अत्तरियामा टीभीएसको नयाँ शोरुम बागेश्वरी मल्टी मोटर्सको उद्घाटन, ‘टीभीएस रेडर’ सार्वजनिक

अत्तरियामा टीभीएसको नयाँ शोरुम बागेश्वरी मल्टी मोटर्सको उद्घाटन, ‘टीभीएस रेडर’ सार्वजनिक

A+ A A-

शंकर ग्रुप अन्तर्गतको जगदम्बा मोटर्सले अत्तरियामा आफ्नो एक्सक्लुसिभ थ्री एस (सेल्स, सर्भिस एण्ड स्पेयर्स) नयाँ शोरुम सञ्चालनमा ल्याएको छ । कम्पनीले बागेश्वरी मल्टी मोटर्स नामको नयाँ शोरुम उद्घाटन गरेको हो ।

शोरुमको उद्घाटन प्रमुख अतिथि कैलाली गोदावरीका उपमेयर रत्ना कदायरले गरेका हुन् ।

उद्घाटन कार्यक्रममा उद्योग वाणिज्य संघ –अत्तरियाका अध्यक्ष अशोक देवकोटा, सोही वडाका वडा अध्यक्ष शर्मानन्द भट्ट, अत्तरिया प्रहरी कार्यालयका प्रहरी नायब उपरीक्षक नवराज पोखरेल, अत्तरिया ट्राफिक प्रमुख बामदेव गौतम, टीभीएस मोटर्सका कन्ट्री हेड दीपक मक्कर, जगदम्बा मोटर्सका उपसभापति/निर्देशक दीपककुमार अग्रवाल, जगदम्बा मोटर्सका बिक्री महाप्रबन्धक दीपक रौनियारको उपस्थिति थियो ।

कार्यक्रममा बागेश्वरी मल्टी मोटर्सका प्रबन्ध निर्देशक प्रेम साउदले ग्राहकहरूले अत्यधिक रुचाएको ब्राण्ड टीभीएसको थ्रीएस सुविधासम्पन्न नयाँ शोरुम अत्तरियामा खोल्न पाउँदा आफू निकै गौरवान्वित महसुस गरेको बताए । उनले भने, 'नयाँ शोरुमले टीभीएसका बाइक तथा स्कुटरको खरिदका साथै सर्भिसमा समेत ग्राहकलाई थप सहजता प्रदान गर्नेमा हामी आशावादी छौँ ।'

नयाँ शोरुमको उद्घाटनका अवसरमा कम्पनीले युवालक्षित १ सय २५ सीसीको अत्याधुनिक फिचर्स भएको नयाँ मोटरसाइकल टीभीएस रेडर पनि सार्वजनिक गरेको छ । ‘टीभीएस रेडर’को सार्वजनिक कार्यक्रममा सप्तरंग ३ का चर्चित गायक रामकृष्ण ढकाल, अनिल सिंह, प्रमोद खरेल, बद्री पङ्गेनी, गायिका मिलन नेवार, अस्मिता अधिकारी, हाँस्य कलाकार राजा राजेन्द्र पोखरेल, मिडिया व्यक्तित्व नरेश भट्टराई र नीता प्रधांगना, टिक–टक स्टार उषा उप्रेतीलगायतको उपस्थिति थियो ।

सार्वजनिक गरिएको नयाँ बाइकमा एलसीडी डिजिटल स्पिडोमिटर, थ्रीभी आईटच स्टार्ट, एनिमलिस्टिक एलईडी हेडल्याम्पजस्ता फस्ट–इन–क्लास फिचर्सका साथै फस्ट–इन–सेग्मेन्ट अन्डर सिट स्टोरेज पनि उपलब्ध रहेको कम्पनीले बताएको छ ।

प्रकाशित मिति: मंगलबार, पुस ६, २०७८ १२:०८