ग्यासको खरिद मूल्य भन्दा बिक्री मूल्य सस्तो

A+ A A-

नेपाल आयल निगमले ग्यास तथा पेट्रोलियम पदार्थको कारोबारमा एकाधिकार कायम गरेको छ । सरकारी संस्थान आयल निगमले पछिल्लो पटक पेट्रोलियम पदार्थको मूल्य प्रत्येक १६ दिनमा बढाउँदै आएको छ । घाटा बढ्दै गएको छ ।

पछिल्लो पटक मूल्य समायोजन गरेपछि (२४ कात्तिक यता)को १५ दिनमा निगमकाे घाटा २ अर्ब ६२ करोड पुग्ने प्रक्षेपण गरिएकाे छ। यसमध्ये सबैभन्दा बढी ग्यासमा घाटा देखिएको छ ।

सामान्यतया नेपाल आयल निगमले १६ सय १४ रुपैयाँ खरिद गरेको ग्यास १५ सय ७५ रुपैयाँमा बिक्री गरेको छ । खरिद मूल्य भन्दा बिक्री मूल्य सस्तो भएपछि सोझो घाटा देखिएको हाे ।

यसैबीच ग्यास उद्योग तथा बिक्रेताहरूको खर्च र मुनाफा प्रतिसिलिन्डर ३२८ रुपैयाँ तोकिएको छ भने प्रतिसिलिन्डर २७८ रुपैयाँ सरकारले राजस्व उठाउँदै आएको छ । साथै ११ रुपैयाँको सञ्चालन खर्चसमेत जोड्दा एकै सिलिन्डरमा ६५७ रुपैयाँ घाटामा रहेको छ ।

नेपाल आयल निगमले प्रत्येक महिना ग्यासमा आफूले घाटा खाएर उपभोक्तालाई सस्तोमा उपलब्ध गराएको छ, अहिले पनि ग्यासमा प्रतिसिलिन्डर ६५७ रुपैयाँ घाटा छ' निगमका प्रवक्ता विनितमणि उपाध्यायले भने 'अब पनि मूल्य घटाउन सकिने अवस्था छैन ।'

पछिल्लो ६० महिना अर्थात ५ वर्षमा १८ महिना मात्रै ग्यास बिक्रीबाट आयल निगमले नाफा कमाएको छ भने ४२ महिना घाटामा गएको निगमले जनाएको छ ।

२०२० देखिको ग्यासको घाटा

प्रति सिलिन्डर ग्यासको घाटा
मिति	घाटा (रु.)
१ नोभेम्बर २०२० देखि ३० नोभेम्बर २०२०	९.२२
१ डिसेम्बरदेखि ३१ डिसेम्बर २०२०	११४.६२
१ जनावरीदेखि ३१ जनावरी २०२१	१३४.७२
१ फेब्रअरीदेखि २८ फेब्रअरी २०२१	२९६
१ मार्चदेखि ३१ मार्च २०२१	३९२.८२
१ अप्रिलदेखि ३० अप्रिल २०२१	४१८.८५
१ मेदेखि ३१ मे २०२१	३७५.१३
१ जुनदेखि ३१ जुन २०२१	२०५८.४६
१ जुलाईदेखि ३१ जुलाई २०२१	३१९.३२
१ अगष्टदेखि १६ अगष्ट	४४२
१६ अगष्टदेखि ३१ अगष्ट	४२०.७५
१ सेक्टेम्बरदेखि ३० सेक्टेम्बर	४९५.३४
१ अक्टोबरदेखि ३० अक्टोबर	५११.८८
१ नोभेम्बर २०२० देखि २०२१	६५७.८४

स्वतन्त्र ऊर्जा उत्पादकहरू भने नेपाललाई आवश्यक पर्ने जलविद्युत उत्पादन भएको र ग्यासलाई विद्युतले प्रतिस्थापन गर्न सकिने भएकोले ग्यासमा दिएको छुटलाई खारेज गरेर इन्डक्सनमा सहुलियत दिन आग्रह गरिरहेका छन् ।

प्रकाशित मिति: मंगलबार, कात्तिक ३०, २०७८ ०७:४३