शेयरबजार : बुधबार कुन कम्पनीले कति कमाए ?

A+ A A-

कारोबारको चौथो दिन बुधबार १६ दशमलब ९५ अंकले बजार वृद्धि हुँदा ९४ वटा कम्पनीका लगानीकर्ताले सर्वाधिक कमाएका छन् । यस दिन कारोबारमा आएका २ सय २४ वटा कम्पनीको ७ अर्ब ३७ करोड ९४ लाख रुपैयाँबराबरको कारोबार हुँदा १ करोड १९ लाख भन्दा बढी कित्ता शेयर खरिदबिक्री भएको छ ।

यस्तै, आज पञ्चकन्या माई हाइड्रोपावर र अपर तामाकोसी हाइड्रोपावरको शेयर मूल्यमा सकारात्मक सर्किट लाग्दा चारवटा कम्पनीको शेयरमूल्य ९ प्रतिशतभन्दा बढीले वृद्धि भएको छ ।

साथै, पञ्चकन्या माई हाइड्रोपावरको शेयरमूल्य प्रतिकित्ता ३५ रुपैयाँले बढेर ३ सय ८८ रुपैयाँ पुग्दा अपर तामाकोसीको प्रतिकित्ता ६४ रुपैयाँले बढेर ७ सय ५ रुपैयाँ पुगेको छ ।

यसैगरी, मानुषि लघुवित्तको शेयरमूल्य प्रतिकित्ता १ सय २३ रुपैयाँले बढेर १ हजार ३ सय ५९ रुपैयाँ, तेह्रथुम पावरको ५३ रुपैयाँले बढेर ५ सय ८४ रुपैयाँ, नेपाल बंगलादेश बैंकको ३५ रुपैयाँले बढेर ३ सय ९४ रुपैयाँ र मैलुङ खोला जलविद्युत् आयोजनाको शेयरमूल्य ५० रुपैयाँले बढेर ५ सय ७७ रुपैयाँ पुगेको छ ।

यस दिन सर्वाधिक गुमाउनेमा बोटलर्स नेपाल र महालक्ष्मी विकास बैंक छन् । बोटलर्स नेपालको शेयरमूल्य प्रतिकित्ता ७ दशमलव ४७ प्रतिशतले घटेर १३ हजार १ रुपैयाँ कायम भएको छ भने महालक्ष्मी विकास बैंकको शेयर मूल्य प्रतिकित्ता ७ दशमलव ४१ प्रतिशतले घटेर ७ सय ६२ रुपैयाँ कायम भएको छ ।

कसले कति कमाए ?

कम्पनीको नाम बढेको मूल्य        शेयरमूल्य
पञ्चकन्या माई हाइड्रोपावर ३५.३० ३८८.४०
अपर तामाकोसी   ६४.१०    ७०५.४०
मानुषि लघुवित्त १२३.५० १३५९.४०
तेह्रथुम पावर ५३.१०    ५८४.७०
नेपाल बंगलादेश बैंक ३५.८० ३९४.४०
मैलुङ खोला जलविद्युत् ५०.१० ५७७.००
नेपाल दूरसञ्चार कम्पनी ११२.९० १३९०.००
जोशी हाइड्रोपावर डेप्लपमेन्ट २६.०० ३९५.००
गोर्खाज फाइनान्स लिमिटेड ५७.९० ९२८.००
रिलायन्स फाइनान्स लिमिटेड ३६.१० ६२१.१०

प्रकाशित मिति: बुधबार, मंसिर १, २०७८ १७:१३