एनसीसी बैंकको २५औँ वार्षिकोत्सवमा २५ वर्ष काम गर्ने सम्मानित, नौवटा शाखामा रक्तदान

एनसीसी बैंकको २५औँ वार्षिकोत्सवमा २५ वर्ष काम गर्ने सम्मानित, नौवटा शाखामा रक्तदान

A+ A A-

नेपाल क्रेडिट एण्ड कमर्स बैंक (एनसीसी बैंक)ले आफ्नो २५औं वार्षिकोत्सवका अवसरमा २५ वर्ष काम गर्ने कर्मचारीहरूलाई सम्मान र नौवटा शाखा कार्यालयहरूमा रकत्दा कार्यक्रमलगायत विभिन्न कार्यक्रम आयोजना गरी मनाएको छ ।

वार्षकोत्सवका अवसरमा बैंकले २३ मंसिरमा देशभरका विभिन्न नौवटा शाखा कार्यालहरूमा रक्तदान कार्यक्रम राखेको थियो । यस्तो कार्यक्रमबाट ५७१ पोइन्ट रगत संकलन भएको बैंकले जानकारी दिएको छ ।

त्यस्तै, बैंकले २५ वर्षदेखि निरन्तर काम गर्ने ५ कर्मचारीलाई सम्मान गरेको छ । जसमा अमिता श्रेष्ठ, जुली श्रेष्ठ, सरिना पाण्डे, मंगलबहादुर बलामी र राजमान डंगोल रहेका छन् ।

त्यसैगरी, बैंकले आज मंगलबार शुभकामना आदान–प्रदान तथा सम्मान कार्यक्रम पनि सम्पन्न गरेको छ । १४ अक्टोबर १९९६ मा भैरहवाको सिद्धार्थनगरमा कार्यालय खोली कारोबार शुःभारम्भ गरेको यस बैंकले विभिन्न आरोहअवरोह पार गर्दै अहिले अत्याधुनिक बैंकिङ सेवा प्रदान गर्ने नेपालका वाणिज्य बैंकमध्येमा आफूलाई पार्न सफल भएको छ ।

कार्यक्रममा बैंकका प्रमुख कार्यकारी अधिकृत (सीईओ) रमेशराज अर्यालले बैंकिङ बजारमा बैंकको उपस्थिति थप बलियो बनाउँदै लैजाने गरी काम गरिरहेको बताए ।

उनले बैंकमा रहेको निक्षेप जनताको लगानी भएको भन्दै यसको सुरक्षा गर्न बैंकको प्राथमिक दायित्व भएको बताए । कर्मचारीलाई सम्बोधन गर्दै सीईओ अर्यालले इमानदारिताका साथ काम गर्नका लागि आग्रह गरे । आफू पनि तल्लो पदबाट सीईओसम्म बन्न सफल भएको भन्दै अन्य कर्मचारीलाई पनि मुख्य भूमिकामा आउने गरी काम गर्न आग्रह गरे ।

समारोहमा बैंकका सञ्चालक समिति अध्यक्ष उपेन्द्र केशरी न्यौपानेले बैंक एक सवल तथा सक्षम संस्थाको रुपमा काम गर्दै गएको र सेवालाई नै प्राथमिक उद्देश्यको रुपमा लिनुपर्ने बताए । साथै यस कम्पनीका सञ्चालक इमान सिंह लामा र सुमन कुमारी जोशीले शुभकामना व्यक्त गरे ।

शैभर शाखा सञ्जाल फैलिएको एनसीसी बैंकले सातवटै प्रदेशमा गरी १३७ शाखा १० वटा एक्सटेन्सन काउन्टर र ११४ वटा एटीएम बुथहरू सञ्चालन गरीे ग्राहकहरुलाई स्तरीय सेवा प्रदान गर्दै आएको छ । एनसीसी बैंक २५ वर्षदेखि आमनागरिकका माझ विश्वासिलो बैंकिङ सेवा प्रवाह गर्नुका साथै सामाजिक कार्यहरुमा पनि सक्रीय रुपमा सहभागी हुँदै आएको छ ।

प्रकाशित मिति: बुधबार, मंसिर २९, २०७८ १२:४३