व्यवसायी बन्न चाहनेहरूको सारथि आइडिया स्टुडियो, यसरी जोडिनुस् तपाईं पनि

A+ A A-

छ वर्षअगाडि २ करोड रुपैयाँ पुँजी लगानी गरेर माछापालन सुरु गरेका विशाल राई पाँच वर्षसम्म व्यवसाय भनेजति नफस्टाएको भन्दै आइडिया स्टुडियो आइपुगे । ठूलो रुपैयाँ लगानी गरिसकेका उनलाई देखेर जोकोही अचम्मित बन्न सक्थे । किनकि उनको व्यवसाय ठूलो थियो । विस्तारित भइसक्दा पनि उनमा भने सन्तुष्टि थिएन ।

कतै चुकिरहेको छु या कतै व्यवसायले सही लय समातेको पो छैन कि ? अनि अझै लगानी थप्न पाए व्यवसाय बढ्थ्यो कि ? यस्तै समस्यासहित आइडिया स्टुडियोमा आइपुगेका राई फेरि व्यावसायिक तालिम लिएपछि भने आत्मसन्तुष्टिसहितको व्यवसायमा तल्लीन छन् । ‘पहिला लगानी गरेर मात्रै व्यवसायमा सफल बनिनँ’, राई भन्छन्, ‘आइडिया स्टुडियोबाट सिकेको कुरालाई व्यवसायमा कार्यान्वयन गरेकाले व्यवसायबाट अहिले भने खुसी छु ।’

मोरङकी कमला राईले भारतमा पुगेर मोती खेतीबारे तालिम लिइन् । नेपालमा खेती नभएको र सम्भावना प्रचुर देखेकी उनले १० हजारबाट मोती खेतीको सुरुवात गरिन् । भारतबाटै सिपी ल्याएर मोती उत्पादनमा लागेकी कमला दुई वर्षसम्म व्यवसाय विस्तारमै अलमलिइन् । भन्छिन्, 'नेपालमा ल्याए पनि मोती हो भनेर पत्याउनै गाह्रो भयो ग्राहकलाई । मार्केट बुझ्न पनि समस्या रहेछ । त्यसैले मचाहिँ आइडिया स्टुडियो पुगेँ ।'

झापाका २ करोड रुपैयाँ लगानी गर्ने विकास हुन् या मोरङकी १० हजार रुपैयाँ लगानी गर्ने कमला, यी सबै आइडिया स्टुडियो पुग्ने एउटै कारण छ, त्यो हो– व्यवसाय विस्तारका लागि बाटो पहिल्याउन सहयोग पाउनु ।

आइडिया स्टुडियोबाट व्यवसायी बन्नेहरूको कथा

व्यवसाय गर्ने सोच भएका, सुरु गर्दै गरेका र वर्षौंौसम्म व्यवसाय गरेर पनि आत्मसन्तुष्टि नपाइराखेका ती तमाम व्यवसायीहरूलाई समेट्दै आएको आइडिया स्टुडियो आफैँमा एउटा पथप्रदर्शक बन्न पुगेको छ । त्यसैले अचेल अध्यक्ष डा.क्षिरिङ लामा भन्छन्, 'व्यवसाय गर्न सिकाउन सुरु गरेको थिएँ । अहिले त अभिभावक पो बन्न पुगेछु ।'

यसरी तपाईं व्यवसायी बन्न सक्नुहुनेछ

सोचलाई उद्योगको रूप दिन विगत ८ वर्षदेखि आइडिया स्टुडियो लागिपरिहेको छ । कहिले प्रतिस्पर्धाको माध्यमबाट त कहिले सचेतनाको माध्यमबाट नेपाली युवालाई नेपालमै व्यवसायी बनाउन लागिपरिरहेको आइडिया स्टुडियो तपाईंको पनि व्यावसायिक सारथि बन्न सक्छ ।

आइडिया छ तर पैसा छैन, कसरी व्यवसाय गर्ने भन्ने सोचमै अलमलिएका नवउद्यमीहरूलाई व्यवसायी बनाउन पुलको काम गर्दै आएको छ आइडिया स्टुडियोले । हरेक वर्ष आइडिया स्टुडियो नामक टेलिभिजन कार्यक्रम सञ्चालन गरेर सोचलाई व्यवसायमा स्थानान्तरण गर्दै आएको छ । यसरी सोचलाई व्यवसाय बनाउन युवाहरूको व्यावसायिक सारथि बन्दै आएको स्टुडियोले यो वर्ष पनि आवेदन माग गरिसकेको छ ।

