टी-ट्वेन्टी विश्वकपमा आज आमनसामने हुँदैछन् भारत र पाकिस्तान, यस्ताे छ हारजितकाे विगत

टी-ट्वेन्टी विश्वकपमा आज आमनसामने हुँदैछन् भारत र पाकिस्तान, यस्ताे छ हारजितकाे विगत

A+ A A-

टी-ट्वेन्टी विश्वकपमा आज भारत र पाकिस्तानबीच प्रतिस्पर्धा हुँदैछ । दुबईको अन्तर्राष्ट्रिय रंगशालामा साँझ साढे ७ बजे दुवै टिम आमनेसामने हुने छन् । टसचाहिँ आधा घण्टाअघि अर्थात् ७ बजे नै हुने छ ।

दुई टिम सन् २०१६ विश्वकपपछि पहिलोपल्ट टी-ट्वेन्टीमा खेल्न लागेका हुन् । भारत र पाकिस्तानबीच पछिल्लो टी-ट्वेन्टी भिडन्त १९ मार्च २०१६ मा भएको थियो । त्यो म्याचमा भारतले पाकिस्तानलाई ६ विकेटले पराजित गरेको थियो ।

यी दुई टिम टी-ट्वेन्टी विश्वकपमा पाँचपल्ट आमनेसामने भइसकेका छन् । यी सबै प्रतिस्पर्धामा भारतले जित निकालेको छ । टी-२० ओभरअलमा दुवै टोली आठ पटक भिडेका छन् । यीमध्ये टिम इन्डियाले सात र पाकिस्तानले एकमा जित हात पारेका छन् ।

भारतसँग म्याच हारेपछि पाकिस्तानी समर्थकले वसीम अकरमकाे घर घेरे अनि ढुंगामूढा गरे

यो विश्वकपमा भारतीय टिमको भरोसा सबैभन्दा अनुभवी ब्याट्सम्यानहरूमा छ, एक टिम कप्तान विराट कोहली र अर्का उपकप्तान रोहित शर्मा हुन् । यी दुवैले भारतका लागि टी-ट्वेन्टी विश्वकपमा सबैभन्दा बढी रन बनाएका छन् । रोहित भारतका लागि २००७ देखि अहिलेसम्म सबै टी-ट्वेन्टी विश्वकप खेल्ने एक्ला खेलाडी पनि हुन् ।

टी-ट्वेन्टी विश्वकपमा भारतका लागि सबैभन्दा बढी विकेट टिमका दुई स्पिनरले लिएका छन् । रविचन्द्रन अश्विनले १७ र रवीन्द्र जडेजाले १४ विकेट चट्काएका छन् । यी दुईमाथि भारतलाई च्याम्पियन बनाउने जिम्मेवारी बढी छ । यसअघि अश्विन र जडेजाले पाकिस्तानविरुद्ध एसिड टेस्टको सामना गर्नुपर्ने छ ।

दुवै टिमका बलर्समाथि सबैको नजर छ । भारतका तर्फबाट टिममा सबैभन्दा बढी विकेट लिने बलर जसप्रित बुमराह छन् । पाकिस्तानको टिममा स्पिनर शादाब खान सबैभन्दा बढी विकेट लिने बलर हुन् । सन् २०१७ च्याम्पियन्स ट्रफीमा पाकिस्तानले भारतलाई हराएका बेला शादाब स्टार बलर थिए ।

जब अस्ट्रेलियाली सडकमा मध्यराति भारतीय र पाकिस्तानी नाच्न थाले..

भारत र पाकिस्तान दुवै टिमले आफ्ना उत्कृष्ट तीन खेलाडीलाई शीर्ष क्रममा उतार्नेछन् । भारतबाट रोहित शर्मा र केएल राहुल ओपनिङ गर्न मैदान पस्नेछन् ।

कोहलीले तेस्रो नम्बरमा ब्याटिङ गर्नेछन् ।

पाकिस्तानले बाबर आज र मोहम्मद रिजवानलाई ओपनिङका लागि उतार्न सक्छ । तेस्रो नम्बरमा फखर जमान ब्याटिङमा आउने छन् । अहिलेसम्म भारत-पाकिस्तानबीच जति म्याच भएका छन्, ती सबैमा बढी योगदान शीर्ष तीन ब्याट्सम्यानकै रहेको देखिन्छ ।

यस्तो पनि भनिन्छ, खासमा भारत-पाकिस्तान म्याचमा प्रतिस्पर्धा पाकिस्तानको बलिङ र भारतको ब्याटिङबीच हुन्छ । यद्यपि, आँकडाले अरू पनि भन्छ । टी-ट्वेन्टीमा पाकिस्तानको इकोनोमी रेट भारतभन्दा बढी छ । चाहे त्यो पावर प्ले (सुरुवाती ६ ओभर) होस् वा डेथ ओभर्स (अन्तिम पाँच ओभर) ।

पाकिस्तानी टिमको अर्को एक सबल पक्ष भनेको टी-ट्वेन्टीमा पावरप्लेका क्रममा राम्रो रेटबाट रन बनाउनु हो । भारतीय टिम ६.३८ को रन रेटबाट रन बनाउँछ । डेथ ओभर्समा दुवै टिमले करिब एउटैखाले रन बनाउँछन् ।

भारत-पाकिस्तान म्याचका केही थप आँकडा

१. एसियामा दुवै टिमबीच ६ वटा म्याच भएको छ । यसमा भारतले ५ र पाकिस्तानले १ मा जित हात पारेका छन् ।

२. न्युट्रल भेन्युमा भारत-पाकिस्तानबीच ५ म्याच भएको छ । सबै म्याच भारतले जितेको छ ।

३. पाकिस्तानविरुद्ध भारतको औसत स्कोर (टी-ट्वेन्टी) १ सय ३६ हो । भारतविरुद्ध पाकिस्तानको औसत स्कोर १ सय ३३ हो ।

४. पाकिस्तानविरुद्ध भारतका लागि सबैभन्दा बढी रन बनाउने ब्याट्सम्यान (टी-ट्वेन्टी) विराट कोहली हुन् । उनले २ सय ५४ रन बनाएका छन् । अनि भारतविरुद्ध पाकिस्तानका लागि सबैभन्दा बढी रन बनाउने ब्याट्सम्यान शोएब मलिक हुन्, उनले १ सय ६४ रन बनाएका छन् ।

५. पाकिस्तानविरुद्ध भारतका लागि सबैभन्दा ज्यादा विकेट लिने बलर (टी-ट्वेन्टी) भुवनेश्वर कुमार हुन्, उनले ५ विकेट लिएका छन् । पाकिस्तानको वर्तमान टिमका कुनै बलरले भारतविरुद्धको खेलमा बढी विकेट लिन सकेका छैनन् । (अमर उजालाकाे सहयाेगमा)

प्रकाशित मिति: आइतबार, कात्तिक ७, २०७८ १२:३६