ट्विटर र फेसबुकसँग भिड्न ट्रम्पकाे आफ्नै साेसल मिडिया, भन्छन्- अब सिलिकन भ्यालीमा संघर्ष हुन्छ

ट्विटर र फेसबुकसँग भिड्न ट्रम्पकाे आफ्नै साेसल मिडिया, भन्छन्- अब सिलिकन भ्यालीमा संघर्ष हुन्छ

A+ A A-

अमेरिकामा सन् २०२० काे राष्ट्रपतीय चुनाव जाे बाइडेनले जिते । चुनाव हारेका राष्ट्रपति डाेनाल्ड ट्रम्प नतिजा स्विकार्न तयार भएनन् । मत गणनामा धाँधली भएकाे भन्दै उनले आफ्ना समर्थकलाई विरोधका लागि उक्साए । नभन्दै ६ जनवरीमा ट्रम्पका समर्थकले क्यापिटल हिल (अमेरिकी संसद् भवन) मा दंगा गरे । यही बेला फेसबुक र ट्विटरले उनीमाथि प्रतिबन्ध लगाए । गुगलसित त ट्रम्पकाे पहिल्यैदेखि राम्राे थिए । उनी गुगलबाट समेत निलम्बित थिए । ट्रम्पले सामाजिक सञ्जालकाे दुरुपयोग गर्दै मानिसहरूलाई हिंसाका लागि भड्काइरहेको आरोप प्रविधिसम्बन्धी ठूला कम्पनीहरूले लगाएका थिए ।

अमेरिकी नेताहरूमा ट्रम्प सामाजिक सञ्जालकाे भारमार प्रयाेग गर्नेमा पर्थे । खासगरी फेसबुकमार्फत उनी मतदातासँग प्रत्यक्ष सम्पर्क कायम गर्थे । तर, प्रभावकारी माध्यमहरूबाट प्रतिबन्धित भएपछि ट्रम्पले गुगल, ट्विटर र फेसबुकविरुद्ध फ्लाेरिडास्थित संघीय अदालतमा मुद्दासमेत हालेका थिए । सेन्सरसिप रोक्न आदेश मागिएकाे मुद्दामा अदालतले त्यस्ताे खाले आदेश दिएन ।

त्यसैले अब ट्रम्प फेसबुक, ट्विटरलाई चुनौती दिन आफ्नै सोसल मिडिया प्लेटफर्म लञ्च गर्ने अन्तिम तयारीमा छन् । ट्रम्पकाे कम्पनीले ल्याउने साेसल मिडिया प्लेटफर्मकाे नाम 'टुथ साेसल' राखिएकाे छ ।

आफ्नो कम्पनी कथित उदार मिडिया संस्थाहरूका लागि प्रतिद्वन्द्वी हुने ट्रम्पकाे भनाइ छ । उनका अनुसार नयाँ एप आगामी वर्ष सर्वसाधारणका लागि खुला हुने छ ।

गत साता विज्ञप्ति जारी गर्दै ट्रम्पले भनेका थिए, 'हामी यस्ताे संसारमा छाैँ, जहाँ तालिबानकाे ट्विटरमा ठूलाे उपस्थिति छ । र पनि तपाईंलाई मनपर्ने राष्ट्रपतिकाे मुख थुनिदिए ।'

द ट्रम्प मिडिया एण्ड टेक्नाेलाेजी ग्रुप (टीएमटीजी) ले अहिलेका उदारवादी मिडियाका माझ एक सामाजिक सञ्जाल ल्याउन लागेकाे बताएकाे छ । सिलिकन भ्यालीका ठूला टेक कम्पनीहरूविरुद्ध संघर्ष गर्ने याेजनाका साथ काम गरिरहेकाे टीएमटीजीकाे भनाइ छ । ट्रम्पकाे समूहकाे दाबी छ, 'प्रविधिसम्बन्धी ठूला कम्पनीहरूले आफ्नाे शक्तिकाे दुरुपयोग गरी अमेरिकामा विराेधका आवाजलाई दबाएका छन् ।' ट्रम्प याे टीएमटीजीका अध्यक्ष हुनेछन् ।

ट्रम्पले ब्लग खाेलेर बन्द गरेका थिए

आफ्नो बोली र गतिविधिका कारण बारम्बार विवादमा आइरहने ट्रम्पले यसअघि मे महिनामा 'फ्रम द डेस्क अफ डाेनाल्ड ट्रम्प' नामकाे ब्लग पनि लञ्च गरेका थिए । यसलाई एक प्रमुख आउटलेट भनिएको थियो । तर, ट्रम्पलाई गुगुलसहित, ट्विटर, फेसबुक र इन्स्टाग्रामले प्रतिबन्ध लगाइदिए । एक महिनापछि ट्रम्पले त्याे ब्लग बन्द गरेका थिए । यद्यपि, टुथ साेसलमा उनकाे याेजना मनाेरञ्जन, न्युज, पाेडकास्टजस्ता सुविधा दिनु हाे । (एजेन्सीहरूकाे सहयाेगमा)

प्रकाशित मिति: बुधबार, कात्तिक १०, २०७८ १५:४१