युराेपा लिगमा खसेकाे बार्सिलाेनालाई च्याम्पियन्स लिगमा फर्किन 'मुस्किल'

A+ A A-

बुधबार राति स्पेनिस क्लब बार्सिलोनाले बायर्न म्युनिखसँग नमीठाे हार बेहोर्‍यो । घरेलु मैदानमा पाहुना बनेर आएको बार्सिलाेनालाई बायर्न म्युनिखले ३-० गोलअन्तरले हरायो ।

यो हारले बार्सिलाेनाले बार्सिलाेनाकाे आगामी यात्रा कष्टपूर्ण बनाइदिएकाे छ । पाँच पटकको विजेता २० वर्षपछि च्याम्पियन्स लिगमा समूह चरणबाटै घर फर्किएकाे छ । अब बार्सिलाेनाले च्याम्पियन्स लिगभन्दा तल्लाे मानिने युरोपा लिग खेल्नेछ ।

युरोपा लिग च्याम्पियन्स लिगभन्दा कमजोर मानिने लिग हो । युरोपा लिग जित्ने टिमले च्याम्पियन्स लिगमा स्थान बनाउँछ ।

च्याम्पियन्स लिगमा समूहको तेस्रो स्थानमा परेको बार्सिलाेनाले युरोपा लिगमा भने उत्कृष्ट ३२ मा स्थान पाउनेछ । युरोपा लिग जितेमा पुन: च्याम्पियन्स लिगको अर्को सिजनमा स्थान पाउनेछ ।

अब बार्सिलाेनालाई च्याम्पियन्स लिगमा फिर्ता आउनको लागि दुई बाटो छन् । पहिलो- युरोपा लिगको उपाधि जित्ने । दोस्रो - लालिगाको उत्कृष्ट चारमा पर्ने ।

अर्को सिजनको च्याम्पियन्स लिग खेल्न बार्सिलाेनाले युरोपा लिगको उपाधि जित्नुपर्ने हुन्छ । यसाे नभए बार्सिलाेनाले अर्को सिजनको च्याम्पियन्स लिगमा मौका पाउन गाह्रो पर्नेछ ।

अर्को ला लिगाको बाटो पनि बार्सिलाेनाका लागि उति सहज छैन । जारी ला लिगाको यस सिजनमा बार्सिलाेना ७औँ स्थानमा छ । लय गुमाइरहेको बार्सिलाेनाले पछिल्लो समय ला लिगामा पनि उत्कृष्ट खेल्न सकेको छैन । बार्सिलाेनालाई टप ४ मा उक्लिन सकस पर्ने देखिन्छ ।

ला लिगामा १५ खेल खेलेको बार्सिलाेनाले जम्मा २३ अंक जोडेको छ । चौथो स्थानमा रहेको एट्लेटिकाे मड्रिडले १५ खेलबाट २९ अंक जाेडेकाे छ । अंक तालिकाको शीर्ष स्थानमा रहेको रियल मड्रिडले भने १६ खेलबाट ३९ अंक पाइसकेको छ ।

यसअर्थ, बार्सिलाेनालाई अंक बढाएर शीर्ष चारमा पर्न पनि सहज देखिँदैन ।

नेतृत्वमाथि प्रश्न

पछिल्लो समय बार्सिलाेनाले खेप्नु परेको मुख्य आरोप हो- कमजोर नेतृत्व ।

यसअघि बार्सिलाेनाको मुख्य प्रशिक्षकका रूपमा रहेका कोम्यानको प्रशिक्षणलाई लिएर धेरै प्रश्न उठ्थ्याे । बार्सिलाेनाकै शुभचिन्तकहरूले पनि उनको प्रशिक्षणलाई लिएर आलोचना गरिरहन्थे ।

कमजोर मानिएका टिमसँग पनि निरन्तर हार बेहोर्नुपरेपछि बार्सिलाेनाको प्रशासकीय टिमले कोम्यानलाई प्रशिक्षकबाट निकालिदियो । अहिले बार्सिलाेनाको मुख्य प्रशिक्षक बनेर जाभी क्याप नाउ छिरेका छन् ।

तर, जाभी आएपछि दुई खेल जित निकालेको बार्सिलाेनाले पछिल्ला दुई खेलमा भने लज्जास्पद हार बेहोर्नु परेको छ । अहिले जाभीको पनि आलोचना भइरहेको छ ।

कोच मात्र होइन, खेलाडी 'ट्रान्सफर'मा पनि बार्सिलाेना बारम्बार चुकेको देखिन्छ । महँगो रकम तिरेर क्लब भित्रिएका खेलाडीले नै बार्सिलाेनाको साखलाई जोगाउन सकेका छैनन् । त्योमाथि धेरै खेलाडी चोटका कारण मैदान उत्रिन नसक्दा बार्सिलाेना पटक-पटक लज्जापस्द हार बेहोरिरहेको छ ।

प्रकाशित मिति: शुक्रबार, मंसिर २४, २०७८ ०६:२७