिमेट निर्देशकहरू सुरुदेखि नै निर्देशकसँग जोडिएका हुन्छन् । ताकि उनीहरूले फिल्ममेकरसँग मिलेर दृश्यहरू कोरियोग्राफ गर्न सकुन् । यसमा निर्देशकले अभिनेत्रीको कुन पहिरनमा बढी एक्सपोजर हुन्छ भन्ने पनि ख्याल राख्छन् ।

मूलतः फिल्म उद्योगमा कुनै पनि अभिनेत्रीमाथि दुर्व्यवहार नहोस् भन्ने उद्देश्यले इन्टिमेट निर्देशक नियुक्त गरिएको हुन्छ ।

यसमा इन्टिमेट निर्देशकको काम प्राविधिक मात्र नभएर मनोवैज्ञानिक पनि छ । कुनै अभिनेता सेक्स वा चुम्बन दृश्यको क्रममा उत्तेजित हुन सक्छन् । त्यो अवस्था आउन नदिन इन्टिमेट निर्देशकको भूमिका हुन्छ ।

अन्तरंग संयोजकले अन्तरंग दृश्यलाई सहज बनाउन रचनानात्मक अनुभव तथा उपाय सेयर गर्छन् । 'हामीलाई भारतमा अन्तरंग संयोजक चाहिन्छ । किनभने मनोरञ्जन उद्योगमा स्वीकार्य संस्कृति स्थापना गर्ने यो राम्रो तरिका हो। कलाकारहरूको शरीरलाई एकअर्कासँग कसरी अन्तर्क्रिया गर्ने भनेर सचेत गराउनु हो,' अन्तरंग संयोजक नेहा व्यासले हिन्दुस्तान टाइम्ससँग भनेकी छन् ।

को हुन् डार गाई ?

डार गाई फिल्म 'गेहराइँ'का लागि एक इन्टिमेट कोचको रूपमा काम गर्दैछिन् । उनले कलाकारहरूबीचको सहमति, अन्तरंग दृश्यको समयमा प्रोटोकलका साथ सहजीकरण र संयोजन गर्नेछिन् । फिल्म 'गहराइयाँ' ११ फेब्रुअरीमा अमेजन प्राइममा रिलिज हुने बताइएको छ । 'गहराइयाँ'मा दीपिका पादुकोण, सिद्धार्थ चतुर्वेदीको मुख्य भूमिका छ ।

त्यसैगरी अनन्या पाण्डे, धैर्य करवा, नसिरुद्दिन शाह र रजत कपुरको पनि महत्त्वपूर्ण भूमिका छ । फिल्मलाई शकुन बत्राले निर्देशन गरेका हुन् ।

दार डाई युक्रेनकी हुन् । भारत जानुअघि उनले युरोपमा १० वर्ष बिताइन् । भारतमा उनी ग्वालियरको प्रख्यात सिन्धिया स्कूल फर ब्वाइजको लागि थिएटर प्रशिक्षकको रूपमा सामेल भइन् । २०१८ मा प्रदर्शन भएको फिल्म 'थ्री एण्ड हाल्फ' उनको निर्देशकीय डेब्यू थियो । त्यसपछि उनले 'नामदेव भाउः इन सर्च अफ साइलेन्स'मा काम गरिन् ।

उनले निर्माता, निर्देशक र लेखकको रूपमा धेरै प्रोजेक्टहरूमा काम गरिसकेकी छन् । डार गाईले म्युजिक भिडियो निर्देशकको रूपमा पनि काम गरिसकेकी छन् । (भातीय सञ्चारमाध्यमको सहयोगमा)

प्रकाशित मिति: शुक्रबार, माघ २१, २०७८ ०६:४४