दुई महिलाको शंकास्पद मृत्युमा प्रहरी अनुसन्धान भएन, न्याय माग्दै नेपालगञ्ज–काठमाडौं पैदल मार्च (भिडियाेसहित)

दुई महिलाको शंकास्पद मृत्युमा प्रहरी अनुसन्धान भएन, न्याय माग्दै नेपालगञ्ज–काठमाडौं पैदल मार्च (भिडियाेसहित)

A+ A A-

बाँके प्रहरीले दुई महिलाको शंकास्पद मृत्युको अनुसन्धान नगरेको भन्दै पीडित र अधिकारकर्मीले न्यायका लागि नेपालगञ्जदेखि काठमाडौंसम्मको पैदल मार्च गरिरहेका छन् । असोज १ देखि सुरु भएको पैदल मार्च चार दिनमा दाङ पुगेको छ ।

जिल्ला प्रशासन कार्यालयको गेटमा १९ दिन (१३–३१ भदौ) सम्म धर्ना दिँदासमेत आफ्नो माग सुनुवाइ नभएपछि प्रधानमन्त्रीलाई ज्ञापनपत्र बुझाउन नेपालगञ्ज–काठमाडौंको पैदल मार्च सुरु गरेको सहभागीले बताएका छन् ।

बाँके नेवाजी गाउँकी नन्कुन्नी धोबी गत ५ साउनमा मृत भेटिइन् । झुण्डिएको अवस्थामा उनको शव घरमै भेटियो । उनी लामो समयदेखि घरेलु हिंसा व्यहोर्दै आएको र घटनाको प्रकृति हेर्दा शंकास्पद रहेको भन्दै पीडितले प्रहरीलाई गुहारे । तर, प्रहरीले अनुसन्धानै नगरेर आत्महत्या भनिदियो ।

त्यस्तै, एकल महिला निर्मला कुर्मी गतवर्ष मंसिरमा बेपत्ता भइन् । १६ मंसिरमा स्थानीयले प्रहरीमा किटानी जाहेरी दिए । तर, प्रहरीले अनुसन्धान गरेन । अहिले उनको मृत्यु भैसकेको बताइएपछि यी दुई शंकास्पद मृत्युको गहिरो अनुसन्धानको माग गर्दै पीडित र अधिकारकर्मीले प्रदर्शन गरिरहेका छन् ।

‘एकल महिला एकाएक बेपत्ता भइन् । खोजी गरिदिनुपर्‍यो भनेर अपहरण तथा शरीर बन्धकको किटानी जाहेरी दिँदासमेत प्रहरीले चासो देखाएन । दिनहुँ हिंसा भोगिरहेकी महिला मृत भेटिइन्, प्रहरी अनुसन्धा नै नगरी आत्महत्या भन्छ,’ अधिकारकर्मी रुबी खानले भनिन्, ‘यो देशमा सरकार छ कि छैन भनेर खोज्न हामी पैदल मार्चमा छौं ।’

पैदल यात्रामा पीडित परिवारका सदस्यसहित १४ महिला छन् । मृतक नन्कुन्नीकी दिदी बिष्टा धोबी, बहिनी शिला र भाइ माताप्रसाद धोबी पनि मार्चमा छन् । उनीहरू बुटवल पुगेर मुख्यमन्त्री कार्यालयमा धर्ना दिनेछन् । केही दिन धर्ना दिएपछि काठमाडौं आएर सिंहदरबारमा धर्ना दिने कार्यक्रम रहेको नन्कुन्नीका भाइ माताप्रसाद धोबी बताउँछन् । ‘मान्छेको ज्यान जाँदा पनि जिल्लाको प्रहरी र प्रशासनले सुनेन । त्यसैले हामी प्रधानमन्त्री, गृहमन्त्री र राष्ट्रपतिलाई ज्ञापनपत्र बुझाउँछौं’, उनले भने ।

नेपालगञ्ज नगरसँग जोडिएको परस्पुरगाउँकी एकल महिला निर्मला कुर्मी एक वर्षदेखि वेपत्ता छिन् । सम्पत्ति हडप्न खोज्नेहरूबाट लामो समयदेखि प्रताडित कुर्मीको अपहरणपछि हत्या गरिएको हुनसक्ने महिला अधिकार मञ्चकी सदस्य खान बताउँछिन् ।

