आजदेखि गुगल फोटोजमा १५ जीबीमाथिका फाइल राख्दा पैसा लाग्ने, यसरी खाली गर्नुहाेस् स्पेस

आजदेखि गुगल फोटोजमा १५ जीबीमाथिका फाइल राख्दा पैसा लाग्ने, यसरी खाली गर्नुहाेस् स्पेस

A+ A A-

गुगलले आजदेखि ‘गुगल फोटोज‘बाट अनलिमिटेड स्टोरेजको सुविधा हटाएको छ । पूर्वघाेषणाअनुसार नयाँ योजना लागू गर्दै गुगलले अनलिमिटेड स्टोरेजलाई १५ जीबीमा सीमित गरेको हो । अब गुगल फोटोज, जीमेल र गुगल ड्राइभमा १५ जीबीभन्दा माथिको स्टोरेज गर्नुपरे पैसा लाग्नेछ ।

फाइल ब्याकअपले १५ जीबी नाघेपछि महिनाको १.९९ डलर तिर्नुपर्छ । गुगलका अनुसार एक वर्षको तिर्छु भन्नेहरूले यस्तो रकम १९.९९ डलर बुझाउनुपर्छ ।

गुगललाई पैसा तिरेर पाएको स्पेसमा तपाईंले एक सय जीबीसम्मका फाइल राख्न सक्नुहुन्छ । गुगलले हाई क्वालिटी अनि एक्सप्रेस क्वालिटीका सबै नयाँ तस्वीर र भिडियो ब्याकअपलाई १५ जीबीमा गणना हुने गरी स्टोरेज पोलिसी परिवर्तन गरिएकाे जनाएकाे छ ।

गुगलकाे पिक्सेल फोन प्रयोगकर्ताले भने अनलिमिटेड स्टोरेजको सुविधा पाउनेछन् । यसैगरी, पहिलेदेखि नै गुगल वनमा अपग्रेड गरिसकेका र गुगलकाे बिजनेस सर्भिसेस प्रयाेग गरिरहेका प्रयाेगकर्ताहरू पनि नयाँ स्टाेरेज नीतिबाट प्रभावित नहुने गुगलले जनाएकाे छ ।

यसका साथै आजदेखि तपाईंले लगातार दुई वर्षसम्म गुगल प्रयाेग गर्नुभएन भने वा दुई वर्षसम्म डाटा लिमिट पूरा भएपछि पनि अपग्रेड गर्नु भएन भने गुगलले तपाईंका फाइलहरू डिलिट गरिदिन सक्छ । जस्ताे कि, तपाईंले लगातार दुई वर्षसम्म गुगल फाेटाेजकाे प्रयाेग गर्नुभएन तर ड्राइभ र जीमेलचाहिँ चलाइरहनुभएकाे छ भने तपाईंकाे फाेटाेजका डाटा डिलिट हुनेछन् । अर्थात् गुगलकाे जुन-जुन प्राेडक्टमा तपाईं एक्टिभ हुनुहुन्छ, त्यसैका फाइल मात्र सुरक्षित हुनेछन् ।

गुगल फोटोजदेखि स्टोरेज खाली गर्न के गर्ने ?

तपाईंले आफ्नाे अकाउण्टदेखि अनावश्यक फोटो, भिडियाे एक-एक गरेर आफैँ पनि डिलिट गर्न सक्नुहुन्छ । अथवा गुगलकाे स्टोरेज म्यानेजमेन्ट टुलकाे सहायता लिन सक्नुहुन्छ । https://one.google.com/storage/management याे गुगलकाे स्टोरेज म्यानेजमेन्ट टुलकाे लिंक हाे ।यहाँबाट तपाईंले जीमेल, फोटो र ड्राइभका ठूला फाइलहरूलाई एकैसाथ डिलिट गर्न सक्नुहुन्छ ।

स्टोरेज म्यानेजर ब्याकअप फ्रिक्वेन्सी र फाइल साइजले कहिलेसम्म तपाईंकाे स्टोरेज लिमिट सकिन्छ भन्ने कुरा अनुमान लगाउन सकिन्छ । तपाईंले आफूलाई चाहिने फोल्डर सिलेक्ट गरी फाेनबाट अनावश्यक फाइल्सकाे ब्याकअप बन्द गर्न सक्नुहुन्छ । फाेटाे, भिडियाेकाे अपलाेड क्वालिटी घटाउन सक्नुहुन्छ ।

कम्पनीका अनुसार एभरेज गुगल प्रयाेगकर्ताका लागि स्टोरेज लिमिट सकिन करिब तीन वर्ष लाग्छ ।

अनि अहिले गुगल फाेटाेजमा भएका फाइल के हुन्छ ?

गुगलले प्रस्ट भनेकाे छ- १ जूनअघिका फाइलहरूलाई फ्रि स्टोरेजमा गनिनेछ । अर्थात् आजभन्दा अगाडिका फोटोजमा जुन डाटा तपाईंले ब्याकअप गरेर राख्नुभएकाे छ, यसलाई तपाईंकाे १५ जीबी फ्रि स्टोरेजमा गणना गरिने छैन । तपाईं यी फाइल्सलाई डाउनलोड गर्न सक्नुहुन्छ । स्टोरेज भरिएपछि तपाईंले यी फाइल्सलाई एडिट गर्नुभयाे भने एडिटेड फाइल डाउनलोड गर्न मिल्दैन ।

कसलाई पर्दैन असर ?

माथि पनि उल्लेख गरिसकिएकाे छ । गुगल स्टाेरेजकाे वरिवर्तित नीतिले गुगलकाे पिक्सल फोन प्रयाेगकर्ता, पहिलेदेखि नै गुगल वनमा अपग्रेड गरिसकेका, गुगलकाे बिजनेस सर्भिसेस प्रयाेग गरिरहेका प्रयाेगकर्ताहरूलाई भने कुनै असर गर्ने छैन ।

अहिले गुगलकाे फ्रि स्टाेरेजमा के-के गणना हुन्छ ?

गुगलले तपाईंलाई १५ जीबी फ्रि स्टाेरेज दिएकाे छ । त्यसमा गुगल ड्राइभ, जीमेल र गुगल फाेटाेजमा स्टाेर हुने फाइल्स गनिन्छ ।

गुगल ड्राइभ

ड्राइभ काे माइ ड्राइभ सेक्सनभित्र स्टोर हुने फोटो, भिडियो र डकुमेन्टहरू ।
ड्राइभकाे ट्रास सेक्सनभित्र डिलिट गरिएका फाइलहरू ।

जीमेल

मेल र मेलका अट्याचमेन्टहरू ।
स्पाम र ट्रास फोल्डरभित्रका मेल र फाइलहरू ।

गुगल फोटोज

ओरिजिनल क्वालिटीमा ब्याकअप गरिएका फोटो र भिडियाे ।

गुगल स्टोरेजमा के के काउन्ट हुँदैन ?