जसका लागि आवेदन दिएका आइडियटरहरूलाई स्टुडियोले सम्बन्धित विज्ञबाट व्यवसाय कसरी गर्ने ? के–के कुरामा अध्ययन गर्ने ? लगानी कसरी जुटाउनेलगायत व्यावसायिक विस्तारका विषयमा तालिम दिनेछ ।

यसरी दिनुस् आवेदन

‘सोचदेखि उद्योगसम्म’को नारासहित अघि बढेको ‘आइडिया स्टुडियो नेपाल’को छैटौँ सिजनका लागि आवेदन खुलेको छ । आइडिया स्टुडियोको नयाँ सिजनमा समावेश हुनका लागि आगामी १७ माघसम्म आवेदन बुझाउन सकिनेछ । आवेदन आइडिया स्टुडियो नेपालको वेबसाइटमा गएर सिजन ६ का लागि दिइएको आवेदनफारम भर्नुपर्नेछ । जसमा तपाईंको व्यावसायिक सोच, कार्यान्वयनको अवस्था र भावी योजनासमेत समेटिनुपर्नेछ । यसरी आवेदन फारम भरेपश्चात् तपाईंको व्यावसायिक सोच वा व्यवसाय छनोट गरिनेछ तालिमका लागि । तालिमपश्चात् भने अन्य प्रतिस्पर्धीसँग प्रतिस्पर्धामा उतारिनेछ । योबीचमा व्यावसायिक प्रशिक्षण मात्रै नभएर कर्जाका लागि समन्वय तथा लगानी पनि आइडियो स्टुडियोले गर्नेछ ।

यी विधामा दिन सकिन्छ आवेदन

अन्य सिजनजस्तै यो वर्ष पनि चारवटा विधामा आवेदन खुलाइएको छ । ग्रिनोभेसन, हाइफ्लाइङ, सोसल इम्प्याक्ट र मेड इन नेपाल । जसमा विधाका लागि वातावरणमैत्री व्यावसायिक योजना पेस गर्नुपर्ने हुन्छ भने हाइफ्लाइङका लागि प्रविधिमैत्री तथा समय सान्दर्भिक योजना पेस गर्नुपर्ने हुन्छ ।

त्यस्तै, मेड इन नेपाल विधामा नेपालमै उत्पादन गरेर आयातलाई प्रतिस्थापन गर्न सहयोग पुर्‍याउने तथा नेपाली उत्पादनलाई बढावा दिन सहयोग पुर्‍याउने खालका व्यावसायिक योजना पेस गर्नुपर्ने हुन्छ । सोसियल इम्प्याक्ट विधामा चाहिँ सामाजिक र सकारात्मक रुपान्तरणमा अग्रसर बनेका र बन्न चाहने व्यावसायिक योजनाहरू पेस गर्नुपर्ने हुन्छ ।

सन २०१४ बाट सुरु भएको आइडिया स्टुडियो सिजन– ५ सम्म आइपुग्दा झण्डै २५ सयभन्दा बढी नवउद्यमीहरू जोडिइसकेका छन् । जसमा १ सयभन्दा बढी प्रतिस्पर्धीले सोचबाट उद्यमको यात्रा तय गरिसकेका छन् ।

यो पनि...

माछापालनबाटै वर्षमा अर्बौंको कारोबार, कारोडौँ नाफा
क्यान्सरलाई जित्दै ५ वर्षमा उद्यमी बनेकी सीता

सिस्नुको प्रयोग गरौँ, स्वस्थ बनौँ

आइडिया स्टुडियोमा आएका फरक शैलीका चार उत्पादनमुखी योजना

झापाका सौरभले बनाएकाे राइस ट्रान्सप्लान्टर बन्न सक्छ किसानकाे सारथि

कृषिमा युवाहरूका मौलिक योजना : माटोबिनै साग फलाउनेदेखि झिँगाबाट औषधि बनाउनेसम्म

कमलाको कमाल : समुद्रबाट होइन, सानो पोखरीबाटै मोती उत्पादन

झिँगामा भविष्य खाेज्नेहरू, जसले बनाउँदै छन् औषधि

लकडाउनले नरोकिएका सिर्जनशील हातहरू

यी आइडिया, जसले घरमै बसेर बनाउनेछन् लखपति

नयाँ सोच, नौलो उत्पादन : आइडियाले दिएको ऊर्जा

बल्बपेनमा देशलाई नै आत्मनिर्भर बनाउने उद्याेगी जोशीको जोस