काठमाडौंका सहायक सीडीओलाई प्रश्न- सार्वजनिक सेवाका लागि खोप कार्ड अनिवार्य गर्दा व्यवस्थापनमा गाह्रो हुँदैन ?

काठमाडौंका सहायक सीडीओलाई प्रश्न- सार्वजनिक सेवाका लागि खोप कार्ड अनिवार्य गर्दा व्यवस्थापनमा गाह्रो हुँदैन ?

A+ A A-

कोभिड संक्रमणको जोखिम बढेको भन्दै काठमाडौं उपत्यकामा प्रशासनले भिडभाड गर्न रोक लगाएको छ । उपत्यकाका तीन जिल्लाका प्रमुख जिल्ला अधिकारीले कोभिड- १९ को संक्रमण फैलिएको भन्दै १८ बुँदे आदेश जारी गरेका छन् । उक्त आदेशमा सर्वसाधारणदेखि व्यवसायीसम्मले के गर्ने के नगर्ने भन्ने तोकिएको छ । आदेशमा भएका कतिपय व्यवस्थाले भ्रम पैदा गरेको छ । यसै सन्दर्भमा काठमाडौंका सहायक प्रमुख जिल्ला अधिकारी उमाकान्त अधिकारीसँग न्युज एजेन्सी नेपालले गरेको कुराकानीः

जिल्ला प्रशासन कार्यालय काठमाडौंले १८ बुँदे आदेश जारी गरेको छ । सो आदेश किन जारी गर्नुपरेको ?

केही दिनदेखि कोभिडको संक्रमण वृद्धि हुँदै गइरहेको र विशेष गरी कोभिडको संक्रमण परीक्षणको क्रममा बढ्दै गइरहेको र त्यसले सम्भावित जोखिमलाई बढ्ने, सम्भावित स्वास्थ्य अवस्थालाई थप जोखिमपूर्ण बनाउने विश्लेषण भएपछि सीसीएमसीको सिफारिसको कार्यान्वयन गर्ने सन्दर्भमा जारी भएको आदेश हो ।

संक्रमणको जोखिमका हिसाबले अहिलेको अवस्था कस्तो हो ? सूचना कस्तो छ ?

कोभिड रोकथाम, नियन्त्रण तथा व्यवस्थापनसम्बन्धमा केन्द्रीयस्तरमा सीसीएमसीको संरचना छ । जिल्लास्तरमा डीसीसीएमसीको संरचना छ । केन्द्रीयस्तरको संरचना पनि स्वास्थ्यविज्ञहरू, स्वास्थ्य क्षेत्रका प्रबुद्ध व्यक्तित्वहरू, पदाधिकारीहरूको सहभागिता रहन्छ । र, जिल्लास्तरको संरचनामा पनि जनस्वास्थ्य विज्ञहरू, डाक्टरहरूको सहभागिता रहन्छ । परीक्षणका क्रममा संख्यात्मक रूपमा दिन प्रतिदिन संक्रमण दर र चाप बढ्दै गइरहेको, संक्रमितहरू थपिँदै गइरहेको छ र स्वास्थ्य मापदण्डका पालनाका विषयमा थप प्रभावकारी कदम चाल्नुपर्ने विश्लेषण र समीक्षाकै आधारमा यो सिफारिस भएको भन्ने बुझिन्छ । त्यो सिफारिस स्थानीयस्तरमा कार्यान्वयन गर्न आदेश जारी भएको अवस्था हो । पछिल्लो समयमा यो संख्या वृद्धि भइरहेको दैनिक विवरणहरू आइरहेका छन् । संक्रमणको दर विगतको तुलनामा गुणात्मक रूपले बढिरहेको अवस्था हो ।

काठमाडौं उपत्यकाको सीमाचौकीमा परीक्षणको अवस्था कस्तो छ ?

