अर्थमन्त्री शर्माले भने- उद्योगलाई प्रोत्साहन गर्ने नीति परिवर्तन हुँदैन, प्रलोभनमा पार्ने प्रयास नगर्नु

अर्थमन्त्री शर्माले भने- उद्योगलाई प्रोत्साहन गर्ने नीति परिवर्तन हुँदैन, प्रलोभनमा पार्ने प्रयास नगर्नु

A+ A A-

अर्थमन्त्री जनार्दन शर्माले प्रतिस्थापन बजेटमा राखिएको स्टील उद्योग प्रोत्साहन नीति परिवर्तन नहुने बताएका छन् ।

सो नीति आएसँगै नेपाल स्टील रोलिङ मिल्स एशोसिएसनले नयाँ व्यवस्थाले २४ उद्योग बन्द हुने भन्दै असन्तुष्टि जनाए पनि उनले आफूले ल्याएको नीति परिवर्तन नहुने बताएका हुन् ।

सरकारले प्रस्तुत गरेको प्रतिस्थापन विधयेकमार्फत स्पन्ज आइरन आयातमा लाग्दै आएको पाँच प्रतिशत भन्सारलाई शून्यमा झारिदिएको छ । यस्तै स्वदेशमा उत्पादित स्टील बिलेट तथा फलामजन्य वस्तुमा अन्तः शुल्क पनि हटाएको छ ।

अर्थमन्त्री जनार्दन शर्माले प्रतिस्थापन विधयेकमार्फत स्वदेशी उद्योगलाई प्रोत्साहन हुनेगरी गरिएका नीतिगत व्यवस्थाहरु परिवर्तन नहुने अडान राखेका हुन् । आन्तरिक राजश्व विभागको दुई दिने व्यवस्थापन गोष्ठीको उद्घाटन गर्दै मन्त्री शर्माले दीर्घकालीन रुपले देशलाई फाइदा पुग्नेगरी गरिएको व्यवस्था परिवर्तन नहुने बताए ।

‘मलाई कतिपयले प्रलोभन दिएर फकाउने दुस्साहस गरिरहेका छन् । म व्यक्तिगत स्वार्थका लागि देशलाई घाटा पार्ने व्यक्ति होइन । त्यस्तो दुस्साहस नगर्न आग्रह गर्छु । स्वदेशी उत्पादनमा आधारित र रोजगारी सृजना गर्ने उद्योगहरुलाई प्रोत्साहन दिने गरी भएको निर्णय फिर्ता हुँदैन ।’

आयातमा आधारित राजस्व भन्दा आन्तरिक उत्पादन र निर्यातमा आधारित राजस्व बढाउनुपर्नेमा जोड दिँदै उनले यसतर्फ थप सक्रियताका साथ काम गर्न निर्देशन दिए। उनले करका दरसम्बन्धी थप सुधारका कामहरु कर पुनरावलोकन आयोग गठन गरेर सम्पन्न गरिने जानकारी दिए ।

अर्थसचिव मधुकुमार मरासिनीले करदाताले भ्याट बिल जारी गर्नासाथ सिधै आन्तरिक राजश्व विभागको प्रणालीमा विवरण दाखिला हुनेगरी प्रविधिमा सुधार गर्न निर्देशन दिए ।

करको दायरा विस्तारमा स्थायी लेखा नम्बर वितरणले महत्वपूर्ण भूमिका खेल्ने भएपनि तिनको ट्रेसिङ र ट्रयाकिङ हुन सकेन भने ‘नन फाइलर’ को संख्या बढ्ने र अनावश्यक प्रशासनिक दायित्व मात्र थपिने उल्लेख गर्दै सचिव मरासिनीले ‘प्यान होल्डर’हरुको ट्रयाकिङ सिस्टम चुस्त बनाउनुपर्ने बताए ।

राजस्व सचिव कृष्णहरि पुष्करले परम्परागत कर प्रशासनलाई सुधार गरी ‘ट्याक्सोलोजिस्ट’ को आधुनिक सिद्धान्तमा आधारित कर प्रसासन बनाउनुपर्ने बताए। कर तिर्न दोस्रो व्यक्तिको सहायता लिनुपर्ने, बिचौलियाको सहारा लिनुपर्ने झन्झटिलो अवस्था रहेको स्वीकार गर्दै सचिव पुष्करले यसमा सुधार ल्याई करदातामैत्री प्रशासन संचालनमा जोड दिए ।

आन्तरिक राजस्व विभागका महानिर्देशक शोभाकान्त पौडेलले सरकारको मार्गदर्शन, मन्त्री र सचिवको निर्देशनहरुको अक्षरसः पालना गर्नुका साथै निजी क्षेत्रका सुझावहरुलाई मध्यनजर गर्दै विभागलाई ‘सेन्टर अफ एक्सिलेन्स’ को रुपमा अघि बढाउने प्रतिबद्धता व्यक्त गरे ।

प्रकाशित मिति: मंगलबार, भदौ २९, २०७८ १५:१५

शिलापत्र संवाददाता

प्रतिक्रिया दिनुहोस्

भर्खरै

सुप्रिम सहकारी ठगी प्रकरण : दीपेश पुनलाई धरौटीमा रिहा गर्न आदेश

निर्णायक खेलमा ब्याटिङ नचल्दा टुट्यो नेपालको एसिया कप सपना

आगलागी भइरहेकाे घरबाट सामान निकाल्न खाेजेपछि...

माधव नेपालले देउवालाई भेट्नु सामान्य हाे, सत्ता समीकरण फेरिँदैन : झलनाथ खनाल

गण्डकीको संसद बैठक बहिष्कार गर्ने कांग्रेसको निर्णय, सभामुखलाई बुझायो पत्र

लोकप्रिय

महानगरको कडाइपछि धमाधम विदेशी नाम फेर्दै निजी विद्यालय, कसले के राखे ?

सत्ता गठबन्धनमा भूकम्प ल्याएर माधव नेपाल कोटेश्वरमा फिल्म सुटिङ गर्दै

एकीकृत समाजवादीले माग्याे प्रधानमन्त्रीकाे ग्यारेन्टी, गृहकार्यमा जुटे कांग्रेस नेताहरू

गठबन्धनमा गडबडीः सुदूरपश्चिममा एमालेले दीर्घ सोडारीलाई मुख्यमन्त्री नस्वीकार्ने

माधव नेपालले गठबन्धन छाडे कति टिक्ला प्रचण्ड सरकार ?

विचार

काखे छोरा लिएर रोजीको बिलौना– युक्रेन युद्धमा श्रीमान् मारिए, पुष्टि गरिदेऊ सरकार

३३ केजी सुन र निर्मला हत्याकाण्डजस्तै छानबिनको नाममा प्रहरीको हुर्मत नलिइयोस्

विकासको उल्टो कथा : सडकले बजार बनाउँछ भन्थे निर्भरता बढायो

ब्लग

एक जनमुखी प्रधानपञ्चको नाममा

सोध्नुस् त, एसईई दिएर बसेका तपाईंका छोराछोरी के सोच्दै छन् ?

कस्ता विद्यालय राम्रा ?

शिक्षा

पार्टीका कार्यकर्ता बनेका २ लाख शिक्षकलाई दलीय घेराबाहिर ल्याउन कति सहज ?

भारतमा उच्च शिक्षाका लागि जाने विद्यार्थीले अब ग्लोबल आईएमई बैंकबाट शैक्षिक कर्जा पाउने

निजी विद्यालयको छात्रवृत्ति पारदर्शी बनाउन माग गर्दै नेविसंघले बुझायो सबै स्थानीय तहमा ज्ञापनपत्र