‘चेन हस्पिटल’ बनाउने घोषणा गरेका श्रेष्ठ बने स्वास्थ्य राज्यमन्त्री, प्रदेशदेखि संघमा ठेकेदारहरू मन्त्री

‘चेन हस्पिटल’ बनाउने घोषणा गरेका श्रेष्ठ बने स्वास्थ्य राज्यमन्त्री, प्रदेशदेखि संघमा ठेकेदारहरू मन्त्री

A+ A A-

२२ जेठ ०७३ को सन्दर्भ हो, जतिबेला संसदको अर्थ समितिमा बैंक तथा वित्तीय संस्थासम्बन्धी ऐन (बाफिया) को मस्यौदामाथि छलफल चलिरहेको थियो । संसदीय समितिले टुंगो लगाएपछि ऐनको मस्यौदा संसद प्रवेशका लागि तयारी गरिँदै गर्दा सांसद उमेश श्रेष्ठको नामले निकै चर्चा पाएको थियो । त्यतिबेला सांसद श्रेष्ठ प्राइम बैंकको सञ्चालक समितिको अध्यक्षसमेत थिए ।

त्यही स्वार्थ बाझिने गरी बाफिया कानुन बनाउन श्रेष्ठ सक्रिय थिए । त्यतिबेला श्रेष्ठलाई साथ दिएका थिए, सांसदहरू इच्छाराज तामाङ, उदय नेपाली श्रेष्ठ र वीरेन्द्र महतोले । तामाङ सिभिल बैंकका अध्यक्ष थिए भने श्रेष्ठ जनता बैंक र महतो माछापुच्छ्रे बैंकको अध्यक्ष थिए । र, उनीहरूको स्वार्थ अध्यक्ष र सञ्चालकको दुई कार्यकाल सीमा हटाउने, कार्यकालको समय चार वर्षलाई बढाएर ५ वर्ष बनाए ।

यो स्वार्थ बाझिने छलफलमा सक्रिय सहभागी सांसद उमेश श्रेष्ठ बैंक सञ्चालक त थिए नै, विद्यालय सञ्चालक पनि थिए । विद्यालय शिक्षा र उच्च शिक्षामा दबदबा राख्ने हैसियतका श्रेष्ठ सगरमाथा नामक विश्वविद्यालय सञ्चालन गर्ने प्रयासमा छन् ।

श्रेष्ठको लगानीमा नर्सिङ कलेज पनि छ । गत वर्ष मात्रै उनले भनेका थिए, ५ वटा अस्पताल बनाउने । चेन अस्पताल बनाउने सपना बोकेर घोषणा गरिएका ती हरेक अस्पतालमा कम्तीमा ५० करोड रुपैयाँ लगानी गर्ने उनै श्रेष्ठले भनेका थिए ।

अर्थात्, शिक्षा, स्वास्थ्यमा प्रशस्त लगानी गरेका श्रेष्ठ सरकारी ऐन, नीति फेरबदल गराउने हैसियतमा राख्छन् । श्रेष्ठसहितको टोलीका कारण शिक्षा नीतिमा प्रशस्त फेरबदल आएको थियो । र, सरकारले दुई वर्षसम्म नयाँ राष्ट्रिय शिक्षा नीति सार्वजनिक गर्न सकेन ।

कांग्रेसबाट समानुपातिक सांसद बनेका श्रेष्ठ कांग्रेसको सरकार आउनेबित्तिकै स्वास्थ्य राज्यमन्त्री भए । अघिल्लो संसदमा स्वार्थ बाझिने संसदीय समितिमा बसेर अनुकूलको बाफिया कानुन बनाउन सक्रिय श्रेष्ठलाई प्रधानमन्त्री देउवाले पाँच वर्षपछि त्यसरी नै स्वार्थ बाझिने स्वास्थ्य मन्त्रालयको चाँबी दिएका छन् ।

नर्सिङ कलेज र अस्पताल सञ्चालक श्रेष्ठ स्वास्थ्य राज्यमन्त्री बनेपछि कांग्रेस नेतृत्वकाे गठबन्धन सरकारमाथि गम्भीर प्रश्न उठेको छ । हुन त, सरकार गठनको १५ दिन नपुग्दै कांग्रेसले मन्त्री चयन गर्दाका दुई परिघटनाले देउवा सरकारको भावी चित्र प्रस्तुत गरेको टिप्पणी हुन थालेको छ ।