दुई प्रकारले यसको व्यवस्थापन गरिरहेका छौँ । एउटा, भिडभाडजन्य क्रियाकलापको न्यूनीकरण, जनस्वास्थ्यका मापदण्डहरूको पालनालाई प्रभावकारी बनाउने । ती विषयहरूमा अनुगमनलाई पनि प्रभावकारी बनाउने । र, आमरूपमा नागरिकहरूमा स्वास्थ्य मापदण्ड पालनाका लागि आह्वान गर्ने ।आमनागरिकको सहयोग प्राप्त गर्ने वातावरण बनाउने । अर्कोतर्फ कोभिडको संक्रमण र त्यसबाट प्रभावित व्यक्तिहरूलाई समयमा उपचार, समयमा त्यसको व्यवस्थापनका कुरामा अस्पतालहरू, स्वास्थ्य युनिटहरू, स्वास्थ्य संस्थाहरूमा संक्रमण दर बढ्दै गएपछि अक्सिजन सिलिण्डर, बेडलगायतका स्वास्थ्य सामग्रीको उपलब्धता, त्यसको भण्डारण र थप अपडेट गराइराख्न हिजो मात्रै डीसीसीएमसीबाट निर्णय पनि भएको छ ।

अक्सिजन सिलिण्डरहरू अहिले कोही कसैसँग बाहिर अनौपचारिक रूपमा रहेको भए सम्बन्धित उद्योगमा, स्थानीय तहमा, अस्पतालहरूमा फिर्ता गरिदिनलाई हामीले आह्वान गरेका छौँ । त्यसैगरी सरकारी तथा निजी स्वास्थ्य संस्थाहरूलाई कोभिडको उपचारका लागि आवश्यक पर्ने तयारीका साथ रहन सोसम्बन्धी व्यवस्थापनलाई चुस्त, दुरुस्त बनाउन पनि हिजोको डीसीसीएमसीको बैठकले थप निर्णय गरेको छ । यो फैलिन नदिनका लागि सूचना, निर्देशनात्मक आदेशहरू प्रवाह भइरहेको छ भने अर्कोतर्फ पूर्वाधारहरूको व्यवस्थापनका लागि पनि थप गतिविधिहरू अगाडि बढिरहेको अवस्था छ ।

खोप केन्द्र कम छ, खोप लगाउनुपर्नेहरूको संख्या धेरै छ । सार्वजनिक सेवा प्रवाहमा खोप कार्ड अनिवार्य भनिएको छ । खोप कार्ड देखाएर मात्रै अरु काम-कारबाही अगाडि बढ्नेभन्दा जीवनयापन व्यवस्थापन गर्न गाह्रो हुँदैन ?

अहिले खोपको अभाव नभएको अवस्था हो । खोप लगाउन इच्छुक व्यक्तित्वहरू अहिले पनि सहभागी हुन सक्नुहुन्छ । खोप कार्डको व्यवस्था ७ माघपछि प्रभावकारी हुने सूचनामा लेखिएको छ । यो बीचमा करिब ९० प्रतिशतभन्दा माथिले काठमाडौं उपत्यकाको हकमा खोप दिने काम भइसकेको छ । बाँकी रहेको १० प्रतिशत हो । त्यो पनि एक हप्ताभित्र खोप लगाइसक्ने लक्ष्यका साथ ७ माघपछाडि मात्रै खोप कार्डको व्यवस्था लागू हुने गरी सूचनामा उल्लेख भएको हो । यसले खोप लगाउन छुट भएका व्यक्तिहरूलाई खोप लगाउन प्रेरित गर्छ । अर्को, खोप लगाइसकेका व्यक्तिहरूले पनि आफ्नो खोप अभिलेख आफूसँग राख्ने । यी दुई प्रयोजनका लागि खोप कार्डको व्यवस्था गरिएको हो । यसकारण यसले दुविधा उत्पन्न हुँदैन जस्तो लाग्छ मलाई ।

अनुगमनको कुरालाई कत्तिको प्रभावकारी र व्यवस्थित बनाउनुभएको छ ?