गत वर्ष मंसिर १६ गते नै जिल्ला प्रहरीमा अपहरण तथा शरीर बन्धकसम्बन्धी जाहेरी दर्ता गरिएको थियो । तर, डेढ महिनापछि बुझ्दा प्रहरीले निर्मलाको मृत्यु भैसकेको जानकारी दियो । उनको मृत्यु भनिए पनि शव नदेखाएकाले रहस्यमय रहेको अधिकारकर्मी बताउँछन् । ‘मृत्यु नै भएको भए शव देखाउनु पर्‍यो, होइन भने मान्छे खोजिदिनु पर्‍यो’, उनले भनिन् ।

निर्मला कुर्मीको अपहरणमा संलग्न रहेको भन्दै पीडितले किटानी गरेका बादशाह कुर्मी पूर्वसांसद एवं कांग्रेसका नेता हुन् । उनले पुरानो विवादलाई उछालेर आफूमाथि बारम्बार लाञ्छना लगाउने काम भैरहकेो गुनासो गरे । ‘जाहेरी दिएको थाहा पाएर म आफैं प्रहरीमा गएर बयान दिएको हुँ । प्रहरीले अनुसन्धान गरेपछि सरकारी वकिल कार्यालयले मुद्दा मुल्तबीमा राखेको छ’ उनले शिलापत्रसँग भने, अधिकारकर्मीका नाममा मलाई जर्बजस्ती अपराधी करार गर्न खोजिएको छ ।’

२०६६ सालमा परस्पुर गाउँमा भएको लेनदेन र ठगी विवादका कारण अहिलेसम्म आफू प्रताडित हुनुपरेको आरोपित पूर्वसांसद कुर्मीले दाबी गरे ।

नन्कुन्नी धोबीको मृत्यु किन शंकास्पद ?

बाँकेको जानकी-२ नेवाजी गाउँकी नन्कुन्नी धोबी ५ साउन बिहान घरमै झुण्डिएको अवस्थामा मृत भेटिइन् । पटकपटक घरेलु हिंसामा परेकी नन्कुन्नीको मृत्यु स्थानीयका लागि शंकास्पद हुने नै भयो ।

स्थानीय बासिन्दाले त्यसको कारण खोज्न र गहिरो अनुसन्धान गर्न प्रहरीसँग आग्रह गरे । तर, प्रहरीले आत्महत्या भनेर चासो देखाएन ।

नन्कुन्नीले गत ७ असारमा महिला अधिकार मञ्चमा आएर आफ्ना पतिबाट ज्यानको खतरा रहेको भन्दै सुरक्षाका लागि पहल गरिदिन निवेदन दिएकी थिइन् । मञ्चले सो घटनाारे प्रहरीलाई खबरसमेत गर्‍यो । प्रहरीले धोबीको घरमा गएर त्यतिबेला मिलापत्र गराइदिएको थियो ।

नन्कुन्नी धोबी रामकुमारकी तेस्रो श्रीमती हुन् । उनीबाट कुनै सन्तान थिएन । रामकुमारमाथि पहिलो श्रीमतीलाई मट्टितेल हालेर जलाएको आरोप छ । दोस्रो श्रीमती पनि यातना सहन नसकेर भागेको नन्कुन्नीको माइती पक्षले आरोप लगाएको छ । बारम्बार घरेलु हिंसा गरेकाले रामकुमारले नन्कुन्नीको हत्या गरेको उनीहरूको दाबी छ ।

नन्कुन्नी र रामकुमारबीच धर्मपुत्र राख्ने र सम्पत्ति दिने विषयमा पनि विवाद थियो । नन्कुन्नी आफ्नो भागको सम्पत्ति जेठी श्रीमतीतर्फकी छोरीलाई दिन चाहेकी थिइन् । रामकुमार भने दाइको छोरालाई धर्मपुत्र राखेर उसैलाई सम्पत्ति दिन दबाब दिइरहेका थिए । त्यसमाथि, रामकुमारले बारम्बार मोटरसाइकल दाइजो मागेर दिदीलाई दुःख दिइरहेको भाइ माताप्रसाद बताउँछन् ।

