स्वास्थ्यमन्त्रीलाई बीपी प्रतिष्ठान संघर्ष समितिको चेतावनी- दलीय स्वार्थ पूरा हुने गरी पदाधिकारी छानिए आन्दोलन चर्काउँछौँ

स्वास्थ्यमन्त्रीलाई बीपी प्रतिष्ठान संघर्ष समितिको चेतावनी- दलीय स्वार्थ पूरा हुने गरी पदाधिकारी छानिए आन्दोलन चर्काउँछौँ

A+ A A-

धरानको बीपी कोइराला स्वास्थ्य विज्ञान प्रतिष्ठान शुद्धीकरण अभियान, संयुक्त संघर्ष समितिले नवनियुक्त स्वास्थ्य तथा जनसंख्यामन्त्री विरोध खतिवडालाई चारबुँदे ज्ञापनपत्र बुझाएको छ ।

स्वास्थ्यमन्त्रीमा नियुक्त भएलगत्तै संघर्ष समितिले आफूहरूले उठाएका मुद्दा सम्बोधन गर्न माग गर्दै स्वास्थ्यमन्त्री खतिवडालाई चारबुँदे ज्ञापनपत्र बुझाएको हो । संघर्ष समितिले दलीय गुटगत स्वार्थ पूरा हुने गरी बीपी कोइराला स्वास्थ्य विज्ञान प्रतिष्ठानमा पदाधिकारी चयन नगर्न पनि स्वास्थ्यमन्त्री खतिवडालाई भनेको छ ।

समितिले दलीय र गुटगत स्वार्थ पूरा हुने गरी पदाधिकारी चयन गरिएमा ती पदाधिकारी र सरकारविरुद्ध सशक्त कदम चाल्न बाध्य हुने चेतावनी स्वास्थ्यमन्त्री खतिवडालाई दिएको छ । समितिले दलीय भागवण्डा, गुटगत स्वार्थ लिप्तता र व्यापारिक साँठगाँठले धराशायी हुन लागेको बीपी प्रतिष्ठानको उद्धारबाट काम सुरु गर्न स्वास्थ्यमन्त्री खतिवडालाई आग्रह गरेको छ ।

'स्वास्थ्य सेवा एवं स्वास्थ्य शिक्षाको लागि मानक एवं अग्रणी संस्था रहेर पनि दलीय भागवण्डा, गुटगत स्वार्थ लिप्तता र व्यापारिक साँठगाँठले धराशायी हुने सन्निकट बीपी कोइराला स्वास्थ्य विज्ञान प्रतिष्ठानको उद्धारबाट सुरु गरी प्रतिष्ठानलाई दिगो जिवन्तता प्रदान गर्ने ऐतिहासिक अवसरको सदुपयोग गर्न अनुरोध गर्दछौँ,' समितिले भनेको छ ।

समितिले सरकारले स्पष्ट कार्ययोजनासहितको र प्रतिष्ठानको हितार्थ यसअघि आफूहरूसँग गरेका सम्झौता कार्यान्वयन गर्न पनि स्वास्थ्यमन्त्री खतिवडालाई आग्रह गरेको छ ।

'मित्रराष्ट्र भारतको एआईआईएमएस, पीजीआईसरह रहेको बीपी प्रतिष्ठानलाई सोही अनुरुप बनाउन उच्च प्राथमिकतामा राखेर सोही अनुरुप पदाधिकारी छनोट, बजेट विनियोजन र लगातार एवम् विस्तृत सुपरिवेक्षण गर्ने वातावरण सधैँका लागि बनाएर 'मन्त्री वा सरकार परिवर्तन भए पनि प्रतिष्ठान दिगो र जीवन्त रहने वातावरण' स्थापित गर्ने ऐतिहासिक भूमिकाका लागि अनुरोध गर्दछौँ,' समितिले भनेको छ ।

