शेयरमा बहार : नेप्से ७३ अंकले वृद्धि हुँदा १ सय ७८ कम्पनीको बढ्यो शेयरमूल्य

A+ A A-

लामो समयको करेक्सनपछि आज शेयरबजारमा दोहोरो अंकले बढेको छ । कारोबार सुरु भएसँगै हौसिएको बजार बन्द हुने बेलासम्म ७३ अंकले बढको हो । आइतबार नेप्से सूचक ७३ दशमलव ३३ अंकले बढेर २८९८ दशमलव ४३ अंकमा पुगेको छ ।

नेप्से सूचक बढेसँगै केही दिनदेखि दैनिक ४ अर्बको हाराहारीमा कारोबार हुँदै आएकोमा आइतबार दोब्बरले बढेर यो रकम ८ अर्बमा पुगेको छ । अर्थात् आज २ सय २५ कम्पनीको ३ करोड १५ लाख ८८ हजार ८ सय ५० कित्ता शेयर ८ अर्ब ६ करोड १३ लाख ८२ हजार ४ सय ९६ रुपैयाँमा कारोबार भएको छ । नेप्से सूचक भारी अंकले बढेपछि कारोबार रकममा पनि सुधार देखिएको हो ।

यस्तै, बजार करेक्सनमा जाँदा घटेका कम्पनीहरू पनि आज शेयरमूल्य बढाउन सफल बनेका छन् । कारोबारमा आएका २ सय २५ कम्पनीमध्ये १ सय ७८ कम्पनीले आजको कारोबारबाट शेयरमूल्य बढाउँदै नाफा कमाउन सफल बनेका छन् । बाँकी चार कम्पनीले भने हरियो बजारबाट फाइदा लिन सकेनन् ।

कमाउने कम्पनीहरूमा आज वित्त र विकास बैंक छन् । सब इन्डेक्सअन्तर्गतका समूहमध्ये आज वित्त र विकास बैंकको सूचक सर्वाधिक बढ्दा ती कम्पनीहरूको शेयरमूल्य सर्वाधिक बढ्न पुगेको हो । यो समूहको क्रमश: ८ दशमलव ३९ प्रतिशत र ८ दशमलव २४ प्रतिशतले सूचक बढेको हो ।

कम्पनीगत रूपमा गुराँस फाइनान्स, श्री इन्भेस्टमेन्ट फाइनान्स र आईसीएफसी कम्पनीको शेयरमूल्यमा सकारात्क सर्किट लाग्न पुग्यो । यी कम्पनीको क्रमश: १ सय ३ रुपैयाँ, ४१ रुपैयाँ र ५३ रुपैयाँले शेयरमूल्य बढेको हो । योसँगै नौ विकास बैंक र नौवटा वित्त कम्पनीले आज ९ प्रतिशतभन्दा बढीले शेयरमूल्य बढाउन सफल बनेका छन् ।

घट्नेमा भने सबैभन्दा अगाडि कर्पोरेट डेभलपमेन्ट बैंक अगाडि छ । यो बैंकको ३ दशमलव ७५ अंकले शेयरमूल्य घटेको हो । योसँगै ओरियन्टल होटल पनि सर्वाधिक शेयरमूल्य घट्नेमा दोस्रो नम्बरमा आएको छ ।

कारोबारका आधारमा आज लगानीकर्ताको चाप सबैभन्दा धेरै एनआईसी एशियामा देखियो । लगानीकर्ताले आज एकै दिन एनआईसी एसिया बैंकको मात्र शेयर ३९ करोड ९६ लाख ११ हजार ५ सय ९५ कित्ता किनबेच गरे । त्यस्तै, दोस्रोमा नबिल बैंक, तेस्रोमा नेपाल बैंक र चौथोमा नेपाल इन्फ्रास्क्ट्रक्चर बैंकमा लगानीकर्ताको चाप बढेर कारोबार सर्वाधिक हुन पुगेको छ । कारोबारका आधारमा भने वाणिज्य बैंकहरू अगाडि छन् ।

प्रकाशित मिति: आइतबार, असार २७, २०७८ १५:५४