'मेरो डान्स कप युएसए-४' र 'मेरो भ्वाइस कप युएसए -२'को घोषणा, २७ नोभेम्बरबाट अडिसन

'मेरो डान्स कप युएसए-४' र 'मेरो भ्वाइस कप युएसए -२'को घोषणा, २७ नोभेम्बरबाट अडिसन

A+ A A-

'इन्‍ट्रा नेशनल वेल्फेर एण्ड सपोर्ट फाउण्डेशन अफ अमेरिका'ले अमेरिकामा रहेका नेपाली भाषीहरूलाई लक्षित गर्दै दुई रियालिटी शो आयोजना गर्दै आएको छ ।

यस्तैमा, मंगलबार काठमाडौंमा एक कार्यक्रमको आयोजना गर्दै 'मेरो डान्स कप युएसए - सिजन ४' र 'मेरो भ्वाइस कप युएसए - सिजन २'को औपचारिक निर्माण घोषणा गरियो । यस वर्षदेखि भने यी दुई रियालिटी शोमा अमेरिकामात्र नभएर क्यानडामा रहने नेपाली भाषीहरूले पनि सहभागी हुन पाउनेछन् ।

आयोजक संस्था 'इन्‍ट्रा नेशनल वेल्फेर एण्ड सपोर्ट फाउण्डेशन अफ अमेरिका'का अध्यक्ष डिल्ली अधिकारीले जनवरीबाट शो सुरु गर्ने जानकारी दिए । उनले भने, 'हामीले नोभेम्बर २७ बाट डिजिटल अडिसन खुल्ला गर्नेछौँ । डिजिटल अडिसन जनावरीसम्म चल्नेछ । त्यसको समाप्तीसँगै शो सुरु गर्नेछौँ ।'

‘मेरो डान्स कप युएसए - ४’ मा अभिनेता दिलिप रायमाझी, नृत्य निर्देशक शंकर बिसी, अभिनेत्री केकी अधिकारी र नरमान राई निर्णायकका रूपमा रहेका छन् । ‘मेरो भ्वाइस कप युएसए–२’का लागि गायक प्रमोद खरेल निर्णायक बन्नेछन् भने गायक जगदिश समालसँग पनि निर्णायकका लागि कुरा भइरहेको अध्यक्ष अधिकारीले बताए ।

फाउण्डेशनका अध्यक्ष अधिकारीका अनुसार नेपाली भाषा र संकृतीको संरक्षण र प्रवर्धनका लागि यी रियालिटी शोले अमेरिका र क्यानडामा रहेका नेपाली भाषीहरूलाई जगरुक गराउनेछ । उनले भने, 'अमेरिकामा अत्यन्त व्यस्त जीवन बिताइरहँदा पनि हामीले कहिल्यै पनि नेपाली परपम्परा, भाषा, रितीथिती छाडेको छैनौँ । यसलाई संरक्षण गर्नकै लागि रियालिटी शो सुरु गरेका हौँ ।'

कार्यक्रमका लागि अमेरिकाबाट आएका कलाकार तथा आयोजकको टिमलाई भव्य स्वागत गरिएको थियो । नायक दिलिप रायमाझी, नायक रमित ढुंगाना, नृत्य निर्देशक शंकर बिसी लगायतलाई त्रिभुवन विमानस्थलबाट तामझामका साथ कार्यक्रम आयोजनास्थलसम्म लगिएको थियो ।

प्रकाशित मिति: बुधबार, मंसिर १, २०७८ १३:२९