माेरङका आठ पालिकामा एमालेकाे सर्वसम्मत नेतृत्व, अधिकांश पुरानै अनुहार

A+ A A-

नेकपा (एमाले)ले मोरङका आठवटा पालिकामा अधिवेशन सम्पन्न गरेकाे छ । १७ मध्ये आठवटा पालिकामा सर्वसम्मत नेतृत्व चयन गर्दै अधिवेशन सम्पन्न भएकाे एमाले माेरङले जनाएकाे छ ।

अधिवेशन सम्पन्न भएका अधिकांस कमिटीको नेतृत्वमा पुरानै अनुहार दोहाेरिएका छन् । मिक्लाजुङ, केराबारी, ग्रामथान र कटहरी गाउँपालिकामा सर्वसम्मत नयाँ नेतृत्व चयन भएकाे हाे ।

त्यसैगरी रतुवामाई, पथरी शनिश्चरे, रंगेली र शुन्दर हरैँचा नगरकमिटीमा पनि सर्वसम्मत नयाँ नेतृत्व चयन भएकाे पार्टीले जनाएकाे छ ।

मिक्लाजुङकाे अध्यक्षमा बुद्धिमान लिम्बु, उपाध्यक्षमा बृद्धिलाल निरौला, सचिवमा नगिन्द्र कार्की (नविन), सहसचिवमा चन्द्र लिम्बु र बबिता ढकाल चयन भएका छन् ।

त्यस्तै केराबारी गाउँपालिका कमिटीको अध्यक्षमा पुर्ण मगर, उपाध्यक्षमा राकेश राई, सचिवमा भीम कार्की, सहसचिवमा बबिता राई र चरण मगर सर्वसम्मत निर्वाचित भएका छन् ।

ग्रामथान गाउँपालिका कमिटीको अध्यक्षमा कुमार आचार्य, उपाध्यक्षमा अगरवती माझी, सचिवमा सत्यनारायण माझी, सहसचिवमा किसन सरदार र नविन मण्डल सर्वसम्मत चयन भएका छन् ।

यता कटहरी गाउँपालिका कमिटीको अध्यक्षमा रामनारायण राजवंशी, उपाध्यक्षमा सुमनकुमारी सरदार, सचिवमा मनोज माझी, सहसचिवमा यादव अधिकारी सर्वसम्मत निर्वाचित भएको अध्यक्ष राजवंशीले जानकारी दिए ।

रतुवामाई नगर कमिटी अध्यक्षमा देवी दाहाल, उपाध्यक्षमा कृष्ण ढकाल, सचिवमा नेवालाल राजवंशी, सहसचिवमा हरि श्रेष्ठ र हेमु कार्की सर्वसम्मत चयन भए । पथरी शनिश्चरे नगर कमिटीको अध्यक्षमा रमेश दाहाल, उपाध्यक्षमा उमनाथ अधिकारी, सचिवमा भीम राई, सहसचिवमा एलबी भण्डारी सर्वसम्मत चयन भएको नगर कमिटीले जनाएको छ ।

त्यसैगरी रंगेली नगर कमिटी अध्यक्षमा दलबहादुर बस्नेत, उपाध्यक्षमा जितलाल मण्डल, सचिवमा सन्तलाल खवास, सहसचिवमा यसोदा कोइराला र कृष्ण ठाकुर सर्वसम्मत निर्वाचित भएको जनाइएको छ ।

त्यस्तै शुन्दर हरैचा नगरममिटी अध्यक्षमा मात्रिका ढकाल, उपाध्यक्षमा अकली चौधरी, सचिवमा सन्तोष घिमिरे, सहसचिवमा डिल्ली लुइटेल र डिल्ली ढकाल सर्वसम्मत निर्वाचित भएको बताइएको छ ।

अन्य पालिकाकाे नेतृत्वमा सहमति नजुटेपछि अधिवेशन स्थगित भएको छ । नेतृत्वका आकांक्षी धेरै भएपछि नेताहरूलाई सर्वसम्म गराउन हम्मे हम्मे परेको छ । मंगबार स्थगित भएको पालिकामा आज बन्दसत्र भइरहेको नेकपा (एमाले) मोरङका अध्यक्ष ऋषिकेश पोखरेलले जानकारी दिए ।

विराटनगर महानगर, बुढीगंगा गाउँपालिका, कानेपोखरी गाउँपालिका, बेलबारी नगरपालिकाको बन्दसत्र बुधबार बिहान १० बजेदेखि सुरु भइ प्रकृया अगाडि बढेको पोखरेलले बताए ।

एमाले मोरङले यसअघि नै सुनवर्षी नगर कमिटी, धनपालथान, जहदा, उर्लाबारी नगरपालिका र लेटाङ नगर कमिटीको अधिवेशन बेमौसमी वर्षाका कारण आएको बाढी पहिरोको प्रभावले गर्दा स्थगित गरेको थियो । त्यहाँ आगामी १३ कात्तिकमा एकैपटक अधिवेशन हुने अध्यक्ष पोखरेलले बताए ।

प्रकाशित मिति: बुधबार, कात्तिक १०, २०७८ १३:०२