नन्कुन्नीको शव झुण्डिएको ठाउँमा वरपर कुनै टेक्ने वस्तु थिएन । नन्कुन्नीले के मा चढेर झुण्डिइन् भन्ने देखिँदैन । घरका दुबै ढोका भित्रबाट बन्द थिए । तर, भित्र जाने अर्को बाटो रहेकाले त्यो पनि शंकास्पद छ । प्रहरी आफै घरभित्र पसेर ढोकाको चुकुल खोलेको थियो । शवको नाक, कान मुखबाट रगत बगेको स्थानीय प्रत्यक्षदर्शीले बताएकाले त्यो आत्महत्या नभई हत्या नै भएको माइती पक्षको दाबी छ ।

सबै माग सम्बोधन भैसक्यो : प्रजिअ

बाँकेका प्रमुख जिल्ला अधिकारी शिवलाल गेलाल भने आन्दोलनकारीका माग सम्बोधन भैसकेको बताउँछन् । निर्मला कुर्मीको अपहरणसम्बन्धी मुद्दामा प्रहरीले अनुसन्धान गरी जिल्ला सरकारी वकिलको कार्यालय पेस गरेको र सरकारी वकिलले नै मुल्तबीमा राखेको उनले जनाए ।

अर्को, नन्कुन्नी धोबीको शंकास्पद मृत्यु प्रकरणमा अनुसन्धान गरी मुद्दा अदालतमा पेस भैसकेको उल्लेख गर्दै प्रमुख जिल्ला अधिकारी गेलालले भने, ‘आन्दोलनकारीको माग अनुसार प्रहरीका प्रमुख र उपप्रमुखलाई विभागीय कारबाहीका लागि पनि प्रक्रिया अघि बढाइएको छ ।’

प्रहरी प्रमुख तथा उपप्रमुखमाथि विभागीय कारबाही गर्न लागिएकाे प्रजिअ गेलालकै भनाइले पनि घरेलु हिंसा र शंकास्पद मृत्युसम्बन्धी घटनाको अनुसन्धानमा बाँके प्रहरी चुकेको पुष्टि गर्छ ।

भिडियाे ः

पैदल मार्चका तस्वीरहरू :

प्रकाशित मिति: सोमबार, असोज ४, २०७८ १८:३४

शिलापत्र संवाददाता

प्रतिक्रिया दिनुहोस्

भर्खरै

लगानी सम्मेलनको पूर्वसन्ध्यामा अघि बढ्यो नेपालको सार्वभौम साख मूल्यांकन प्रक्रिया

अक्षरको आकाशमा पल्लवित पच्चीस थुङ्गाहरू

इलाम-२ उपनिर्वाचनः उम्मेदवारहरू नेम्वाङ, खड्का र लिम्बूले गरे मतदान

मतदानपछि सुहाङले भने- चुनाव जित्नेमा विश्वस्त छु

इलाम-२ मा मतदान जारी, छैन मतदान केन्द्रमा भिड

लोकप्रिय

सरकार ढाल्न कांग्रेसले दाेहाेराे संवाद थालेपछि प्रचण्डले तयार पारे तीन विकल्प

सहकारी ठगीले इलाम २ मा तनाव दिएपछि रवि लामिछानेको नयाँ स्टन्ट, धन्यवाद दिन गृह मन्त्रालय पुग्ने को हुन् ?

बुद्धनगरमा कांग्रेस–एमालेका चार नेताकाे वार्ता, बालकाेट पुग्दासम्म गगन थापा निराश

२५ अर्ब किलोमिटर टाढाबाट आयो पृथ्वीमा सन्देश, उत्साहित भए नासाका वैज्ञानिक

प्रचण्ड सरकारमा सहभागी हुँदै नाउपा, रञ्जितानिकट चौधरी मन्त्री बन्ने

विचार

चीनमा एउटै भूकम्पले लिएको थियो ८ लाख ३० हजारको ज्यान (भिडियो)

तीन जनाको मुट्ठीमा ३ करोड जनताको लोकतन्त्र

बीसौँ शताब्दीका प्रभावशाली नेता लेनिन (भिडियो)

ब्लग

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

छोटो तर मनमोहक पदयात्रा 'लाङटाङ'

एक जनमुखी प्रधानपञ्चको नाममा

शिक्षा

कक्षा १२ को परीक्षा आजदेखि, तीन लाख ९० हजार परीक्षार्थी सहभागी हुँदै

बालेनको प्रयाससँगै काठमाडौंका सामुदायिक विद्यालयमा आकर्षण, गुणस्तर धान्न भने चुनौती

डीएभी विद्यालयमा राग र तालमिश्रित सांस्कृतिक कार्यक्रम ‘तरङ्ग’ सम्पन्न