मुख्यमन्त्रीमा आचार्यका ६८ दिन : संविधानविपरीत सत्ता लम्ब्याएको आरोप खेपे, जनताले अनुभूति गर्ने काम गरेनन्

मुख्यमन्त्रीमा आचार्यका ६८ दिन : संविधानविपरीत सत्ता लम्ब्याएको आरोप खेपे, जनताले अनुभूति गर्ने काम गरेनन्

A+ A A-

एमाले विभाजनपछि १० भदौमा भीम आचार्य प्रदेश १ को मुख्यमन्त्री नियुक्त भए । एमाले सांसदहरूलाई विभाजनको पक्षमा लाग्न नदिन र पार्टी एकता जोगाउन भन्दै शेरधन राईले मुख्यमन्त्री र संसदीय दलको नेताबाट राजीनामा दिएपछि आचार्य सत्ताको सिँढी चढे ।

उनी त्यसबेला बहुमत प्राप्त दलको नेताको हैसियतमा मुख्यमन्त्री बनेका थिए । तर, विपक्षी गठबन्धनले आचार्यको पक्षमा त्यसबेला पनि बहुमत नरहेको बताउँदै आएको छ ।

आचार्य मुख्यमन्त्री बन्नुअघि नै तत्कालीन एमाले विभाजन भइ नेकपा (एकीकृत समाजवादी) पार्टीमा बनिसकेको थियो । उक्त पार्टीमा १० जना सांसद खुलिसकेका थिए । यति हुँदाहुँदै प्रदेशमा पार्टी विभाजनले मान्यता नपाएकाले आचार्य प्रदेशसभामा बहुमत प्राप्त दलको नेताका हैसियतमा मुख्यमन्त्री बने ।

आचार्य मुख्यमन्त्री बनेको केही दिनसम्म मन्त्रिपरिषद् विस्तार हुन सकेन । मुख्यमन्त्री भएकै दिन सुनसरीमा उनका भाइको निधन भयो । जसका कारण मन्त्रिपरिषद् विस्तार हुन पाएन । आचार्यले सुरुमा दुई मन्त्री नियुक्त गरे, मुख्यमन्त्री बनेको २० दिनपछि भने मन्त्रिपरिषद्लाई पूर्णता दिए ।

संविधानको अपव्याख्या गर्दै सत्ता लम्ब्याएको आरोप

आचार्यमाथि संविधानको अपव्याख्या गर्दै सत्ता लम्ब्याएको आरोप छ । उनले मुख्यमन्त्रीको सपथ लिनुअगावै केन्द्रमा एमाले फुटिसकेको थियो । प्रदेश १ का एमाले सांसदहरूमा पनि कित्ताकाट सुरु भइसकेको थियो । आचार्य मुख्यमन्त्री बनेकै दिनदेखि अल्पमतमा परेको विपक्षी गठबन्धनको आरोप छ । प्रदेशसभामा एमालेका १० सांसदले एकीकृत समाजवादी राजेपछि भने आचार्य स्पष्ट रूपमै अल्पमतमा परे ।

तर, दल विभाजनले मान्यता पाएको मितिले ३० दिनभित्र विश्वासको मत लिने प्रस्ताव दर्ता गर्नुपर्ने संविधानले दिएको सुविधा प्रयोग गर्दै आचार्य सत्ता लम्ब्याउन सफल भए । विपक्षी गठबन्धनले केन्द्रमा दल विभाजनले मान्यता पाएको मितिले ३० दिनभित्र विश्वासको मत लिनुपर्ने अन्यथा अविश्वासको प्रस्ताव ल्याउने चेतावनी दियो । आचार्यले त्यसको बेवास्ता गरे ।

यसबीचमा विपक्षी गठबन्धनभित्र पनि सरकारको नेतृत्व कसले गर्ने विषय टुंगिन सकेन जसका कारण आचार्यलाई सत्ता लम्ब्याउन सजिलो भयो ।

