आईसीटी अवार्डको शीर्ष प्रायोजकमा ‘एफवान् सफ्ट’, डिजिटल इकोसिस्टममा सहकार्य गर्ने

आईसीटी अवार्डको शीर्ष प्रायोजकमा ‘एफवान् सफ्ट’, डिजिटल इकोसिस्टममा सहकार्य गर्ने

A+ A A-

छैटौँ संस्करणको आईसीटी अवार्डको शीर्ष प्रायोजन एफवान् सफ्टले गर्ने भएको छ । सोमबार आईसीटी अवार्डको आयोजक लिभिङ विथ आईसीटी र एफवान् सफ्टबीच शीर्ष प्रायोजनका लागि सम्झौता भएको हो । सम्झौताअनुसार कार्यक्रमको नाम ‘एफवान् सफ्ट आईसीटी अवार्ड २०२१’ हुनेछ ।

सूचना तथा सञ्चार प्रविधि क्षेत्रको एक प्रतिष्ठित अवार्डको रूपमा परिचित आईसीटी अवार्डको छैटौँ संस्करणमा ११ विधामा नोमिनेसन खुल्ला गरिएको थियो । जसमा ३५० भन्दा बढीको आवेदन प्राप्त भएको थियो । अहिले विभिन्न चरणमा छनोट प्रक्रियाहरू सञ्चालन भइरहेका छन् । अवार्डका विजेतालाई पुरस्कार वितरण तथा ग्राण्ड फिनाले कार्यक्रम १७ डिसेम्बर २०२१ मा सोल्टी होटलमा आयोजना हुनेछ । आईसीटी अवार्डको प्रि इभेन्ट क्याम्पियनको रूपमा यही असोज १५ गते ४० बढी स्टार्टअपलाई मेन्टरिङ सेसन र १६ गते शनिबार एक्जिबिसन आयोजना भइरहेको आयोजकले जनाएका छन् ।

एफवान सफ्ट १७ वर्षअघि स्थापना भएको नेपालको सबैभन्दा ठूलो र अग्रणी डिजिटल वित्तीय सेवा प्रदान गर्ने संस्था हो । एफवान सफ्ट ग्रुप अन्तर्गत हाल १३ कम्पनी सञ्चालन भइरहेका छन्, जसमा एफवान सफ्ट, ई–सेवा, फोनपे, ई–सेवा मनी ट्रान्स्फर, दियालो टेक्नोलोजी, कोजेन्ट हेल्थ, लोजिका, सिरानटेक, दर्शन टेक, एक्टेन्सो डेटा, स्वस्तिक कलेज, बस सेवा, ई–सेवा ट्राभल आदि छन् ।

यस कम्पनीले १ हजार बढीलाई प्रत्यक्ष रोजगारी दिइरहेको छ । आईसीटी अवार्डसँगको सहकार्यले नेपालको डिजिटल इकोसिस्टमलाई सघाउ पु¥याउने एफवान सफ्टका ग्रुप सिओओ शिशिर पछाईले बताए । एफवान सफ्टको सहकार्यले नेपालमा स्टार्टअप तथा इन्नोभेसनको प्रवद्धनसँगै आईसीटी अवार्डको महत्व र प्रतिष्ठालाई अझ उचाईमा पुर्याउन सकिने अवार्ड आयोजक समितिका संयोजक राजन लम्सालले बताए ।

गत भदौ १५ देखि आईसीटी अवार्डको छनोट प्रक्रिया सुरू भइसकेको छ । स्टार्टअप, प्रोडक्ट र राइजिङ स्टार इन्नोभेसन विधामा उत्कृष्ट ११ प्रतिप्रधिहरु सार्वजनिक भएका छन । आईसीटी अवार्डमा सूचना प्रविधि क्षेत्रका १२ जना विज्ञहरूको जुरी समिति र १५ जना विशिष्ट सल्लाहकार समिति गठन गरिएको छ । सन् २०१६ देखि शुरु भएको आईसीटी अवार्डमा विभिन्न विधामा गरेर अहिलेसम्म ५० भन्दा बढी व्यक्ति, संस्था, कम्पनी तथा प्रडक्टहरू सम्मानित भइसकेका छन् ।

यस वर्ष अवार्ड विजेताहरूले विशिष्ट सम्मानसँगै राष्ट्रिय वाणिज्य बैंकबाट १५ लाख रुपैयाँसम्म बिनाधितो सहुलियत ऋण सुविधा, स्टार्टअप र आइडियामा लगानीको अवसर र अन्य महत्त्वपूर्ण सेवा तथा सुविधाहरू प्राप्त गर्नेछन् । पावर्ड वाई स्पोन्सर ह्वावेले स्र्टाअप आईसीटी अवार्ड विधाका विजेतालाई ३ लाख रुपैयाँबराबरको हुवावेका महत्त्वपूर्ण सेवाहरू प्रदान गरिनेछ ।

यस वर्ष आईसीटी अवार्डको इन एसोसिएसन विथमा जिनस, पावर्ड वाई ह्वावे, बैंकिङ पार्टनर राष्ट्रिय वाणिज्य बैंक, सञ्चार तथा सूचना प्रविधि मन्त्रालय, राष्ट्रिय सूचना प्रविधि केन्द्र, नेपाल दूरसञ्चार प्राधिकरण, प्रेसिडेन्सियल बिजनेश स्कुललगायतको सहकार्य तथा सहयोग रहेको आयोजकले बताएका छन् ।

प्रकाशित मिति: बुधबार, असोज १३, २०७८ १९:३३