फलाेअपः ट्रयाक रेकर्डले देखाउँछ, कुमारी बैंक छिर्नुअघि पनि अनुजमणि 'सेटिङ'मै काम गर्थे

फलाेअपः ट्रयाक रेकर्डले देखाउँछ, कुमारी बैंक छिर्नुअघि पनि अनुजमणि 'सेटिङ'मै काम गर्थे

A+ A A-

बैंकिङ किर्ते मामिलामा कुमारी बैंकका कायममुकायम सीईओ अनुजमणि तिमिल्सिनालगायतको कर्मचारीमाथि छानबिन चलिरहेको छ । केन्द्रीय प्रहरी अनुसन्धान व्युराेबाट अनुसन्धान भइरहेका बेला नियामक नेपाल राष्ट्र बैंकले पनि सँगसँगै छानबिन अघि बढाएकाे छ ।

गायक योगेश्वर अमात्यको जग्गाको नक्कली लालपुर्जा राखेर कुमारी बैंकबाट १९ करोड ऋण दिएकाे विषयले अहिले बैंकिङ क्षेत्र तरङ्गित छ । लाए-अराएअनुसार काम गर्नेलाई सजाय हुने र लगाउने/अराउनेलाई कारबाही नहुने हो कि भन्ने शंका पनि कतिपयमा छ ।

‘करोडमाथिको कर्जा ठूलो ऋणमा गनिन्छ । यस्तो ऋण दिँदा बैंकका सीईओ तहकै अनुमति चाहिन्छ । जिम्मेवार बन्ने पनि माथिल्लो निकाय नै हो', क वर्गकाे बैंककाे नेतृत्व गरिसकेका एक बैंकरले शिलापत्रसँग आफ्नो अनुभव सुनाउँदै भने, ‘बैंकका सीईओलाई प्रलोभन, दबाब धेरै आउँछन् । कतिपयले त यस्ताे प्रलोभनमा परेर काम गर्छन् ।'

१९ करोड रुपैयाँको पछिल्लाे काण्ड पनि यस्तै प्रभावकै परिणाम भएकाे उनको बुझाइ छ । यस विषयमा मुख्य संग्लनता र सेटिङ कुसन प्रधानको देखिएको छ । प्रधान र तिमिल्सिनाको सेटिङमा विगतमा पनि ऋणकाे लेनदेन भएकाे र उनीहरू पुरानो साथी अनि कतिपय काममा पाटनरसमेत रहेको बताइन्छ ।

१९ करोडको ऋण

१० साउनमा अमात्यको बाराको विश्रामपुरमा बिरुवा भूमि वनकाली कम्पनीको नाममा रहेको १२ बिघा जग्गा डायनिल कम्पनीको नाममा रहेको भन्दै नक्कली कागजात बनाएर काठमाडौंका कुसन प्रधान, ललितपुरका एसके महर्जन, मुक्तिलाल गौतमले कुमारी बैंक शाखा पर्साबाट १९ करोड रुपैयाँ ऋण लिएका थिए ।

सो किर्ते अभियोगमा प्रहरीले हाल बैंकका पर्सा शाखा लोन अधिकारीसहित पाँच जनालाई पक्राउ गरिसकेको छ । सीआईबीले उनीहरूलाई विभिन्न मितिमा पक्राउ गरेको हो ।

उनीहरूमाथि किर्ते आरोपको अनुसन्धान प्रतिवेदन सकेर सिआईबीले आइतबारसम्म सरकारी वकिल कार्यालयमा पेस गर्ने तयारी गरेको सीआईबीका प्रमुख, डीआईजी धीरजप्रताप सिंहले जानकारी दिए । अमात्यको जग्गाको नक्कली लालपुर्जा बनाउने गिरोहका मुख्य नाइके कुसन प्रधान भएको खुलेको छ ।

उनीसँगै शोभा श्रेष्ठ र केही अन्य व्यक्तिको समेत संलग्नता देखिएको छ । तर, शोभासहित कुमारी बैंकका पर्सा शाखाका सहायक म्यानेजर रोजश साहलाई प्रहरीले पक्राउ गर्न सकेको छैन ।