यस्ता छन् संघर्ष समितिका चारबुँदे माग

१. आफैँ दीक्षान्त समारोह गर्ने विश्वविद्यालयस्तरका प्रतिष्ठानका पदाधिकारीहरूको चयन 'राजनीतिज्ञ'ले होइन 'विज्ञ'ले गर्नुपर्दछ, 'व्यक्ति'ले होइन 'समूह'ले गर्नुपर्दछ, 'नियत'ले होइन 'नीति'ले गर्नुपर्दछ भन्ने भावनालाई आत्मसात गरी, बनिसकेको 'मापदण्ड बनाउन गठित समिति'बाट मापदण्ड बनाई, विज्ञहरूको समूह सार्वजनिक गरी सोही समूहले 'मन्त्री र प्रधानमन्त्रीको प्रत्यक्ष परोक्ष संलग्न नहुने गरी' पदाधिकारीहरूको छनोट गर्ने व्यवस्था गरियोस्।

२. बीपी कोइराला स्वास्थ्य विज्ञान प्रतिष्ठान ऐन २०४९ को ११ 'घ' अनुसार सिनेट बैठक डाकी पदाधिकारीहरूमाथि उठेका र प्रतिवेदनहरूले इङ्गित गरेका कुराहरूलाई मध्यनजर गरी पदाधिकारीहरूको बर्खास्त गर्ने प्रक्रिया अविलम्ब सुरु गरियोस् ।

३. प्रतिष्ठानलाई यो हदसम्म पुर्‍याउने र प्रतिष्ठानलाई दोहन गर्ने पदाधिकारीबाहेकका अन्य शिक्षक कर्मचारीहरूलाई पनि कारबाहीको दायरामा ल्याउन 'उच्चस्तरीय एवम अधिकारसम्पन्न आयोग' तत्काल गठन गरियोस् ।

४: अख्तियार एवं अदालतमा रहेका 'स्वास्थ्य र शिक्षा' सम्बन्धित बीपी कोइराला स्वास्थ्य विज्ञान प्रतिष्ठानका मुद्दाहरूलाई द्रूत गतिमा टुङ्ग्याउन पहल गरियोस् ।

प्रकाशित मिति: शनिबार, असोज २३, २०७८ ०९:०५

शिलापत्र संवाददाता

प्रतिक्रिया दिनुहोस्

भर्खरै

चोरीमा संलग्न रहेको अभियोगमा छ जना पक्राउ

राप्ती नदीबाट घडियालका दुई सय ४७ अण्डा सङ्कलन

मादी नदीमा बालकको शव भेटियो

सहकारी प्रकरणको संसदीय समितिको टीओआर बनाउन कार्यदल गठन

‘कालोकालो कपालमा खैरो...’ मा प्रियंका र गम्भिरको रोमान्स

लोकप्रिय

छानबिन समिति बने गृहमन्त्रीबाट राजीनामा दिने तयारीमा रवि लामिछाने

एउटै रेडियोमा काम गर्थे रवि र गगन, २५ वर्षपछि सम्बन्धमा कसरी बढ्यो खटपट ?

'ओलीकाे दल फुटाउने षड्यन्त्रमा प्रचण्डकाे पनि संलग्नता देखियाे, विश्वासकाे मत लिने कुरामा सफा नियत छैन'

एमाले र माओवादीसँग कसरी बिग्रियो उपेन्द्रको सम्बन्ध ?

बर्खास्तीमा परेको साढे सात वर्षपछि सार्वजनिक कार्यक्रममा देखिए पूर्वअख्तियार प्रमुख कार्की

विचार

विद्यार्थी आन्दोलनमाथि उठिरहेको प्रश्न

दिगो विकासको आधारः शिक्षा व्यवस्था र विश्वदृष्टिकोण

नगरवधू आम्रपाली कसरी भिक्षु भइन् ?

ब्लग

सम्पादक शिव डोटेललाई पत्र- साँच्चै ती दिन क्या दामी थिए है

रहस्यैरहस्यको चाङ नरवीर नेम्वाङ

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

शिक्षा

दिगो विकासको आधारः शिक्षा व्यवस्था र विश्वदृष्टिकोण

अराजकताकाे केन्द्र बनिरहेका विद्यार्थी संगठन : आवरणमा शैक्षिक मुद्दा, व्यवहारमा चन्दा र आफन्तलाई जागिर जाेहाे

रोटरी अफ क्लब कान्तिपुर स्थापनाको अवसरमा दुई शिक्षक सम्मानित