सामसुङको सन् २०२२ को पहिलो र प्रमुख उत्पादन ग्यालेक्सी एस२१ एफई ५जी सार्वजनिक, यस्ता छन् विशेषता

सामसुङको सन् २०२२ को पहिलो र प्रमुख उत्पादन ग्यालेक्सी एस२१ एफई ५जी सार्वजनिक, यस्ता छन् विशेषता

A+ A A-

सामसुङले २०२२ को आफ्नो पहिलो प्रमुख उत्पादन ग्यालेक्सी एस२१ एफई ५जी सार्वजनिक गरेको छ । कम्पनीले उक्त फोन ग्यालेक्सी एस २१ का प्रिमियम गुणहरूको भरपूर शक्ति भएको, नयनाभिराम डिजाइन, शक्तिशाली कार्यक्षमता, प्रो–श्रेणीको क्यामेरा र कठिनाइरहित इकोसिस्टम सम्पर्क क्षमता भएको दाबी गरेको छ ।

'ग्यालेक्सी एस२० एफईप्रति दर्शाइएको अभूतपूर्व प्रेमलाई देखेपश्चात् हामीले ग्यालेक्सी एस२१ एफई ५जीका साथ त्यही विरासतलाई अघि बढाएका छौँ, जुन महानतम अनुभव प्रदान गर्नका लागि तयार पारिएको हो । सर्वोत्तम श्रेणीको त्रि–क्यामेरा, ६.४ इन्चको एफएचडीका साथै अद्वितीय एमोलेड डिस्प्ले, १२० हर्जको रिफ्रेस दर एवं शक्तिशाली प्रोसेसरयुक्त यस फोनले युवा ग्राहकहरूका लागि हरेक दिन अभूतपूर्व बनाउने विश्वास लिएका छौँ । ग्यालेक्सी एस२१ एफईका अलौकिक रङहरू र डिजाइनले उपभोक्ताहरूको मन पक्कै जित्नेछ,' सामसुङ मोबाइल नेपालका बिजनेस प्रमुख प्रणयरत्न स्थापितले बताए ।

उच्च श्रेणीको क्यामेरा

कम्पनीका अनुसार ग्यालेक्सी एस२१ एफई ५जीमा सर्वोत्तम श्रेणीका तीनवटा क्यामेरा जडान गरिएको छ, जसले सामाजिक सञ्जाललाई चकाचक बनाउनेछ । यसको पृष्ठ भागमा उच्चतम श्रेणीको १२ एमपी (यूडब्लू) प्लस १२ एमपी (डब्लू) प्लस ८ एमपी (टेलि) क्यामेरा छन् । तिनबाट चहकिलो एवं अद्भुत फोटोहरू खिच्न सकिन्छ । अल्ट्रा वाइड लेन्सले सविस्तार सबैलाई एउटै फ्रेममा समेटिदिन्छ ।

यसैगरी ३२ एमपी क्षमताको अग्र क्यामेराको सहायताले अद्भुत नयनाभिराम सेल्फीहरू खिच्न सकिन्छ । प्रो–श्रेणीको क्यामेरा प्रणालीमा अभूतपूर्व अनुभव दिलाउने दोहोरो रेकर्डिङ, पोट्रेट मोड, विस्तारित रात्रिमोड र ३० गुणासम्म नजिक जुम सुविधाहरू छन् ।

उच्च श्रेणीको पावर हाउस

कम्पनीका अनुसार ग्यालेक्सी एस२१ एफई ५जीमा सुन्दर ६.४ इन्चको एफएचडी प्लस डायनामिक एमोलेड २x डिस्प्ले छ । यो डिस्प्ले अत्यन्त सजिलो १२० हर्ज रिफ्रेस दर, २४० हर्ज टच स्याम्प्लिङ दरयुक्त छ र यसका साथै यसमा अद्वितीय एवं सिल्की सजिलो स्क्रोलिङ अनुभवका लागि एआईमा आधारित ब्लु लाइट नियन्त्रण छ, जसले आँखालाई बिझाउन दिँदैन ।

यस्तै, ५एनएम एक्जिनस २१०० प्रोसेसर र ४५०० एमएएच ब्याट्री भएको ग्यालेक्सी एस२१ एफई ५जीले अधिकतम उच्च गति र निर्वाध कार्यक्षमताको सुनिश्चितता प्रदान गर्दछ । यो ताररहित पावर शेयर र ताररहित छिटो चार्ज हुने २.० का साथ उपलब्ध छ र यसले २५ वाट तीव्र चार्जलाई साथ दिन्छ ।

आईपी ६८ रेटिङले स्मार्टफोनलाई धुलो र पानी प्रतिरोधक बनाएको छ । ग्यालेक्सी एस२१ एफई ५जी दिनभर चल्ने ब्याट्री, ५जी र वाइफाइ ६ सम्पर्क क्षमताका साथ उच्चतम शक्ति, गति र कार्यक्षमतासहित उपलब्ध छ ।

ग्यालेक्सी एस२१ एफई ५जी ग्राफाइट, लाभेन्डर र अलिभ गरी तीन रङमा उपलब्धछ । ग्राहकहरूले ग्यालेक्सी एस२१ एफई ५जीको ८+२५६ जीबी भेरियन्ट ८९ हजार ९ सय ९९ रुपैयाँमा खरिद गर्न सकिनेछ । यो फोन सामसुङका सीमित ब्राण्ड स्टोर तथा रिटेल स्टोरहरूबाट खरिद गर्न सकिने कम्पनीले जनाएको छ ।

प्रकाशित मिति: बिहीबार, पुस २९, २०७८ १५:१३