संसारकै धनी जेफ बेजाेसकाे स्पेस ट्रिप : ८२ वर्षकी वेली र १८ वर्षीय ओलिभरले पनि बनाए रेकर्ड

संसारकै धनी जेफ बेजाेसकाे स्पेस ट्रिप : ८२ वर्षकी वेली र १८ वर्षीय ओलिभरले पनि बनाए रेकर्ड

तस्वीरः सीएनएन

A+ A A-

एलन मस्क, जेफ बेजोस र रिचर्ड ब्रेन्सन । यी तीन जनामा दुई वटा कुरा साझा छन् । पहिलो, यी अर्बपति हुन् । अनि दोस्रो, यिनीहरूले स्पेस टुरिज्म (अन्तरिक्ष पर्यटन) लाई यथार्थ बनाइदिएका छन् । ११ जुलाईमा ब्रेन्सन ९० मिनेट अन्तरिक्षमा घुमेर फर्किएका थिए । यसको ९ दिनपछि अर्थात् २० जुलाईमा संसारकै धनी व्यक्ति जेफ बेजोसले अन्तरिक्षको ११ मिनेट भ्रमण सफल पारेका छन् ।

संसारका टप ई–कमर्स कम्पनीहरूमा पर्ने अमेजनका मालिक बेजोस नेपाली समयअनुसार मंगलबार साँझ ६ बजेर ५७ मा ११ मिनेट अन्तरिक्षको यात्रा गरी फर्किएका हुन् । उनीसँग तीन जना अरू यात्री अन्तरिक्ष भ्रमणमा गएका थिए । तीमध्ये एक उनका भाइ मार्क हुन् । अन्य दुई जनामा ८२ वर्षीया वेली फन्क र १८ वर्षका ओलिभर डेमेन छन् ।

तस्वीरः सीएनएन

ओलिभरले हालै मात्र हाई स्कुल तह पास गरेका छन् । बेजोससँग स्पेसमा जानलाई कुनै एक व्यक्तिले २८ मिलियन डलरको बोली लगाएका थिए । तर, ती व्यक्ति यो ट्रिपमा जान सकेनन् । उनको ठाउँमा ओलिभर गएका हुन् ।

क्याप्सूल धरतीमा अवतरण भएलगत्तै ब्लू ओरिजिनको तर्फबाट भनिएको थियो, ‘स्पेसफ्लाइटको इतिहासमा यो ऐतिहासिक क्षणसम्म आइपुगेकोमा टिम ब्लू पास्ट र सबै मानिसलाई बधाई । पहिलो ऐस्ट्रोनट क्रूले आफ्नो नाम स्पेसको इतिहासमा लेखाएको छ । उनीहरूले जुन ढोका खोलेका छन्, त्यसबाट अब धेरै मानिस स्पेसकाे यात्रामा निस्कनेछन् । यो वास्तवमै ऐतिहासिक दिन हो ।’

५२ वर्षअघि लील आर्मस्ट्रन्गकाे पाइला चन्द्रमामा

रिपोर्ट्सका अनुसार बेजोसले अन्तरिक्षमा जानलाई २० जुलाई यसकारण चुनेका हुन्, किनकि, अपोलो ११ स्पेससिपमार्फत एस्ट्रोनट्स नील आर्मस्ट्रन्ग र बज एल्ड्रिन आजभन्दा ठीक ५२ वर्षअघि सन् १९६९ मा चन्द्रमा पुगेका थिए । जेफ बेजोसको स्पेसफ्लाइट कम्पनी ब्लू ओरिजिनले आइतबार पहिलो ह्युमन स्पेसफ्लाइटका लागि आफू पूर्णरूपमा तयार रहेको बताएको थियो ।