उनीहरूको खोजी कार्य जारी रहेको प्रहरीले जनाएको छ । शोभा र सकुन प्रधानले पक्राउ परेका महर्जन र गौतमलाई ९ करोड रुपैयाँ तिनुपर्ने र त्यही रकम तिर्न उनीहरूले अमात्यको जग्गाको नक्कली लालपुर्जा बनाएर महर्जन र गौतमको कम्पनी डायनलको नाममा रहेको कागजात बनाएको खुलेको पाइएको ।

डीआईजी धीरजप्रताप सिंहका अनुसार कुसनको समूहले रकम रकम पर्सा शाखाबाट लिए पनि ऋण प्रक्रिया भने कुमारी बैंकको न्युरोड शाखा हुँदै हेड अफिस नक्सालबाट स्वीकृत भएको थियो ।

सो प्रकरणमा कुमारी बैंकका कायम-मुकायम सीईओ अजुनमणि तिमिल्सिनाको समेत कमजोरी देखिएपछि सिआइबीले उनको समेत बयान लिएको छ ।

सधैँ विवादित तिमिल्सिनाको ट्रयाक रेकर्ड

तिमिल्सिना जुन बैंकका रहँदा पनि विवादरहित हुन सकेनन् । उनले दिएका ऋण सधैँ शंकाकाे घेराभित्र पर्ने गरेकाे उनका पूर्व सहकर्मीहरू बताउँछन् ।

साढे २ दशकदेखि बैंकिङ क्षेत्रमा रहेका तिमिल्सिना माथिल्लो भूमिकामा बसेर तीन वटा बैंकमा काम गरेका छन् । नेपाल इन्भेस्टमेन्ट बैंकमा बसेर काम गर्दा रिद्धिसिद्धि ग्रुपसँग सेटिङ गरेको आरोप उनीमाथि लागेकाे थियो ।

त्यसपछि उनी इन्भेस्टमेन्ट छाडेर डेपुटी सीईओका रूपमा सेञ्चुरी बैंक छिरेका थिए । सेञ्चुरीमा रहँदा रिद्धिसिद्ध ग्रुपलाई दिएको ३५ करोड रुपैयाँ ऋण, नोभा बैंकेटलाई दिएको २५ करोड ऋणको विषय निकै विवादित बन्यो । रकम उठाउन निकै समस्या परेकाे थियाे । त्यस्तै पवन प्यालेसलाई दिएको ७० करोड, डेन्युम फर्मालाई दिएको २५ करोड ऋण पनि कमसल कर्जाअन्तर्गत परेको थियो ।

महत्त्वपूर्ण विभागहरू सम्मिलित टिम बनाएर त्यहीअनुसार सेटिङमा काम गर्ने आरोप उनीमाथी लाग्दै आएको छ । नेपाल इन्भेस्टमेन्टबाट सेञ्चुरी बैंक आउँदा पनि अनुजमणि तिमिल्सिना, क्रेडिट अफिसर अनुपमा मानन्धर, इन्टरनल अडिटबाट रेवती बराबको टिम बनाएर सेटिङमा काम गरेको आरोप उनले खेपिरहनु परेको थियो । कुमारी बैंकमा आएपछि पनि सेञ्चुरीमा रहेको टिम भित्र्याउने प्रयास भएको स्रोतको दाबी छ ।

सीईओको अनुमतिबिना ठूलो ऋण जान सक्दैन

बैंकिङ क्षेत्रमा काम गर्नेहरू ठूलो रकम ऋण दिने सवालमा सीईओ वा डीसीईओको संग्लग्ना अनिवार्य नै हुने बताउँछन् । नक्कली लालपुर्जा राखेर १९ करोड रुपैयाँ ऋण दिएको विषयमा पनि ग्राहक को हो, त्यसको विजनेस के हो? विगतको छवि के छ, सबैको मूल्याङकन गर्ने दायित्व उनीहरूकै हुन्छ । ‘पृष्ठभूमि नै जाँच नगरी यति ठूलो ऋण माथिबाट स्वीकृत हुनै सक्दैन’, एक बैंकका पूर्वसीईओ भन्छन्, ‘सीईओ, डिसीईओले सबै ठीक छ भनेको कारण तलको मानिसले बेवास्ता गरेको भने हुन सक्छ ।’

