साउदीमा नयाँ नीति : केहीक्षेत्रमा विदेशी श्रमिक राख्न नपाइने, नेपालसहित एसियाका कामदारको कोटा कटौती

साउदीमा नयाँ नीति : केहीक्षेत्रमा विदेशी श्रमिक राख्न नपाइने, नेपालसहित एसियाका कामदारको कोटा कटौती

A+ A A-

साउदी सरकारले विदेशी कामदारलाई जस्तै आफ्ना देशका नागारिकलाई पनि रोजगारीमा लगाउने नीति लिएको छ । सोहीअनुसार साउदीले देशभित्र सिर्जना भएका मुख्य रोजगारी क्षेत्र आफ्नै नागरिकका लागि सुरक्षित गर्ने नीति कार्यान्वयनमा ल्याएको अन्तर्राष्ट्रिय सञ्चारमाध्यमहरूले उल्लेख गरेका छन् ।

साउदीले विगत केही वर्षयता विदेशी श्रमिकको निर्भरतालाई घटाउने उद्देश्यका साथ आफ्ना नागारिकलाई काम गर्न आग्रह गर्दै आएको छ । साउदीले दुई साताअघि केही मलहरूमा सीमित कामबाहेक विदेशी नागरिकलाई रोजगारीमा राख्न नपाउने नीति र अभ्यास कार्यान्वयनमा ल्याएको थियो । साउदी नागरिकहरूका लागि विभिन्न क्षेत्रमा थप ५१ हजार रोजगारी उपलब्ध हुने जनाइएको छ ।

रेस्टुरेन्ट, होटल र क्याफेमा भन्ने अब ५० प्रतिशत विदेशी नागरिकलाई रोजगारीमा राख्न पाइने व्यवस्था छ । यसैगरी, हाईपर मार्केट तथा सुपरमार्केटहरूमा पनि यस्तै व्यवस्था गर्ने साउदीको सामाजिक विकास मन्त्रालयले सम्बन्धित पक्षलाई निर्देशनसमेत दिएको छ ।सपिङ मलहरूमा कार्यरत कुल श्रमिकमध्ये २० प्रतिशतभन्दा बढी विदेशी हुन पाउने छैनन् । उनीहरूका लागि छुट्टै पहिरनको व्यवस्था हुनुपर्नेछ ।

यसैगरी, सफाई कार्य, सामान ओसारपसार गर्ने, मर्मतको कार्य तथा हजामको काममा भन्ने अनिवार्य गरिएको छैन । ती रोजगारीमा भन्ने विदेशी श्रमिक राख्न रोजगारदातालाई स्वतन्त्रता दिएको छ ।

साउदीले मेनेजर, लेखापाल, कार्यालयका प्रशासनिक कामलगायतमा यसअघिदेखि नै साउदी नागरिकलाई प्राथमिकता दिनुपर्ने नीति लिएको छ । कुनै रोजगारदाताले स्वदेश कामदारलाई रोजगारीमा राख्ने निर्णय कार्यान्वयन नगरेमा आर्थिक जरिवाना तथा सजाय हुने चेतावनी सामाजिक मन्त्रालयले छ ।

साउदी नेपाली श्रमिकको रोजगार गन्तव्य देशभित्र पर्छ । साउदीको पछिल्लो निर्णयले नेपालबाट रोजगारीमा साउदी जाने ७ प्रतिशत दक्ष कामदारका रोजगारी गुम्ने अनुमान म्यानपावर व्यवसायीको छ ।

साउदी जुन क्षेत्रमा आफ्ना मात्र नागरिकलाई रोजगारीमा राख्ने नीति लिएको छ, उक्त क्षेत्रमा नेपाली र भारतीय कामदार धेरै रहेका छन् । जसका कारण साउदीको पछिल्लो नीतिले एसियाका केही देशकै कामदारको कोटा कटौती हुने अनुमान गर्ने थालिएको छ । साउदीका हाल ४ लाख नेपाली कामदार कार्यरत छन् ।

प्रकाशित मिति: शुक्रबार, साउन २९, २०७८ १५:२८