विश्वासको मत पाएपछि राजेन्द्र राईले भने- केही दिनमै मन्त्रिपरिषद् विस्तार हुन्छ, मन्त्रालयको संख्या बढाउँछौँ

विश्वासको मत पाएपछि राजेन्द्र राईले भने- केही दिनमै मन्त्रिपरिषद् विस्तार हुन्छ, मन्त्रालयको संख्या बढाउँछौँ

A+ A A-

प्रदेश १ का मुख्यमन्त्री राजेन्द्र राईले केही दिनभित्रै मन्त्रिपरिषद्ले पूर्णता पाउने बताएका छन् ।

बुधबार प्रदेशसभाबाट विश्वासको मत पाएपछि सञ्चारकर्मीसँग राईले गठबन्धनमा आवद्ध दलहरूबीच छलफल भइरहेको जानकारी दिँदै चाँडै मन्त्रिपरिषद्लाई पूर्णता दिइने बताएका हुन् ।

‘केही प्राविधिक कुराहरू मिलाउनुपर्ने छ । हामी संवादमा छौँ । गठबन्धन दलहरूबीच सकारात्मक छलफल भइरहेको छ,’ उनले भने, ‘मन्त्रिपरिषद् विस्तारमा ८/१० दिन लाग्छ ।’

मन्त्रालयको संख्या बढाउने तयारी भइरहेको राईले जानकारी दिए । ‘पहिले नै मन्त्रालयको संख्या बढाउनुपर्ने थियो । धेरैवटा जिम्मेवारी एउटै मन्त्रालयमा छ,’ राईले भने, ‘त्यसैले मन्त्रालय फुटाउने भन्दा पनि विस्तार गर्ने हाम्रो तयारी छ ।’ प्रदेशमा ११ को हाराहारीमा मन्त्रालयको संख्या पुर्‍याइने उनको भनाइ छ ।

नेपाली कांग्रेस र एकीकृत समाजवादीबीच आधा-आधा कार्यकाल प्रदेश सरकारको नेतृत्व गर्ने समहति नभएको उनको दाबी छ । कांग्रेससँग पछि केन्द्रले गर्ने निर्णयलाई मान्ने सहमति भने भएको राईले बताए ।

‘आधा-आधा कार्यकालको सहमति भन्ने कुरा होइन । केन्द्रले अब छलफल गर्दै जान्छ, पछि जे निर्णय हुन्छ त्यही हाँसीखुसी स्वीकार्छौं,’ उनले भने, ‘हुँदैन भन्ने पनि छैन, हुन्छ भन्ने पनि छैन । भद्र सहमतिचाँहि पछि केन्द्रले जे निर्णय गर्छ त्यो मान्छौँ भन्ने भएको हो ।’

राईले बुधबार प्रदेशसभाबाट विश्वासको मत पाएका थिए । बुधबारको बैठकमा हाल कायम रहेका ९२ सांसदमध्ये ७९ जना उपस्थित थिए । मत विभाजन हुँदा राईको पक्षमा ५० र विपक्षमा २९ मत परेको थियो । प्रदेशसभामा एमालेका ११ सांसद अनुपस्थित रहे । त्यस्तै राप्रपाका १ सांसद पनि अनुपस्थित थिए ।

प्रदेशसभामा विपक्षी गठबन्धनमा आवद्ध नेपाली कांग्रेसका २१, माओवादी केन्द्रका १५, एकिकृत समाजवादीका १०, जनता समाजवादीका तीन र संयुक्त लोकतान्त्रिक राष्ट्रिय मञ्चका एक गरी कुल ५० सिट छ । सत्तापक्षका सबै सांसदले मुख्यमन्त्रीको पक्षमा मतदान गरे ।

राईले विश्वासको मत पाएपछि अनिश्चित कालका लागि प्रदेशसभा बैठक स्थगित भएको छ ।

प्रकाशित मिति: बुधबार, मंसिर १, २०७८ १६:१०

किशाेर विश्वकर्मा

प्रतिक्रिया दिनुहोस्

भर्खरै

शिक्षकले राजनीति नगरौँ : माओवादी नेता पोखरेल

प्रचण्ड गर्मीले पश्चिम तराईकाे जनजीवन कष्टकर

जनमतले प्रचण्डलाई विश्वासकाे मत दिएपछि मधेशमा नयाँ समीकरणकाे खाका स्पष्ट, जसपा नेपाललाई विस्थापित गर्दै जनमत

‘प्रतिभा डबली’ मा नशिव आचार्यको प्रस्तुति पहिलो

ललितपुरको कुमारीपाटीमा राइटपाथले भोलि ‘ग्रान्ड एजुकेसन कन्क्लेभ’ गर्ने

लोकप्रिय

छानबिन समिति बने गृहमन्त्रीबाट राजीनामा दिने तयारीमा रवि लामिछाने

'ओलीकाे दल फुटाउने षड्यन्त्रमा प्रचण्डकाे पनि संलग्नता देखियाे, विश्वासकाे मत लिने कुरामा सफा नियत छैन'

को हो गौशाला २६ ?

सन्दीपको मुद्दामा फैसला सुनाउनुअघि न्यायाधीशले सीसीटीभी फुटेज हेर्ने

इन्जिनियरको कौशल: आफू जन्मे-हुर्केको ४५ वर्ष पुरानो घरमा क्याफे

विचार

पत्रकारिता र विचारको लडाइँ

विद्यार्थी आन्दोलनमाथि उठिरहेको प्रश्न

दिगो विकासको आधारः शिक्षा व्यवस्था र विश्वदृष्टिकोण

ब्लग

सम्पादक शिव डोटेललाई पत्र- साँच्चै ती दिन क्या दामी थिए है

रहस्यैरहस्यको चाङ नरवीर नेम्वाङ

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

शिक्षा

ललितपुरको कुमारीपाटीमा राइटपाथले भोलि ‘ग्रान्ड एजुकेसन कन्क्लेभ’ गर्ने

बेनी नगरपालिकाले सुरु गर्‍यो ‘हामी सक्छौँ, हामी गर्छौं’ कार्यक्रम

विद्यार्थीविहीन विद्यालयमा चार शिक्षक