केपी ओलीबाहेक प्रधानमन्त्री बन्न पाउँदैन भन्ने व्यवस्था संविधानमा छैन : भीमार्जुन आचार्य

केपी ओलीबाहेक प्रधानमन्त्री बन्न पाउँदैन भन्ने व्यवस्था संविधानमा छैन : भीमार्जुन आचार्य

A+ A A-

अधिवक्ता डा. भीमार्जुन आचार्यलले संविधानमा केपी ओली मात्र प्रधानमन्त्री बन्नुपर्छ अरु बन्न सक्दैनन्, पाउँदैनन् भन्ने व्यवस्था नभएको बताएका छन् ।

प्रतिनिधसभा विघटनसम्बन्धी मुद्दाको सुनुवाइका क्रममा संवैधानिक इजलासमा बहस गर्दै आचार्यले प्रधानमन्त्री रिक्त नभइ धारा ७६ को उपचार ५ को प्रक्रिया सुरु गरिएको उल्लेख गर्दै उपधारा ५ मा जानका लागि प्रधानमन्त्रीको पद रिक्त हुनुपर्ने तर्क गरे ।

यो मुद्दाको सुनुवाइका लागि सर्वोच्च अदालतमा संवैधानिक इजलास गठन गरिएको छ । संवैधानिक इजलासमा प्रधानन्यायाधीश चोलेन्द्रशमशेर राणा, न्यायाधीशहरू दीपककुमार कार्की, मीरा खड्का, ईश्वरप्रसाद खतिवडा र डा.आनन्दमोहन भट्टराई रहेका छन् ।

आचार्यले संविधानमा ओली मात्र प्रधानमन्त्री बन्नुपर्छ, अरु बन्न सक्दैनन् भन्ने व्यवस्था नगरेको बताए । 'धारा ७६ का सबै उपधाराअनुसार केपी ओली मात्र प्रधानमन्त्री बन्नु पर्छअरु बन्न सक्दैनन्, पाउँदैन भन्ने त संविधानले व्यवस्था गरेको छैन,' आचार्यले भने ।

उनले उपधारा ५ अनुसार प्रतिनिधिसभाको एक जना सदस्यले पनि आधार पेस गर्न सक्ने बताए । '७६ (५) र ७६ (२) बीच फरक छ,' आचार्यले भने, 'उपधारा ५ अनुसार एउटा सदस्यले पनि, मेम्बरले पनि आधार पेस गर्न सक्छ भन्ने हो ।'

आचार्यले राष्ट्रपतिको यो कदमलाई मान्यता दिए संविधान नै जाने टिप्पणी गरे । 'अस्तिको आदेशमा पनि सरकार बनाउनुपर्ने प्रक्रिया संसदभित्र खोज्नु पर्ने र एकपछि अर्को प्रक्रियामा जानु पर्ने लेखिएकाे छ,' आचार्यले भने, 'अदालतले राष्ट्रपतिकाे यो कदमलाई मान्यता दियो भने त संविधान जान्छ ।'

प्रकाशित मिति: आइतबार, असार १३, २०७८ १२:५०