विज्ञानमैत्री विश्वविद्यालय बनाउन कार्यदलको सुझाव

A+ A A-

प्रविधि र समाज विज्ञानमैत्री विश्वविद्यालय बनाउनको लागि प्रदेश बिश्व बिद्यालय स्थापना सम्बन्धी अध्ययन तथा सिफारिस कार्यदलको प्रदेश ३ सरकारलाई शिफारिस गरेको छ ।

प्रदेश ३ सरकारले साँढे चार महिना अगाडी जिम्मेवारी दिएको अध्ययन प्रतिवेदन तयारी कार्यदलले आज सोमबार प्रतिवेदन बुझाएको छ । प्रतिवेदनमा यो प्रदेशमा स्थापना गर्नुपर्ने प्रदेश विश्वविद्यालयको उचित ढाँचा र संरचना सहित उल्लेख गरिएको बताइएको छ ।

सामाजिक विकास मन्त्री युवराज दुलालको संयोजकत्वमा निमिर्त कार्यदलले यस अघिका राष्ट्रिय उच्च शिक्षाको प्रतिवेदनहरुलगायत चिन, थाइलेण्ड, जर्मनको उत्कृष्ट १/१ विश्वविद्यालय र भारतको उत्कृष्ट २ वटा विश्वविद्यालयलाई अध्ययन गरेर यो प्रतिवेदन तयार गरिएको हो ।

‘५ वटा विश्वविद्यालयहरुलाई मोर्डन विश्वविद्यालयको रुपमा अध्ययन गरेर यो प्रतिवेदन तयार पारेको हौ, धेरै हदसम्म यो सफल छ’ कार्यदलका सदस्य डा. युवराज संग्रौलाले भने । डा. संग्रौलाका अनुसारका प्रदेश विश्व विद्यालय आफ्नैं वित्तिय आयमा स्वतन्त्रण हुनु पर्नेदेखि प्रदेशलाई आवश्यक पर्ने परामर्श, ज्ञान सिप सिर्जना हुनसक्ने, प्रदेश रिसर्च सन्टरको रुपमा रहननु पर्नेसम्मका महत्वकाक्षि परिकल्पना प्रतिवेदनमा उल्लेख छ ।

‘प्राज्ञिक क्षेत्र बनाउने हाम्रो अवधारण छ, सानो वा ठूलो भन्दा पनि प्रज्ञिक बनाउन सकियोस हाम्रो यो लक्ष्य हो’ संग्रौलाले भने । संविधानले प्रदेश सरकारलाई प्रदान गरेको अधिकारको सदुपयोग गर्दै यो गौरवको योजना अगाडी बढाएको मुख्य मन्त्री डोरमणी पौडेलले बताए । राष्ट्रिय अन्तराष्ट्रिय अध्धयनपछि यो प्रतिवेदन आएकोले अब यसलाई विधिवत रुपमा स्वीकृत गरेर विधेयक बनाएर विश्व विद्यालय सञ्चालन प्रक्रिया अगाडी बढाइने पौडेलले बताए ।

‘लामो समय लगाएर गहिरो अध्ययनपछि यो प्रतिवेदन आएको छ, अब यहि अनुसारको ढाँचा र प्रारुपमा अब विश्व विद्यालय बनाइने छ’ मुख्यमन्त्री पौडेलले भने । प्रतिबेदन बुझ्दै मुख्यमन्त्री पौडेलले बिश्व बिद्यालय प्रदेश सरकारको गौरबको आयोजानको रुपमा अगाडी बढाइएको बताए ।

यो बिश्व बिद्यालय नेपालमानै नयाँ रुपमा सुरु गर्न लागिएको उनको भनाई छ । कार्यदलले बनाएको प्रतिवेदन मुख्यमन्त्रीलाई हस्तान्तरण गर्दै सामाजिक बिकाश मन्त्री दुलालले स्वतन्त्र रुपमा संचालन हुने बिश्व बिद्यालयका रुपमा अगाडी बडाइने प्रदेश स्तरमा रोजगार र राम्रा बिश्व बिद्यालय खाँचो भएको बताए ।

रोजगार मुलक र अनुसन्धानमूलक विश्व बिद्यालय स्थापना गर्नका लागि यो प्रतिबेदनले मद्दत गर्ने मन्त्री दुलालले बताए । प्रदेश सरकारको बिश्व बिद्यालयमा संरक्षण समितिको परिकल्पना समेत गरिएको छ । कार्यदलमा सामाजिक बिकाश मन्त्री युबराज दुलाल संयोजक र सदस्यहरुमा प्रा.डा. युबराज संग्रौला, प्रा.डा. रमेश प्रसाद भट्टराई, प्रा.डा. हरिकृष्ण श्रेष्ठ, प्रा.डा. अञ्जना सिंह र प्रा. जगत कुमार श्रेष्ठ सदस्य थिए । कार्यदलमा सचीवका रुपमा निमित्त सचिव दिपेन्द्र सुवेदी थिए ।

प्रकाशित मिति: मंगलबार, जेठ १४, २०७६ ०५:१६