कालापानी र लिम्पियाधुरामा जनगणना गर्न एकीकृत समाजवादीको माग, न्यायालय विवादबारे एकीकृत धारणा बनाउन अपिल

कालापानी र लिम्पियाधुरामा जनगणना गर्न एकीकृत समाजवादीको माग, न्यायालय विवादबारे एकीकृत धारणा बनाउन अपिल

A+ A A-

नेकपा (एकीकृत समाजवादी) ले न्यायालयमा देखिएको समस्या समाधान गर्न राजनीतिक दलहरू र न्याय क्षेत्रका सरोकारवाला पक्षहरूबीच एकीकृत अवधारणा बनाउन अपिल गरेको छ ।

एकीकृत समाजवादीको केन्द्रीय कमिटी बैठकले न्यायालयमा देखिएको समस्याले शक्ति पृथकीकरणको सिद्धान्त खल्बल्लिने स्थितिमा पुगेको निष्कर्ष निकाल्दै समस्या समाधानका निम्ति सबै राजनीतिक दलहरू र न्याय क्षेत्रसँग सम्बन्धित सरोकारवालाहरूको एकीकृत अवधारणा बनाउन अपिल गरेको प्रवक्ता जगन्नाथ खतिवडाले बताए ।

‘देशको संविधानले सुनिश्चित गरेको शक्ति पृथकीकरणको सिद्धान्त खल्बल्लिनु संविधानवादको विरुद्ध हुन जान्छ । आज न्यायालयमा देखिएको समस्याले यो सिद्धान्त खल्ल्बल्लिने स्थितिमा पुगेको छ,' बैठकको निर्णयबारे जानकारी दिदैँ खतिवडाले भने, 'न्यायिक सर्वोच्चता र स्वतन्त्र न्यायपालिकाको अवधारणामा पनि संकट पैदा भएको छ ।'

संकट समाधानका लागि सरोकारवाला पक्षहरूबीच एकीकृत अवधारण बनाउन पनि बैठकले अपिल गरेको छ । 'कानुन क्षेत्रका विद्वान अधिवक्ताहरू, उनीहरूका संगठन र नागरिक समाजका अगुवाहरू, न्यायिक सर्वोच्चताको पक्षमा आन्दोलित छन् । न्याय क्षेत्रको विद्यमान अवस्था र संकटप्रति यो बैठकको गम्भिर ध्यानाकर्षण भएको छ,' खतिवडाले भने, 'यो संकट समाधानका लागि राजनीतिक दलहरू, न्याय क्षेत्रका सरोकारवाला पक्षहरूबीच एकीकृत अवधारणा बनाउन यो बैठक अपिल गर्दछ ।’

बैठकले राष्ट्रिय जनगणनामा सही तथ्यांक दिएर सहभागिता जनाउन सबैलाई आग्रह गर्दै कालापानी र लिम्पियाधुरा क्षेत्रको जनगणना गर्ने व्यवस्था मिलाउन सरकारसँग माग गरेको छ । प्रवक्ता खतिवडाले बैठकको निर्णय जानकारी गराउँदै भने ‘कालापानी र लिम्पियाधुरा क्षेत्रमा जनगणनाको कुरा अवरोधमा भइरहेको हुनाले सरकारले तत्काल यसको व्यवस्था गर्न र जनगणनाको व्यवस्था गर्न पनि यो बैठक माग गर्दछ ।’

बैठकले पार्टी कार्यकर्ताहरूलाई विपद जोखिम न्यूनीकरणसम्बन्धी प्रशिक्षण सञ्चालन गर्न, विपदको बेलामा खोज, उद्धार तथा राहत सहयोग प्रभावकारी रूपमा सञ्चालन गर्न तथा जनस्वयंसेवक बनाइ परिचालन गर्न निर्देशन पनि दिएको उनले जानकारी दिए ।

