भर्चुअल सुनुवाइ भइरहेका बेला याैन गतिविधि गरेका वकिललाई देशभरका अदालतमा बहस गर्न रोक

भर्चुअल सुनुवाइ भइरहेका बेला याैन गतिविधि गरेका वकिललाई देशभरका अदालतमा बहस गर्न रोक

A+ A A-

भारतमा भर्चुअल सुनुवाइका क्रममा एक महिलासँग शारीरिक सम्पर्क गरिरहेकाे देखिएपछि मद्रास उच्च अदालतका एक वकिल निलम्बित भएका छन् । आरडी सन्थाना कृष्णन नामका वकिललाई देशका सबै अदालतमा बहस गर्न राेक लगाइएकाे हाे ।

तमिलनाडु र पुडुचेरीकाे बार काउन्सिलले याे घटनालाई लिएर एक प्रेस रिलीज जारी गरेकाे छ । जसअनुसार कृष्णनविरुद्धकाे अनुशासनात्मक कार्बाही पूरा नभएसम्म उनले आफ्नाे वा अरू कसैकाे नामबाट बहस गर्न पाउने छैनन् ।

कानुनी कारबाही अघि बढाउन निर्देशन

न्यायाधीश पीएन प्रकाश र आर हेमलताले सन्थाना कृष्णनविरुद्ध अदालतकाे अवहेलनामा कार्बाही अघि बढाएका छन् । उनीहरूले प्रहरीलाई याे घट्नाकाे मुद्दा दर्ता गराइ प्रभावकारी अनुसन्धान गर्न निर्देशन दिएका छन् । अनुसन्धान टाेलीलाई २३ डिसेम्बरसम्म रिपाेर्ट बुझाउन भनिएकाे छ । तमिलनाडु बार काउन्सिलले पनि वकिलविरुद्ध अनुशासन कार्बाही गर्न निर्देशन दिएकाे छ ।

भारतीय मिडियाका अनुसार सामाजिक सञ्जालमा भाइरल भिडियाेमा वकिल एक महिलासँग याैन गतिविधि गरिरहेकाे अवस्थामा देखिन्छन् । यस बेला एक न्यायाधीशले भिडियाे कन्फ्रेन्सिङमार्फत कुनै मुद्दाकाे सुनवाइ गरिरहेका थिए । भिडियाे सामाजिक सञ्जालमा भाइरल भइरहेकाे छ ।

'यस्ताे घटनामा आँखा बन्द गर्न सकिन्न'

अदालतकाे कार्यवाहीका बीच सार्वजनिक रूपमा यस्ता घटना हुन्छन् भने त्यसमा आँखा बन्द गरी बस्न नसकिने साेमबार इजलासले बताएकाे छ । अदालतले शहरका पुलिस कमिश्नरलाई सामाजिक सञ्जालमा भिडियाे क्लिपिङकाे प्रसार राेक्नका लागि तत्काल कदम चाल्न निर्देशन पनि दिएकाे छ ।

प्रकाशित मिति: बुधबार, पुस ७, २०७८ १६:५१