अस्पताल जान पाउनु भएन ? यी नम्बरमा फोन गर्नुस्, नि:शुुल्क ट्याक्सी घरमै आउँछन् लिन

अस्पताल जान पाउनु भएन ? यी नम्बरमा फोन गर्नुस्, नि:शुुल्क ट्याक्सी घरमै आउँछन् लिन

A+ A A-

जताततै कोरोना संक्रमणको भयावह स्थिति छ । एम्बुलेन्स अभावले संक्रमित नै छटपटाइरहेको अवस्थामा दीर्घरोगीहरूले अस्पतालको सेवा पाएका छैनन् । नियमित अस्पताल जानुपर्ने बिरामीलाई लक्षित गर्दै अहिले उपत्यकामा ४५ भन्दा बढी ट्याक्सीले नि:शुल्क यातायात सेवा दिइरहेका छन् ।

अखिल यातायात मजदुर संघ र उपत्यका ट्याक्सी विशेष समितिले सेवा सुरु गरेका हुन् । विशेष गरी मिर्गौलारोगी र नियमित अस्पताल गएर डायलाइसिस गर्नुपर्ने बिरामीहरूलाई लक्षित गरिएको समितिका अध्यक्ष सूर्य तामाङले बताए । यीबाहेक गभवर्ती महिलाहरूलाई पनि विशेष प्राथमिकतामा राखेर सेवा सुरु गरिएको छ ।

उपत्यकाका तीनै जिल्लामा यो सेवा उपलब्ध हुने बताइएको छ । हाल टिचिङ अस्पतालमा ट्याक्सी सञ्चालन भइरहेको छ भने वीर अस्पताललगायत अन्य सरकारी अस्पतालमा पनि नि:शुल्क ट्याक्सी सेवा उपलब्ध गराउने कार्य अगाडि बढाइएको अध्यक्ष तामाङले बताए ।

बिरामीले फोन गर्दा घरमै आएर अस्पतालसम्म नि:शुल्क लैजाने ल्याउने व्यवस्था गरिएको छ । उनका अनुसार प्रत्येक बिरामीले १० किलोमिटरसम्मको यात्रा गर्दा कुनै शुल्क नलाग्ने र सोभन्दा धेरै दूरीको यात्रा गरे किलोमिटरको हिसाबमा तेल खर्च मात्रै दिनुपर्नेछ ।

गर्भवती तथा मिर्गौला रोगीहरूलाई स्वास्थ्य सतर्कतासहित ल्याउनेपुर्‍याउने दुवै काम गरिरहेको ट्याक्सी डाइभर सागर राईले बताए । उनले हाल धेरै बिरामीलाई नि:शुल्क ट्याक्सी पाइन्छ भन्ने थाहा नहुँदा पनि समस्या भएको बताए । बिरामी बढेसँगै ट्याक्सीको संख्या पनि बढाइने उनको भनाइ छ ।

यी नम्बरमा फोन गर्नुस् पैसा लाग्दैन, लिन घरमै आइपुग्छन् ट्याक्सी

अनिल दाहाल ९८४१५०४५४६
लक्ष्मीप्रसाद राई ९८४३४९४७६०
मिलन राई ९८४५४३३२७५
किरण नेवार ९८६०६०६१६२
राज जोशी ९८२७१०४०५२
अनिल श्रेष्ठ ९८१३९१५६३८
शंकर भण्डारी ९८४९ ०४६४००
प्रल्हाद गुरुङ ९८१८११५७९७
पेशल कार्की ९८२८८८२०५८
सञ्जीव नेपाली ९८४०२४६५१७
कपिलबहादुर प्याकुरेल ९८१८९६९६९१
विष्णु हमाल ९८४११५३३२९
राम कुमार राई ९८१८०४३३३०

प्रकाशित मिति: आइतबार, जेठ ९, २०७८ १८:२६