चालु वर्षको बिजनेसमा भिन्न देखिएका यी तीन बैंक, जसले कर्जा प्रवाहभन्दा बढी निक्षेप संकलन गरे

चालु वर्षको बिजनेसमा भिन्न देखिएका यी तीन बैंक, जसले कर्जा प्रवाहभन्दा बढी निक्षेप संकलन गरे

A+ A A-

चालु आर्थिक वर्षको ११ महिनामा २७ वटा वाणिज्य बैंकहरूमध्ये २४ वटा बैंकहरूले संकलन गरेको निक्षेप सोही अवधिमा ती बैंकहरूले प्रवाह गरेको कर्जाभन्दा कम देखिएको छ ।

यो अवधिमा २७ वटा बैंकले समग्रमा ५ खर्ब १ अर्ब रुपैयाँ निक्षेप संकलन गर्दा ७ खर्ब ४० अर्ब रुपैयाँको कर्जा प्रवाह गरे । २७ वाणिज्य बैंकले निक्षेपभन्दा करिब २ खर्ब ४० अर्ब रुपैयाँ बढी कर्जा प्रवाह गरेका छन् ।

यस बीचमा पनि तीन वटा बैंकले भने कर्जा प्रवाहभन्दा बढी निक्षेप संकलन गरे ।

सिटिजन्स बैंक

सिटिजन्स बैंकले ११ महिनामा ३८ अर्ब ८२ करोड रुपैयाँ निक्षेप संकलन गरेको छ । यो समयमा ३३ अर्ब ८२ करोड कर्जा प्रवाह गरेको बैंकले कर्जा प्रवाहको तुलनामा ५ अर्ब बढी निक्षेप संकलन गरेको छ । हालसम्म १ खर्ब ५२ अर्ब ४४ करोड निक्षेप संकलन गरेको बैंकले १ खर्ब १५ अर्ब ७ करोड रुपैयाँ कर्जा प्रवाह गरेको छ ।

नेपाल बंगलादेश बैंक

नेपाल बंगलादेश बैंकले पनि कर्जा प्रवाहको तुलनामा बढी निक्षेप संकलन गरेको छ । ११ महिनामा यो बैंकले ८ अर्ब ३६ करोडको निक्षेप संकलन गर्दा ७ अर्ब ७१ करोडको कर्जा प्रवाह गरेको छ ।

यस हिसाबले यो बैंकले कर्जाको तुलनामा १ अर्ब ५ करोड रुपैयाँ बढी निक्षेप संकलन गरेको छ । यो बैंकले हालसम्म ८१ अर्ब ५५ करोड निक्षेप संकलन गरेको छ भने ६८ अर्ब ६८ करोड कर्जा प्रवाह गरेको छ ।

एनआईसी एसिया बैंक

कर्जा प्रवाह र निक्षेप संकलनमा आक्रमक देखिएको एनआईसी एसिया बैंकले पनि पछिल्लो ११ महिनामा कर्जा प्रवाहको तुलनामा बढी निक्षेप संकलन गर्न सफल भएको छ ।

यो अवधिमा बैंकले ९३ अर्ब ६ करोड निक्षेप संकलन गरेको छ भने ९३ अर्ब २ करोड रुपैयाँ कर्जा प्रवाह गरेको छ । हालसम्म यो बैंकले ३ खर्ब ३ अर्ब ९० करोड निक्षेप संकलन गरेको छ भने २ खर्ब ६६ अर्ब कर्जा प्रवाह गरेको छ ।

प्रकाशित मिति: शनिबार, असार ५, २०७८ १३:३०