घर-घरमा पुगेर उपचार गर्ने ‘हेल्थ एट होम’ले भित्र्यायो वैदेशिक लगानी

A+ A A-

घर-घरमा पुगेर उपचार सेवा प्रदान गर्दै आएको हेल्थ एट होम, मेड प्रो इन्टरनेशनल प्रा.लिले वैदेशिक लगानी भित्र्याएको छ ।

स्वास्थ्य क्षेत्रलाई थप डिजिटलाइज गर्दै घरघरमा पुगेर उपचार गर्ने कार्यलाई अझ विस्तार गर्ने उद्देश्यले हेल्थ एट होमले बिजनेस अक्सिजन प्रा.लि.मार्फत वैदेशिक लगानी भित्र्याएको हो । लगानी आएसँगै घरघरमा पुगेर सेवा गर्ने कार्य आम मानिसको पहुँचमा पुग्ने हेल्थ एट होमको विश्वास छ । साथै नयाँ लगानीले जनशक्ति विस्तार र रोजगारी सिर्जनामा पनि नयाँ आयाम ल्याउने अपेक्षा गरिएको छ ।

१२ वर्षअगाडि डा. विशाल ढकालले स्थापना गरेको हेल्थ एट होमले घरघरमा पुगेर स्वास्थ्य सेवा दिँदै आएको छ । हाल हेल्थ एट होममार्फत करिब १० हजारभन्दा बढी घरले स्वास्थ्य सेवा लिइरहेका छन् ।

हेल्थ एट होममा हाल चार सय जनाभन्दा बढी स्वास्थ्यकर्मी कार्यरत छन् । हेल्थ एट होमले घरमै पुगेर बिरामीको उपचार गर्ने, ल्याब टेस्ट तथा रिपोर्ट लिने, विभिन्न किसिमका थेरापी दिने लगायतका कार्य गर्दै आएको छ ।

हेल्थ होमले कोभिड महामारिका बेलामा पनि घरघरमै पुगेर उपचार गर्दै आइरहेको छ । देशव्यापी सञ्जाल बनाउने उद्देश्य राखेको हेल्थ एट होमले उपत्यकाबाहिर तीनवटा शाखामार्फत आफ्नो सेवा दिँदै आएको छ ।

हेल्थ एट होमले विभिन्न किसिमका अन्तर्राष्ट्रिय पुरस्कार पनि प्राप्त गरेको छ । हेल्थ एट होम २०१२ मा सूर्य नेपाल सामाजिक उद्यम पुरस्कार र २०१४ मा अमेरिकी सरकारबाट सामाजिक कार्यक्रम पुरस्कार समेत प्राप्त गर्न सफल संस्था हो ।

प्रकाशित मिति: सोमबार, भदौ १४, २०७८ १२:५४