बझाङका स्थानीय तहको खर्चमा अनियमितता, १२ स्थानीय तहको ३३ करोड बढी बेरुजु

A+ A A-

बझाङका स्थानीय तहहरूको बेरुजु रकम यो वर्ष पनि बढेको छ ।

महालेखा परीक्षकको कार्यालयले सार्वजनिक गरेको वार्षिक प्रतिवेदन अनुसार विगतका आर्थिक वर्ष भन्दा पछिल्लो आर्थिक वर्षमा बेरुजु बढ्दो क्रममा रहेको छ । महालेखा परीक्षकको कार्यालयले सार्वजनिक गरेको ५८ औं वार्षिक प्रतिवेदन अनुसार बझाङका १२ स्थानीय तहको ३३ करोड भन्दा बढी बेरुजु देखिएको हो ।

महालेखा परीक्षकको वार्षिक प्रतिवेदन अनुसार गत आर्थिक वर्ष २०७७/७८ मा ३३ करोड ३६ लाख ५० हजार रुपैयाँ बेरुजु देखिएको छ । अघिल्लो आर्थिक वर्ष २०७६/७७ मा ४६ करोड ७९ लाख १६ हजार रुपैयाँ बेरुजु देखिएको बझाङका केही स्थानीय तहमा आर्थिक वर्ष २०७७/७८ मा बेरुजु रकम घटेको छ भने केहीमा बढेको छ ।

महालेखा परीक्षकको कार्यालयलले सार्वजनिक गरेको ५८ औँ वार्षिक प्रतिवेदन अनुसार बझाङका १२ वटा स्थानीय तह र मध्ये सबै भन्दा बढी बेरुजु साईपाल गाउँपालिकामा र सबै भन्दा कम बेरुजु दुर्गाथली गाँउपलिकामा देखिएको छ ।

सबैभन्दा बढी बेरुजु देखिएको साईपाल गाँउपलिकामा ३८ करोड ९८ लाख ८ हजार लेखापरीक्षण रकम मध्ये १०.३९ प्रतिशत अर्थात ४ करोड ५ लाख १६ हजार बेरुजु देखिएको हो ।

त्यस्तै सबैभन्दा कम बेरुजु देखिएको दुर्गाथली गाँउपालिकामा ७५ करोड १३ लाख २७ हजार रकमको लेखापरीक्षण भएकोमा ०.७४ प्रतिशत अर्थात ५५ लाख ९१ हजार बेरुजु देखिएको छ ।

बुङगल नगरपालिकामा १ अर्ब ३८ करोड ३१ लाख ८५ हजार लेखापरीक्षण गरिएको रकम मध्ये ५ करोड ९४ लाख ९ हजार अर्थात ४.३० प्रतिशत र जयपृथ्वी नगरपालिकामा १ अर्ब २५ करोड २९ लाख ३६ हजार लेखापरीक्षण रकममध्ये ७ करोड २८ लाख ४१ हजार अर्थात ५.८१ प्रतिशत बेरुजु देखिएको छ ।

दुर्गाथली गाँउपालिकामा ७५ करोड १३ लाख २७ हजार लेखापरीक्षण गरिएको र जसमध्ये ५५ लाख ९१ हजार अर्थात ०.७४ प्रतिशत बेरुजु देखिएको छ ।

विथ्डचिर गाँउपालिकामा ८९ करोड ९४ लाख ९६ हजार मध्ये ४ करोड ८९ लाख ५५ हजार अर्थात ५.४४ प्रतिशत, थलारा गाउँपालिकामा ९२ करोड ४४ लाख ३९ हजार मध्ये १ करोड ४४ लाख ७६ हजार अर्थात १.९४ प्रतिशत, छविसपाथीभेरा गाँउपालिकामा ९७ करोड १७ हजार लेखापरीक्षण रकममध्ये २ करोड ४८ लाख ८ हजार अर्थात २ दशमलब ५६ प्रतिशत रकम बेरुजु देखिएको हो ।

खप्तडछान्ना गाँउपालिकामा ४ करोड ५ लाख १६ हजार बेरुजु रहेको छ । कुल लेखापरीक्षण गरिएको ८३ करोड ५२ लाख ७० हजारमा बेरुजु आएको रकम ४.८८ प्रतिशत हो । तल्कोट गाँउपालिकामा १ करोड ९२ लाख ५ हजार बेरुजु आएको छ । लेखापरीक्षण गरिएको ७८ करोड २३ लाख ८८ हजारको २.४५ प्रतिशत हो ।

सुर्मा गाँउपालिकामा ५१ करोड ७३ लाख ९३ हजारमध्ये १.०२ प्रतिशत अर्थात ५२ लाख ५९ हजार बेरुजु देखिएको छ । मष्टा गाउँपालिकामा ८१ करोड ९० लाख ३३ हजारको लेखापरीक्षण गरिएकोमा ४ दशमलब २२ प्रतिशत अर्थात ३ करोड ४५ लाख ७९ हजार बेरुजु आएको छ ।

अघिल्लो आर्थिक वर्षमा जिल्लाको सबैभन्दा कम बेरुजु भएको केदारस्युँ गााउपालिकालाई यस पर्षमा दुर्गाथली गाँउपालिकाले उछिनेको छ । बेरुजु शून्यमा झार्ने लक्ष्य लिएको गाँउपालिकाले यस बर्ष पनि बेरुजु रकम घटाएको छ ।

गत आर्थिक वर्षमा ०.९९ प्रतिशत बेरुजु भएको केदारस्युँको १ अर्ब ३ करोड ६० लाख ७२ हजारको लेखापरीक्षण भएकोमा ७९ लाख ३१ हजार अर्थात ०.७७ प्रतिशत बेरुजु देखिएको छ ।

प्रकाशित मिति: बिहीबार, भदौ १०, २०७८ १६:१२