श्रेष्ठलाई राज्यमन्त्री बनाउनुभन्दा दुई दिनअघि कांग्रेसले नेतृत्व गरेको गण्डकी प्रदेशको सरकारमा डोवाटे विश्वकर्मालाई शपथका लागि बोलाएर पछि उनको नाम प्रधानमन्त्री देउवाकै दबाबमा हटाएर ठेकेदार विन्दुकुमार थापालाई मन्त्री बनाइयो ।

प्रधानमन्त्री तथा सभापति देउवा मात्र होइन, महामन्त्री डा. शंशाक कोइरालाको समेत मिलेमतोमा गण्डकीमा विश्वकर्मालाई मन्त्री हुन रोकियो । विश्वकर्मा रामचन्द्र पौडेल समूहको भएकै कारणभन्दा पनि व्यापारिक पृष्ठभूमिका थापालाई मन्त्री बनाउन राेकिएकाे थियाे ।

चुनावअघि मात्रै व्यापारबाट राजनीतिमा प्रवेश गरेका थापा कांग्रेसको गतिलो आर्थिक स्रोत भएको पोखरामा चर्चा गरिन्छ । अनि श्रेष्ठ त्यस्तै स्रोत हुन्, जो काठमाडौंमा चर्चा हुन्छ ।

प्रकाशित मिति: आइतबार, साउन १०, २०७८ १७:४०

शिलापत्र संवाददाता

प्रतिक्रिया दिनुहोस्

भर्खरै

ओखलढुंगामा वनमा आगो लगाएको आरोपमा दुई जना पक्राउ

वात्सल्यकी खानी आमा (भिडियो)

आईपीएलमा राजस्थान रोयल्यसमाथि दिल्ली क्यापिटल्सको जित

पीएसजीलाई हराउँदै बोरुसिया डर्टमुन्ड च्याम्पियन्स लिगको फाइनलमा

पछिल्लो २४ दिनमा आगलागी, डढेलो र चट्याङबाट २७ जनाको मृत्यु

लोकप्रिय

केपी ओलीलाई शेखर काेइरालाकाे प्रस्ताव- पहिले तपाईं प्रधानमन्त्री हुनुस्, त्यसपछि मलाई बनाउनुस्

सत्ता गठबन्धनमा माधव नेपालको कचकचलाई एमालेले सुदूरपश्चिमबाट फर्काएकाे जवाफ

बालकोट वार्ता: प्रचण्डलाई बाहिर राखेर कांग्रेस-एमालेको सरकार बनाउने शेखरको प्रस्ताव, ओलीले गरे अस्वीकार

जसपा विभाजनसँगै वैकल्पिक गठबन्धनको च्याप्टर क्लोज, अब के गर्छ कांग्रेस ?

जसपा विभाजनले प्रचण्डलाई राहत, माधव नेपालकाे सपना चकनाचुर

विचार

१०औँ राष्ट्रिय खेलकुदले कर्णालीमा गर्नेछ खेलकुदमन्त्री र सदस्यसचिवको परीक्षण

स्थानीय तहमा योजना तर्जुमा पद्धत्ति र प्रवृत्ति

वाम से रामः इलाम र बझाङकाे उपचुनावले कम्युनिस्टको पश्चिम बङ्गाल यात्रामा अस्थायी विरामकाे संकेत

ब्लग

'बोक्सीको घर' हेरेपछि निदाउनै सकिनँ

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

शिक्षा

संस्कृत विश्वविद्यालयमा सञ्चारमन्त्री शर्मालाई शिक्षाविद्को कोटा, एमाले र माओवादीबीच भागवण्डा

स्कुल छाड्‌ने मुख्य कारण- जीवन एकातिर, शिक्षा अर्कोतिर

सरकारी स्कुलप्रतिको नकारात्मक धारणा बदलेर यसरी उत्कृष्ट बन्यो ज्ञानोदय मावि