'बजाज खुसीका तीन डोज'को विजेता घोषणा, लालबन्दीका बिट्टुकुमारले जिते १० लाख नगद पुरस्कार

'बजाज खुसीका तीन डोज'को विजेता घोषणा, लालबन्दीका बिट्टुकुमारले जिते १० लाख नगद पुरस्कार

A+ A A-

नेपालका लागि बजाजको एक मात्र आधिकारिक बिक्रेता हंसराज हुलासचन्द एन्ड कम्पनीले 'बजाज खुसीका ३ डोज'का विजेता घोषणा गरेको छ ।

कम्पनीले सञ्चालन गरेको उक्त योजनामा लालबन्दीका बिट्टुकुमार गुप्ताले १० लाख रुपैयाँ नगद पुरस्कार हात पार्न सफल बनेका छन् । उनले अर्किड्ज मोटर्स प्रालिबाट मोटरसाइकल खरिद गरेका थिए ।

हंसराज हुलासचन्द एन्ड कम्पनीले नेपालीहरूको महान् चाड बडादसैंँ, तिहार र छठको अवसर पारेर 'खुसीका ३ डोज' नामक चाडपर्व योजना सञ्चालन गरेको थियो ।

बजाजले आफ्ना ग्राहकहरूका लागि रोमाञ्चक योजना र अफरहरू ल्याउँदै आइरहेको छ । र, कोभिड—१९ महामारीको समयमा पनि बजाजले ग्राहकहरूमाझ खुसी बाँड्न आवश्यकताअनुरुपका योजनाहरू ल्याएको थियो ।

यस योजनाअन्तर्गत ग्राहकहरूले कुनै पनि बजाज मोटरसाइकल किन्नुभन्दा पहिले, किन्दाखेरी र किनिसकेपछि नगद पुरस्कार प्राप्त गर्ने अवसर थियो । साथै, ग्राहकहरूले बाइक किन्नुभन्दा पहिले १० हजार रुपैयाँसम्मको अग्रिम नगद प्राप्त गर्ने अवसर पनि थियो । त्यसबाहेक, उपभोक्ताहरूले मोटरसाइकल खरिद गर्ने बेलामा १ लाखसम्मको नगद पुरस्कार हात पार्ने अवसर पनि यस योजनामा राखिएको थियो ।

बम्पर अफरमा भने कुनै पनि आधिकारिक डिलरबाट बजाज मोटरसाइकल किनिसकेपछि १० लाख नगद पुरस्कार प्राप्त गर्ने अवसर थियो । सोही बम्पर उपहार बिट्टुकमारले जित्न सफल बनेका हुन् ।

विजेता बिट्टुकुमारले भने, 'यो पुरस्कार जित्न पाउँदा म अत्यन्तै खुसी छु । यस्तो योजना सञ्चालन गरेकोमा म बजाज मोटरसाइकललाई धन्यवाद दिन चाहन्छु ।'

हंसराज हुलासचन्द एण्ड कम्पनीका प्रबन्ध निर्देशक शेखर गोल्छाले भने, 'खुसीका तीन डोजमा सहभागी सम्पूर्ण उपभोक्ताहरूलाई हार्दिक धन्यवाद र विजेताहरूलाई हार्दिक बधाई छ । हामीले सधैँ हाम्रा ग्राहकवर्गका लागि उपयुक्त हुने योजना र अफरहरू ल्याइरहेका छौँ । यो योजनामा यहाँँहरूको उत्साहजनक सहभागिताका लागि हामी आभारी छौँ ।'

प्रकाशित मिति: आइतबार, पुस ४, २०७८ १५:००