सत्ता पक्षको दाबी बमोजिम पनि प्रदेशमा दल विभाजनले मान्यता पाएको ३० दिनभित्र विश्वासको मत लिने प्रस्ताव प्रदेशसभामा टेबुल हुनुपर्ने थियो । निर्वाचन आयोगले दल विभाजनको सूचना २५ भदौमा प्रदेशसभा सचिवालयलाई पठाएको थियो । सो मितिले पनि आचार्यले २४ असोजमा प्रस्ताव दर्ता गर्नुपर्ने थियो । तर, आचार्यले दसैँ बिदा परेकाले ५ कात्तिकमा विश्वासको मत लिने गरी २५ असोजमा विश्वासको मत लिने प्रस्ताव दर्ता गराए ।

२३ असोजमा प्रदेशसभाको हिउँदे अधिवेशन सुरु भएको थियो । २४ असोजमा प्रदेशसभाको हिउँदे अधिवेशनको दोस्रो बैठक बस्यो । सो दिन सभामुख प्रदिपकुमार भण्डारीले हिउँदे अधिवेशनको तेस्रो बैठक २५ असोजमा बस्ने घोषणा गर्दै बैठक स्थगित गरे । तर, सोही दिन प्रदेशसभा सचिवालयले २५ असोजको बैठक ५ कात्तिकमा बस्ने सूचना टाँस गरेपछि मुख्यमन्त्री आचार्यको सत्ता लम्बियो ।

आचार्यले दर्ता गरेको विश्वासको मत लिने प्रस्ताव ५ कात्तिकमा टेबुल भयो र ७ कात्तिकमा मत विभजन हुने कार्यसूची राखियो ।

तर, आफ्ना केही सांसदले फ्लोर क्रस गर्ने सूचना पाएपछि नेपाली कांग्रेसले प्रदेशसभा बैठक स्थगित गर्न माग गर्‍यो । एमालेले पनि पार्टीको पालिका अधिवेशन, केन्द्रीय र स्थायी कमिटीको बैठकको कारण देखाउँदै बैठक पर सार्न माग गरेपछि सभामुख प्रदीपकुमार भण्डारीले १५ कात्तिकसम्म बैठक स्थगित गरे ।

सोमबार (आज) प्रदेशसभामा विश्वासको मतको प्रस्तावमा मतदान हुने कार्यसूची थियो । आचार्यले त्यसअगावै राजीनामा दिएपछि मत विभाजन प्रक्रिया अघि बढेन । प्रदेशसभामा आफ्नो कार्यकालमा भएको कामको विवरण पेस गर्दै आचार्यले राजीनामाको घोषणा गरे ।

जनताले अनुभूत गर्ने काम भएन : विपक्षी

आचार्यको ६८ दिने कार्यकालमा जनताले अनूभूति गर्ने खालको काम नभएको विपक्षी गठबन्धनका दलहरू बताउँछन् । आचार्य विवादै विवादमा मुछिएर सरकारबाट बाहिरिएको विपक्षी नेताहरूको टिप्पणी छ ।

आचार्यले प्रदेश खेलकुद बोर्डको सदस्य सचिवमा गुण्डा नाइकेका रूपमा चिनिएका पर्शुराम बस्नेतलाई नियुक्त गरे । प्रदेशसभामा स्पष्ट रूपमै अल्पमतमा परेर पनि कार्यकर्तालाई धमाधम राजनीतिक नियुक्ति दिएको उनीमाथि आरोप छ ।

आचार्य भने आफ्नो कार्यकालमा राम्रो काम भएको दाबी गर्छन् । राजीनामा दिनुअघि प्रदेशसभामा सम्बोधन गर्दै उनले राजनीतिक गन्जागोलबीच आफ्नो नेतृत्वको सरकार बनेपछि राम्रो काम भएको जिकिर गरे ।

कोभिड १९ नियन्त्रणको लागि निःशुल्क परीक्षण र उपचारको दायरा बढाइएको, तेस्रो लहरको सामना गर्न उपचारका लागि अक्सिजन, भेन्टिलेटर, शय्याको उचित प्रबन्ध गर्दै १० करोडको फन्ड राखेको, यातायातको सेवा अनलाइन लाने प्रबन्ध गरेको, धनकुटामा सेवा विस्तार गरेको, जिल्लाहरूमा सेवा कार्यालय खोलिएको तर एकीकृत सेवा दिने सवालमा थप अध्ययन भइरहेको आचार्यको दाबी छ ।