बेजोस र उनको टिम जुन रकेटसिपमा गए, त्यो अटोनोमस हो अर्थात् त्यसलाई पाइलटको खाँचो पर्दैन । यसको क्याप्सुलमा ६ सिटहरू छन् तर यीमध्ये सिफ ४ सिटमा मान्छे बसे । न्यू सेफर्ड नामको यो रकेटको अहिलेसम्म १५ फ्लाइट्स सफल रह्यो । तर, यसअघि रकेटमा यात्री भने थिएनन् ।

एक साताअघि ११ जुलाइमा ब्रिटिस अर्बपति रिचर्ड ब्रेन्सनको भर्जिन स्पेस सिप (भीएसएस) युनिटी स्पेसप्लेनको फ्लाइट सफल भएको थियो । त्यो ८५ किलोमिटरसम्म गएको थियो ।

बेजोसको फ्लाइटले यसरी भर्‍याे उडान

बेजोसको फ्लाइट ११ मिनेटको सबआर्बिटल फ्लाइट रह्यो । अर्थात् यो पृथ्वीको कक्षमा गएन । बेजोसको ब्लू ओरिजिन कम्पनीको न्यु सेफर्ड रकेटले वेस्ट टेक्सासको मरुभूमिदेखि नेपाली समयअनुसार ६ बजेर ५७ मिनेटमा उडान भरेकाे थियो ।यसका लागि सबै यात्री लन्चभन्दा ४५ मिनेटअघि अन–बोर्ड भए । क्रूले मिसनका लागि ४८ घण्टाको तालिम गर्‍यो । कर्मचारिहरूले पनि ८–८ घण्टाको २ दिने तालिम पूरा गरे । यो तालिम टिकट किन्ने सबै ग्राहकका लागि पनि जरुरी हुन्छ । यो फ्लाइटपछि फन्क सबैभन्दा ज्येष्ठ र डेमेन सबैभन्दा कान्छा एस्ट्रोनट बने ।

करिब ३ मिनेटको फ्लाइटपछि ब्लू ओरिजिनको न्यु सेफर्ड रकेटदेखि बेजेसको क्याप्सुल अलग भयो र स्पेसतिर अघि बढ्यो । ४ मिनेट उडान भरेपछि यसले १०० किलोमिटर माथि अर्थात् कारमन लाइनलाई पार गर्‍याे ।

यस क्रममा यात्रीहरूले वेटलेसनेस महसुस गरे । यसपछि क्याप्सुलले जमिनतिर फर्किन सुरु गर्‍यो । ११ मिनेटको फ्लाइटपछि क्याप्सुल प्यारासुटको मद्दतमा मरुभूमिमा अवतरण भयो । यस क्रममा रकेट पनि धरतीमा फर्किएको छ ।

केही कीर्तिमान्

यो यात्राका साथ बेजोसको फ्लाइटले केही नयाँ कीर्तिमान् बनाएको छ । यो ब्लू ओरिजिनको पहिलो बिनापाइलटको सबआर्बिटल फ्लाइट हो, जसमा यात्रीहरू थिए । सबैभन्दा ज्येष्ठ र सबैभन्दा कान्छा एस्ट्रोनटको रिकर्ड पनि यही फ्लाइटसँग जोडिन्छ । न्यु सेफर्ड रकेट र यसको क्याप्सुल आरएसएस फर्स्ट स्टेप पुनः प्रयोग गर्न सकिने छ । रकेट र क्याप्सुलले यसअघि पनि उडान भरिसकेका छन् । र, यो मिसनभन्दा पहिले दुई पटक सफलतापूर्वक अवतरण गरिसकेका छन् ।

यसरी जेफ बेजाेस, उनका भाइ अनि अरू २ जना ११ मिनेट अन्तरिक्षमा घुमेर फर्किए । एलन मस्क, जेफ बेजोस र रिचर्ड ब्रेन्सनजस्ता अर्बपतिकाे स्पेस रेसले आम मानिसका लागि अन्तरिक्षको ढाेका खोलिदिएको छ ।

प्रकाशित मिति: बुधबार, साउन ६, २०७८ ११:५५