चन्द्रागिरिमा एमाले अध्यक्ष ओलीलाई कविता फुरेपछि...

A+ A A-

नेकपा एमालेका अध्यक्ष एवम् निवर्तमान प्रधानमन्त्री केपी शर्मा ओली शुक्रबार व्यस्त भए । नेकपा एमालेमा चलिरहेको राजनीतिक रस्साकस्सीबीच उनी चन्द्रागिरि हिल्समा आयोजित ‘भिराडिल–चन्द्रागिरी जेसुम’ उत्सव कार्यक्रममा सहभागी भएकाले थप व्यस्त बनेका हुन् ।

कार्यक्रममा समयमै पुगेका उनले भाषणका क्रममा आफ्नो भनाईहरू राखे । उनले आफूसँग देश र जनताको सेवाबाहेक अन्य कुनै जागिर नभएको बताए । आफूलाई जतासुकै खटाएपनि काम गर्ने उनको भनाई थियो । बोल्दै गर्दा उनले हलो जोत्‍न, पर्खाल लगाउन, घर छाउन, ट्रयाक्टर चलाउन लगाए पनि पछि नपर्ने दाबी समेत गरे ।

भाषणको क्रममा उनले शीर्षक बिनाको कविता बाचन पनि गरे । कार्यक्रममा बस्दाबस्दै लेखेको कविता बाचन गरिसकेपछि सहभागीलाई भने, 'यसको शीर्षक आफैं राख्‍नुहोस् ।'

आफूले लेखेको हरफलाई कविता नै हो भनेर दाबी नगर्ने तर मुक्तक भन्दा बढी मुक्त र उन्मुक्त रहेको भन्दै अध्यक्ष ओलीले माहोल रमाइलो बनाएका थिए । धारा प्रवाह रूपमा बाचन गर्दा उनी एक पटक भने हरफ तलमाथि परेको भन्दै अल्मलिएका थिए ।

यसअघि तीन वर्ष पहिले अध्यक्ष ओलीले चन्द्रागिरि हिल्समा ‘सपनामा भावी सन्तती मुस्कुराएको देख्‍न पाउँ’ भन्ने सन्देशको सिर्जना गरेका थिए ।

यस्तो छ अध्यक्ष ओलीले बाचन गरेको कविता:

इच्छुमतिको किनार, घुमेर भिराडिल

घुम्दै आइपुगियो रमणीय चन्द्रागिरि हिल