महामारी जटिल विषय हो । यो कुनै एउटा निकाय, कुनै एउटा संरचना, अथवा सरकार मात्रले नियन्त्रण गर्ने, रोकथाम गर्नेभन्दा पनि आमजिम्मेवारीको विषय हो । आमनागरिकको आफ्नो जिम्मेवारीको विषय पनि हो र जेजस्ता विषयहरू, नीतिहरू बनाइएको छ, त्यसको पूर्ण परिपालना गर्ने, स्वास्थ्यसम्बन्धी मापदण्डको पालना गर्ने, भिडभाडजन्य गतिविधिहरू नगर्ने, यसको रोकथामका उपायहरूमा सहयोग गर्ने आमनागरिकको दायित्व र जिम्मेवारी हो । सञ्चारमाध्यम पनि एउटा अनुगमन गर्ने पार्ट हो । सरकारी संयन्त्रबाट पनि आफ्नो ठाउँबाट भएकै छ ।

त्यसका साथसाथै स्वयम् नागरिक पनि एउटा अनुगमनकर्ता हो । हाम्रो पहिलो आग्रह सम्पूर्ण नागरिकहरूमा स्वास्थ्यको मापदण्ड पालना गरिदिन, भिडभाडजन्य गतिविधि नगरिदिनका लागि नै हाम्रो पहिलो आग्रह रहन्छ । जहाँसम्म औपचारिक संयन्त्रको कुरा छ, आदेशको पालनाका लागि हामीले सुरक्षा निकायलाई पनि निर्देशित गरेका छौँ । सुरक्षा निकायबाट पनि स्थानीय फिल्डस्तरमा आकस्मिक तथा नियमित अनुगमनहरू हुन्छ । स्वास्थ्य संयन्त्रबाट, डीसीसीएमसीको लेभलबाट, जिल्ला प्रशासनबाट पनि हामीले अनुगमन नियमित रूपमा गर्ने नै हाम्रो योजना छ ।

प्रकाशित मिति: बुधबार, पुस २८, २०७८ १५:५५

शिलापत्र संवाददाता

प्रतिक्रिया दिनुहोस्

भर्खरै

आज यी स्थानमा हुनेछ मेघ गर्जनसहित वर्षा

विद्यार्थी आन्दोलनमाथि उठिरहेको प्रश्न

'ग्रीन कार्पेट’ कन्याम (फोटो फिचर)

नेपाली कांग्रेस संसदीय दलको बैठक बस्दै

प्रतिनिधिसभाको बैठक बस्दै, यस्तो छ सम्भावित कार्यसूची

लोकप्रिय

छानबिन समिति बने गृहमन्त्रीबाट राजीनामा दिने तयारीमा रवि लामिछाने

एउटै रेडियोमा काम गर्थे रवि र गगन, २५ वर्षपछि सम्बन्धमा कसरी बढ्यो खटपट ?

एमाले र माओवादीसँग कसरी बिग्रियो उपेन्द्रको सम्बन्ध ?

बर्खास्तीमा परेको साढे सात वर्षपछि सार्वजनिक कार्यक्रममा देखिए पूर्वअख्तियार प्रमुख कार्की

सन्दीपको मुद्दामा फैसला सुनाउनुअघि न्यायाधीशले सीसीटीभी फुटेज हेर्ने

विचार

दिगो विकासको आधारः शिक्षा व्यवस्था र विश्वदृष्टिकोण

नगरवधू आम्रपाली कसरी भिक्षु भइन् ?

खुसीको कुरा, नेपालीको आयु बढ्यो तर हेरचाह गर्ने कसले ?

ब्लग

रहस्यैरहस्यको चाङ नरवीर नेम्वाङ

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

म गे हुँ भनेर थाहा पाउँदा आमालाई सुर्ता भयो, 'अब यसलाई समाजले कति दुःख देला नि'

शिक्षा

दिगो विकासको आधारः शिक्षा व्यवस्था र विश्वदृष्टिकोण

अराजकताकाे केन्द्र बनिरहेका विद्यार्थी संगठन : आवरणमा शैक्षिक मुद्दा, व्यवहारमा चन्दा र आफन्तलाई जागिर जाेहाे

रोटरी अफ क्लब कान्तिपुर स्थापनाको अवसरमा दुई शिक्षक सम्मानित