स्थायी राजधानीका संरचना निर्माण सुरु गर्न जग्गा खोज्न समिति बनाएको र खोजीपछि संरचना निर्माण गरिने उनको भनाइ छ । प्रदेशको राजश्व वृद्धि गर्न स्थायी ढंगले काम अघि बढाइएको र नीति कार्यक्रम तथा बजेटको कार्यान्वयनलाई सार्थक बनाउने प्रयास गरेको आचार्यको दाबी छ ।

जाँदाजाँदै मन्त्रिपरिषद् बैठक

सरकारबाट बाहिरिँदै गर्दा अघिल्लो दिन राति मन्त्रिपरिषद्‌को बैठक बस्यो । सो बैठकले मनमोहन प्राविधिक विश्वविद्यालयलाई छात्रवृत्ति प्रयोजनका लागि स्रोत सुनिश्चितता गर्ने निर्णय गरेको छ ।

केही दिनअघि कार्यकर्तालाई नियुक्त गर्दै गठन गरिएको प्रदेश खेलकुद विकास बोर्डलाई क्षेत्रीय खेलकुद विकास समितिको सम्पत्ति हस्तान्तरण गर्न र कर्मचारीको तलबभत्ता भने राष्ट्रिय खेलकुद परिषद्बाटै उपलब्ध गराउन पत्राचार गर्ने निर्णय पनि मन्त्रिपरिषद् बैठकले गरेको छ ।

बैठकले जिल्ला खेलकुद विकास समिति र प्रदेश खेलकुद विकास बोर्डमा कर्मचारी काजमा खटाउन पनि सम्बन्धित मन्त्रालयलाई पत्र पठाउने निर्णय गरेको थियो ।

प्रकाशित मिति: सोमबार, कात्तिक १५, २०७८ १७:५८

किशाेर विश्वकर्मा

प्रतिक्रिया दिनुहोस्

भर्खरै

सभामुख सचिवालयको प्रष्टीकरण– प्रतिनिधिसभामा गृहमन्त्रीलाई मात्र बोल्न दिने सहमति थियो

बीआरआई कार्यान्वयन योजना अन्तिम चरणमा

समीक्षा यात्रामा निस्किए रास्वपा महामन्त्री ढकाल

एमाले र रास्वपाबीच सहकारी र गिरीबन्धु टी इस्टेट प्रकरणमा मिलेर जाने सहमति छ : गगन थापा

कांग्रेसले बोलायो संसदीय दलको बैठक

लोकप्रिय

छानबिन समिति बने गृहमन्त्रीबाट राजीनामा दिने तयारीमा रवि लामिछाने

एउटै रेडियोमा काम गर्थे रवि र गगन, २५ वर्षपछि सम्बन्धमा कसरी बढ्यो खटपट ?

'ओलीकाे दल फुटाउने षड्यन्त्रमा प्रचण्डकाे पनि संलग्नता देखियाे, विश्वासकाे मत लिने कुरामा सफा नियत छैन'

को हो गौशाला २६ ?

एमाले र माओवादीसँग कसरी बिग्रियो उपेन्द्रको सम्बन्ध ?

विचार

पत्रकारिता र विचारको लडाइँ

विद्यार्थी आन्दोलनमाथि उठिरहेको प्रश्न

दिगो विकासको आधारः शिक्षा व्यवस्था र विश्वदृष्टिकोण

ब्लग

सम्पादक शिव डोटेललाई पत्र- साँच्चै ती दिन क्या दामी थिए है

रहस्यैरहस्यको चाङ नरवीर नेम्वाङ

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

शिक्षा

बेनी नगरपालिकाले सुरु गर्‍यो ‘हामी सक्छौँ, हामी गर्छौं’ कार्यक्रम

विद्यार्थीविहीन विद्यालयमा चार शिक्षक

दिगो विकासको आधारः शिक्षा व्यवस्था र विश्वदृष्टिकोण