गण्डकी सरकारको आचारसंहिता: जिल्ला बाहिर जाँदा मन्त्रीले मुख्यमन्त्रीलाई भन्नुपर्ने

गण्डकी सरकारको आचारसंहिता: जिल्ला बाहिर जाँदा मन्त्रीले मुख्यमन्त्रीलाई भन्नुपर्ने

A+ A A-

कांग्रेस नेतृत्वमा बनेको गण्डकी प्रदेश सरकारले मन्त्रिपरिषद् सदस्यका लागि ३० बुँदे आचारसंहिता बनाएको छ ।

एमाले नेता पृथ्वीसुब्बा गुरूङ नेतृत्वको पूर्ववत् सरकारले बनाएको मन्त्रिपरिषद् सदस्यको आचारसंहिता, २०७४ खारेज गरेर नयाँ आचारसंहिता बनाएको हो ।

यसअघिको सरकारले २०७४ साल चैतमा बनाएको आचारसंहितामा एउटा बुँदा संशोधन गरेर ल्याइएको मन्त्रिपरिषद्का सदस्यको आचारसंहिता, २०७८ गत ३२ साउनको मन्त्रिपरिषद् बैठकले पारित गरेको छ । बुधबार पत्रकार सम्मेलन गरी सरकारका प्रवक्ता एवं भौतिक पूर्वाधार मन्त्री कुमार खड्काले मन्त्रीहरूले कास्की जिल्ला बाहिर जानुपर्दा मुख्यमन्त्रीलाई अनिवार्य जानकारी गराउनुपर्ने बताए ।

आचारसंहिताको १५ औँ बुँदामा भनिएको छ, ‘मन्त्रीले कास्की जिल्ला बाहिर जानुपर्दा वा विदेश भ्रमणमा जानुपूर्व मुख्यमन्त्रीको स्वीकृति लिनुपर्ने र भ्रमणको सम्बन्धमा राष्ट्रको नाममा प्राप्त हुने दान, पुरस्कार वा उपहार गण्डकी सरकारलाई बुझाउनुपर्ने छ।’

यसअघिको आचारसंहितमा विशेष कार्यक्रमबाहेक विदेश भ्रमणमा जाँदा मुख्यमन्त्रीलाई जानकारी गराउनु पर्ने व्यवस्था थियो । तर, जिल्ला बाहिर जाँदा अनुमति लिनुपर्ने व्यवस्था थिएन ।

त्यसबाहेक राष्ट्रसेवक कर्मचारीलाई राजनीतिक दबाब दिन नहुने, उपलब्ध भएसम्म स्वदेशी र वातावरणमैत्री उत्पादन प्रयोग गर्नुपर्ने, मन्त्रालयमा जाँदा वा कुनै कार्यक्रममा सहभागी हुँदा भड्किलो प्रस्तुत हुन नहुने पनि आचारसंहितामा उल्लेख छ ।

गण्डकीमा गत २९ जेठमा कांग्रेसका कृष्णचन्द्र नेपाली पोखरेलको नेतृत्वमा गठबन्धन सरकार बनेको थियो । सरकारमा कांग्रेससहित माओवादी, जसपा, जनता समाजवादी पार्टी र एक स्वतन्त्र सांसद सहभागी छन् ।

यस्तो छ आचारसंहिता