उनै तिमिल्सिना सेञ्चुरीको डलर काण्डमा पनि मुछिएका थिए । एमएम रेमिटसँगको सम्झाैतामा ६० लाख एकाउन्टबाट पैसा लिएको, त्यो ट्रान्जेक्सन भएको देख्दा पनि राष्ट्र बैंकले कदम नचालेको भन्दै राष्ट्र बैंकको भूमिकामाथि पनि त्यतिबेला परश्न उठाइएको थियो ।

माथिल्लो निकायलाई प्रलोभनमा पार्ने र सेटिङमा काम गर्ने प्रवृत्तिले बैंकिङ क्षेत्रमाथिको विश्वास नै गुम्न सक्ने खतरा टार्न राष्ट्र बैंकले यस्ता मामिलामा प्रभावकारी कदम चाल्नुपर्नेमा जानकारहरूकाे जाेड छ ।

सम्बन्धित समाचार

प्रकाशित मिति: शुक्रबार, कात्तिक २६, २०७८ ०९:३५

भागवत भट्टराई/कृष्णसिंह लोथ्याल

प्रतिक्रिया दिनुहोस्

भर्खरै

ललितपुरको काल्चेमा सडक भत्किएपछि कान्ति लोकपथ बन्द

सुदूरपश्चिमका मुख्यमन्त्री सोडारीले आज विश्वासको मत लिने, प्रतिवाद गर्ने नेपाली कांग्रेसको तयारी

जनप्रतिनिधिको खरबुजा खेतीः सिंगापुर र साउदीमा ७ वर्ष बिताए, अहिले ९ जनालाई रोजगारी दिन्छन्

आज चार वटा संसदीय समितिको बैठक बस्दै

नेपाल फर्काइयो अमेरिका पुगेका शताब्दीऔँ पुराना मूर्ति

लोकप्रिय

सहकारी ठगीले इलाम २ मा तनाव दिएपछि रवि लामिछानेको नयाँ स्टन्ट, धन्यवाद दिन गृह मन्त्रालय पुग्ने को हुन् ?

बालकोट वार्ता: प्रचण्डलाई बाहिर राखेर कांग्रेस-एमालेको सरकार बनाउने शेखरको प्रस्ताव, ओलीले गरे अस्वीकार

इलाम २ः प्रारम्भिक मतपरिणाममा एमाले र 'पूर्वएमाले'बीच टक्कर

श्रीमती रञ्जितासँगकाे सहमति भंग भएपछि रेशम विक्षिप्त, २० मिनेटमा सात स्टाटस

इलाम २ अपडेटः यस्तो छ प्रारम्भिक मतपरिणाम

विचार

स्कूल छाड्ने मुख्य कारण- जीवन एकातिर, शिक्षा अर्कोतिर

आफ्नै सामर्थ्य नबुझेर अलमलिएका स्थानीय सरकार

पसिना बगाउनेहरूलाई हेलाहोचो गरेर कसरी आऊला समृद्धि ?

ब्लग

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

छोटो तर मनमोहक पदयात्रा 'लाङटाङ'

शिक्षा

स्कूल छाड्ने मुख्य कारण- जीवन एकातिर, शिक्षा अर्कोतिर

सरकारी स्कुलप्रतिको नकारात्मक धारणा बदलेर यसरी उत्कृष्ट बन्यो ज्ञानोदय मावि

आफ्नै छोराछोरी पढाउन राजा वीरेन्द्रले भित्र्याएका थिए ए–लेभल, कस्ता विद्यार्थीले पढ्ने ?