अक्षय कुमारले ७ करोड ८० लाखमा किने नयाँ अपार्टमेन्ट

A+ A A-

बलिउड अभिनेता अक्षय कुमार अहिले फिल्म उद्योगका सबैभन्दा व्यस्त कलाकार हुन् । अहिले उनी ब्याक टु ब्याक फिल्मको सुटिङ गरिरहेका छन् । फिल्म क्षेत्रमा सबैभन्दा धेरै पारिश्रमिक लिने कलाकारमध्ये एक हुन्, अक्षय । हालै उनको फिल्म 'सूर्यवंशी'ले बक्स अफिसमा धमाका पिट्यो ।

अक्षयले हालै आलिसान अपार्टमेन्ट खरिद गरेका छन् । उनले मुम्बईको वेस्ट खार क्षेत्रमा नयाँ विलासी अपार्टमेन्ट लिएका हुन् ।उनको नयाँ घरको लागत ७ करोड ८० लाख छ । यो फ्ल्याट खार वेस्टको जोय लिजेन्ड बिल्डिङको १९औँ तल्लामा छ । यो फ्ल्याटसँगै उनले चारवटा गाडी पार्किङ गर्ने ठाउँ पनि पाएका छन् ।

अक्षयले डिसेम्बर २०२१ मा आफ्नो अन्धेरी वेस्ट अफिस ९ करोडमा बेचेका थिए । त्यसपछि उनले खार वेस्टमा नयाँ अपार्टमेन्ट लिएका हुन् । अक्षय कुमार हाल जुहुमा रहेको डुप्लेक्स अपार्टमेन्टमा आफ्नी पत्नी ट्विंकल खन्ना र दुई सन्तान- आरव र नितारासँग बस्छन् । उनको मुम्बईमा अर्को समुद्र-मुखी फ्ल्याट पनि छ । यति मात्र होइन, उनको गोवा र मौरिससमा पनि सम्पत्ति छ ।

हालै अक्षय कुमारले इन्स्टाग्राममा फिल्म 'सेल्फी'को टिजर सार्वजनिक गरेका छन् ।अक्षय कुमार फिल्म 'राम सेतु'को लागि खतरनाक अन्डरवाटर सिक्वेन्स सुट गर्न लागेका छन् । बलिउड सञ्चारमाध्यमका अनुसार यो दृश्यको सुटिङ यसै महिनाको अन्त्यमा हुनेछ । मिडिया रिपोर्टकाअनुसार, निर्देशक अभिषेक शर्माले निर्देशन गर्ने यस फिल्ममा उनले पानीमुनि केही खतरनाक दृश्य खिच्ने छन् ।

यो दृश्यका लागि निर्माताले अन्तर्राष्ट्रिय टोलीलाई हायर गरेको बताइएको छ । अहिले आफ्नो आगामी फिल्म ओएमजी २ र राम सेतुको सुटिङमा व्यस्त छन् । यसबाहेक अक्षय बच्चन पाण्डे, रक्षाबन्धन, सिन्ड्रेला, डबल एक्सएल, ड्राइभिङ लाइसेन्स, राउडी राठौर २ मा देखिनेछन् ।