बैठकले हालै गठन भएको पाँच दलीय गठबन्धन समन्वय समितिलाई स्वागत गर्दै सरकारको कामलाई प्रभावकारी बनाउन सघाउने तथा गठबन्धनलाई निर्वाचनसम्म लैजान यसले शसक्त भूमिका खेल्न पहलकदमी लिनेमा विश्वास व्यक्त गरेको छ । बैठकले गठबन्धनलाई कसिलो बनाउन आह्वान गरेको पनि खतिवडाले बताए ।

‘लोकतन्त्र, देश र संविधानको पक्षमा दृढतापूर्वक उभिने वामलोकतान्त्रिक गठबन्धनलाई अझ कसिलो बनाउन यो बैठक समस्त वाम लोकतान्त्रिक तथा क्रान्तिकारी शक्तिलाई हार्दिक आह्वान गर्दछ । वाम-लोकतान्त्रिक गठबन्धनलाई अझ प्रभावकारी ढंगले सञ्चालन गर्नका लागि हालै गठन भएको उच्चस्तरीय राजनीतिक समन्वय समितिलाई यो बैठक हार्दिक स्वागत गर्दछ,' उनले भने ।

एकीकृत समाजवादीले हालै पेट्रोलियम पदार्थ तथा खाना पकाउने एलपी ग्याँसमा गरिएको मुल्यवृद्धि यथाशीघ्र फिर्ता गर्न पनि सरकारसँग माग गरेको छ । शनिबारदेखि बसेको केन्द्रीय कमिटी बैठक आइतबार समापन भएको छ ।

प्रकाशित मिति: आइतबार, कात्तिक २८, २०७८ २०:२२

शिलापत्र संवाददाता

प्रतिक्रिया दिनुहोस्

भर्खरै

उपप्रधानमन्त्री लामिछानेलाई संसदमा बोल्न दिनुपर्ने पक्षमा उभियो राप्रपा

केपी ओलीको आरोप- सरकारबाट हटाइदिएको रिसमा कांग्रेसले ममाथि असभ्य व्यवहार देखायो

कांग्रेसको अवरोधपछि राष्ट्रियसभा बैठक स्थगित

प्रधानमन्त्रीले कांग्रेस नेताहरूलाई छलफलमा बोलाए

विधिसम्मत न्यायिक प्रणालीबाट मात्रै देशमा सुशासन कायम हुन्छ: राष्ट्रपति पौडेल

लोकप्रिय

छानबिन समिति बने गृहमन्त्रीबाट राजीनामा दिने तयारीमा रवि लामिछाने

एउटै रेडियोमा काम गर्थे रवि र गगन, २५ वर्षपछि सम्बन्धमा कसरी बढ्यो खटपट ?

एमाले र माओवादीसँग कसरी बिग्रियो उपेन्द्रको सम्बन्ध ?

बर्खास्तीमा परेको साढे सात वर्षपछि सार्वजनिक कार्यक्रममा देखिए पूर्वअख्तियार प्रमुख कार्की

सन्दीपको मुद्दामा फैसला सुनाउनुअघि न्यायाधीशले सीसीटीभी फुटेज हेर्ने

विचार

विद्यार्थी आन्दोलनमाथि उठिरहेको प्रश्न

दिगो विकासको आधारः शिक्षा व्यवस्था र विश्वदृष्टिकोण

नगरवधू आम्रपाली कसरी भिक्षु भइन् ?

ब्लग

रहस्यैरहस्यको चाङ नरवीर नेम्वाङ

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

म गे हुँ भनेर थाहा पाउँदा आमालाई सुर्ता भयो, 'अब यसलाई समाजले कति दुःख देला नि'

शिक्षा

दिगो विकासको आधारः शिक्षा व्यवस्था र विश्वदृष्टिकोण

अराजकताकाे केन्द्र बनिरहेका विद्यार्थी संगठन : आवरणमा शैक्षिक मुद्दा, व्यवहारमा चन्दा र आफन्तलाई जागिर जाेहाे

रोटरी अफ क्लब कान्तिपुर स्थापनाको अवसरमा दुई शिक्षक सम्मानित