भक्तपुरमा विद्यालयको प्राङ्गणमा भेटियो पुरातात्विक संरचना, २५० वर्ष पुरानो सफु–कुटी पुस्तकालय हुनसक्ने अनुमान

भक्तपुरमा विद्यालयको प्राङ्गणमा भेटियो पुरातात्विक संरचना, २५० वर्ष पुरानो सफु–कुटी पुस्तकालय हुनसक्ने अनुमान

A+ A A-

भक्तपुरको विद्यार्थी निकेतन माध्यमिक विद्यालयमा पुरातात्विक संरचनाको जग भेटिएको छ ।

विद्यालय प्राङ्गणमा पानी ट्यांकी बनाउने क्रममा सो संरचना भेटिएको विद्यालयका व्यवस्थापन समितिका पूर्वअध्यक्ष ओमचरण अमात्यले जानकारी दिए । निर्माणको काम भइरहेका बेला भेटिएको उक्त संरचनाको जग २५० वर्ष पुरानो राणालीन पुस्तकालय भएको स्थानीयहरूले अनुमान गरेका छन् ।

‘पहिले यही परिसर वरिपरि सफु–कुटी भन्ने पुस्तकालय थियो’, अमात्य भन्छन्, ‘स्थानीयहरूले पुस्तकालयलाई अझै पनि बिर्सिएका छैनन् । पुस्तकालयकै नामबाट यो ठाउँको नाम नै साकोटा भएको हो ।’

पुरातत्व विभागका प्रवक्ता रामबहादुर कुवँर भने अहिले नै निष्कर्षमा पुग्न नहुने बताउँछन् । स्थानीयहरूको खोज र अनुमानलाई पछ्याउँदै विभागले अध्ययनलाई केही दिनमै अगाडि बढाउने कुँवरले बताए । कुँवर भन्छन्, ‘हामीले भर्खरै अवलोकन गरेर आएका छौँ । थप अध्ययन केही दिनमा गर्नेछौँ ।’

अमात्यका अनुसार विसं १८२६ कात्तिकमा भएको गोर्खाली सेनाको भिडन्तमा सफु–कुटी पुस्तकालय मासिएको इतिहास छ । तीन दिनसम्म चलेको उक्त लडाइँमा दुई हजार एक मान्छेले ज्यान गुमाएका थिए भने पाँच सय घर जलेका थिए ।

आगलागीका क्रममा पुस्तकालयमा रहेका लाखौँ पुस्तक जलेका थिए । नजलेका केही पुस्तक अझै पनि भक्तपुर दरबार स्क्वायरको राष्ट्रिय पुस्तकालयमा भएको अमात्यको भनाइ छ ।

नेवारी भाषामा सफु-कुटीको अर्थ पुस्तकालय हो । नेवारी भाषामा सफु भनेको पुस्तक हो र कुटी भनेको स्टोर हो । ‘सफु-कुटी पुस्तकालय आसपासको ठाउँ भन्ने थाहा भएर हामीले पुस्तकालयको भग्नावशेष हो कि भन्ने अनुमान गरेका छौँ । पुस्तकालयको विशाल गेट अझै पनि नजिकै छ । गेट भने ०७२ सालको भूकम्पमा भत्केको छ’, अमात्यले भने ।

यद्यपि विभागका अधिकारीहरूले भने सो संरचना भक्तपुरको कुनै चोक हुन सक्ने अनुमान गरेका छन् । विसं २००४ मा स्थापना भएको विद्यार्थी निकेतन विद्यालय भक्तपुरको सबैभन्दा पुरानो राणाकालीन विद्यालय हो । २००४ सालमा पद्म शमशेरद्वारा पद्म हाइस्कुल र विद्यार्थी निकेतन विद्यालय स्थापना गरेका थिए ।

भक्तपुर महानगरका मेयर/उपमेयरले मंगलबार भेटिएको सो पुरातात्विक संरचना बुधबार अवलोकन गरी निर्माण कार्य तत्काललाई स्थगित गर्न निर्देशन दिएका छन् ।

तस्वीर स्रोत : ओमचरण अमात्य/फेसबुक

प्रकाशित मिति: शुक्रबार, कात्तिक १२, २०७८ १५:५९

शिलापत्र संवाददाता

प्रतिक्रिया दिनुहोस्

भर्खरै

आगलागीबाट ७९ घर जले, एक जनाको मृत्यु

युरोप बिर्साउने स्वतन्त्रता भएको त्यो इरान र हिजाबकै निहुँमा मारिदिने यो इरान

निजी अस्पतालमा काम गर्ने र विज्ञापन गर्ने सरकारी डाक्टरलाई कारबाही गर्ने स्वास्थ्य मन्त्रालयकाे चेतावनी

जुम्लाका बगैँचामा स्याउ फुल्न थाल्यो

गृहमन्त्रीविरुद्ध फेसबुक कमेन्ट प्रकरणः के भन्छ साइबर ब्युरो ?

लोकप्रिय

सरकार ढाल्न कांग्रेसले दाेहाेराे संवाद थालेपछि प्रचण्डले तयार पारे तीन विकल्प

डेढ महिनामै प्रचण्डले भन्न थाले- उता अप्ठेरो भयो भनेर यता आइयाे, यता झन् टाल्नकै हैरान

बुद्धनगरमा कांग्रेस–एमालेका चार नेताकाे वार्ता, बालकाेट पुग्दासम्म गगन थापा निराश

२५ अर्ब किलोमिटर टाढाबाट आयो पृथ्वीमा सन्देश, उत्साहित भए नासाका वैज्ञानिक

इरान र इजरायलः कसको शक्ति कति ?

विचार

चीनमा एउटै भूकम्पले लिएको थियो ८ लाख ३० हजारको ज्यान (भिडियो)

तीन जनाको मुट्ठीमा ३ करोड जनताको लोकतन्त्र

बीसौँ शताब्दीका प्रभावशाली नेता लेनिन (भिडियो)

ब्लग

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

छोटो तर मनमोहक पदयात्रा 'लाङटाङ'

एक जनमुखी प्रधानपञ्चको नाममा

शिक्षा

डीएभी विद्यालयमा राग र तालमिश्रित सांस्कृतिक कार्यक्रम ‘तरङ्ग’ सम्पन्न

दलका कार्यसमितिको विवरण माग्दै निर्वाचन आयोगलाई शिक्षा मन्त्रालयले पठायो पत्र

डिस्कोर्स डबलीले काठमाडौंमा दुईदिने ‘विचार उत्सव’ आयोजना गर्ने