प्रदेश ३ को बजेट ४७ अर्ब ६० करोड ७८ लाख

A+ A A-

प्रदेश ३ को सरकारले आर्थिक वर्ष २०७६/०७७ का लागि ४७अर्ब ६० करोड ७८ लाख ८६ हजार रुपैयाँको बजेट सार्वजनिक गरेको छ ।
आर्थिक मामिला तथा योजना मन्त्री कैलाशप्रसाद ढुंगेलले पेश गरेको बजेटमा पुँजिगत तर्फ २२ अर्ब ८३ करोड ९८ लाख ९६ हजार तथा चालु तर्फ २४ करोड ४६ लाख ८९ हजार र वित्तिय ब्यवस्थापनतर्फ ३० करोड रुपैैयाँ विनियोजन गरिएको छ ।

प्रदेश सरकारले सबैभन्दा बढी बजेट स्वास्थ्य तथा शिक्षामा विनियोजन गरेको छ । बजेट अनुसार कुल बजेटको २२.२३ प्रतिशत अर्थात् १० अर्ब ५८ करोड ५० लाख ९ हजार बजेट यो शिर्षकमा विनियोजन गरिएको छ ।

बजेटको दोस्रो प्राथमिकतामा आर्थिक वृद्धिलाई राखिएको छ । यो शीर्षकमा कुल बजेटको १८.१४ प्रतिशतअर्थात ८ अर्ब, ६३ करोड, ५४ लाख ४७हजार बजेट विनियोजन गरिएको छ ।

यसैगरी उत्पादन तथा उत्पादकत्व अभिवृद्धि शीर्षकमा कुल बजेटको १७.७० प्रतिशत अर्थात ८ अर्ब ४२ करोड ६२ लाख ४४ हजार बजेट विनियोजन छ भने अन्तर आबद्धता र शहरी विकासमा कुल बजेटको कुल बजेटको १३.३८ प्रतिशत अर्थात ६ अर्ब ३७ करोड १६ लाख बजेट विनियोजन गरिएको छ ।

अघिल्लो आर्थिक वर्षका पुराना योजनाहरुलाई निरन्तरता दिँदै यसवर्ष केही नयाँ योजना थप गरेर सरकारले बजेट ल्याएको छ । विपक्षी दलहरुले भने बजेट अमुर्त भएको र कार्यकर्तालाई वितरण गर्ने उद्देश्यले बजेट बिनियोजन गरेको आरोप लगाएको छ ।

प्रदेश सरकारले प्रदेश ३ को बजेटको प्रमुख प्राथमिकतामा गुणस्तरीय भौतिक पुर्वाधारको विकास, पर्यटन प्रर्वद्धन र विकास, कृषिमा आधुनिकीकरण र शिक्षा रहेको जनाएका छन् । मन्त्री ढुंगेलले यो वर्षको बजेटमा मकवानपुरको मनहरी गाउँपालिका तथा सिन्धुलीको मरिनमा प्रदेश औद्योगिक क्षेत्र निर्माणको लागि बजेट विनियोजन गरेका छन् ।

हेटौंडा–फाखेल–काठमाण्डौँ सडक स्तोरन्नतीउच्चप्राथमिकतामा राख्दै बजेट विनियोजन गरेका छन् । काठमाण्डौँबाट हेटौँडा आवतजावतको लागि स्तरीय सडक आवश्यक रहेको भन्दै प्रदेश सरकारले उक्त सडकलाई उच्च प्राथमिकतामा राखेको हो ।

यसैगरी बजेटले शिक्षामा पनि जोड दिएको छ । प्रदेश तीनको इन्छा, छोरी बुहारीलाई उच्च शिक्षा भन्ने नाराका साथ शिक्षामा बजेट छुटयाइएको छ । छोरीबुहारीको उच्चशिक्षाको लागि छात्राबृत्ति कार्यक्रमको लागि बजेट विनियोजन गरेको छ ।

यसैगरी खानेपानीको व्यवस्थापलाई प्रभावकारी बनाउन एकघर एकधारा कार्यक्रमको लागि बजेट विनियोजन गरिएको छ । अहिले जारी बजेट भाषणमा खानेपानी सेवालाई लक्षित गर्दै ‘एक घर एक धारा’ अनुसार सबै घरमा खानेपानी पु¥याउन बजेट छुटट्याएको छ ।
बजेटभरि नारै नारा
प्रदेश सरकारले घोषणा गरेको बजेटमा लोकप्रिय नाराहरु समेटिएका छन् । बजेट वक्तव्यमा परेका १५ वटा नाराहरु यस्ता छन् । ‘निरक्षरतामुक्तप्रदेश तीन, पूर्ण साक्षर भएको उज्यालो दिन’, ‘प्रदेश ३ को ईच्छा, छोरी बुहारीलाई उच्चशिक्षा, प्रदेश तीनको सरोकार, महिलालाई सामाजिक र आर्थिक अधिकार, प्रदेश र स्थानीय तहको एउटै सन्देश, वाल विवाह मुक्त हाम्रो प्रदेश, राष्ट्रका लागि खेलकुद, स्वास्थ्यका लागि खेलकुद, एक स्थानीय तह, एक विशेष उत्पादन, वातावरण संरक्षणमा हाम्रो अभिभारा, पृथ्वी हाम्रो सहारा, पर्यटन क्षेत्रको विस्तार, प्रदेश समृद्धिको आधार, जस्ता नाराहरु राखिएको छ ।

यसैगरी एक निर्वाचन क्षेत्र, एक औद्योगिक ग्राम, एक घर, एक धारा, प्रदेश सरकारको पहिचान, निःशुल्क कानूनी जनसहायता अभियान, वित्तीय साक्षरताको आधार, बैंकिङ प्रणालीमार्फत सबै कारोबार, प्रदेश सरकारको भावना, जिम्मेवार नागरिकको कामना, एक नेपाली एक फलफूल विरुवा रोपणजस्ता कार्यक्रम सफल पार्ने गरी बजेट ल्याइएको प्रदेश सरकारले जनाएको छ ।

प्रकाशित मिति: सोमबार, असार २, २०७६ ०६:२१