डिजिटल भुक्तानीको क्षेत्र विस्तारबारे डिजिटल पेमेन्ट्स र नेपाल क्लियरिङ्ग हाउसबीच सम्झौता

डिजिटल भुक्तानीको क्षेत्र विस्तारबारे डिजिटल पेमेन्ट्स र नेपाल क्लियरिङ्ग हाउसबीच सम्झौता

A+ A A-

नेपाल डिजिटल पेमेन्ट्स कम्पनी र नेपाल क्लियरिङ्ग हाउस लिमिटेडबीच डिजिटल भुक्तानीको क्षेत्रलाई थप विस्तार गर्ने विषयमा सम्झौता भएको छ ।

सम्झौतामा एनडीपीसीका तर्फबाट प्रमुख कार्यकारी अधिकृत कृष्ण प्रसाद भण्डारी र एनसीएचएलका तर्फबाट प्रमुख कार्यकारी अधिकृत नीलेश मान सिंह प्रधानले हस्ताक्षर गरेका छन् ।

सम्झौतापश्चात्, एनडीपीसीले एनसीएचएलको नेशनल पेमेन्ट्स इन्टरफेस प्रयोग गरी यसभित्र रहेका NCHL-IPS तथा connectIPS प्रणालीमार्फत आफ्ना विभिन्न प्रकारका भुक्तानी रियल–टाइम तथा नन–रियलटाइममा कारोबार तथा फर्छ्यौट गर्न सक्नेछ भने एनडीपीसीले आफ्नो वित्तीय सेवाहरु डिजिटल माध्यमबाट ग्रामीण क्षेत्रमा पनि विस्तार गरी बैंकिङ्ग पहुँच बढाउन थप पहल गर्नेछ ।

एनडीपीसी नेपालको सबैभन्दा ठूलो दूरसञ्चार कम्पनी र पब्लिक क्षेत्रको सबैभन्दा ठूलो वाणिज्य बैंकद्वारा स्थापित कम्पनी हो, जसले गर्दा यसमा ग्रमीण क्षेत्रको पहुँचदेखि लिएर वित्तिय तथा बैंकिङ्ग सेवा प्रदान गर्ने दुबै प्रकारका विशेषता रहेका छन् । तसर्थ यस कम्पनीले देशका कुनाकाप्चासम्म पनि मोबाइलको माध्यमबाट वित्तीय पहुँच विस्तार गरी डिजिटल सोसाइटी बनाउने राष्ट्रिय अभियानलाई आत्मसाथ गर्नेछ । हाल प्रारम्भिक टेस्टिङ्गको चरणमा रहेको एनडीपीसीको मोबाइल वालेट सञ्चालनमा आए पश्चात् अनलाइन र अफ्लाइन दुवै अवस्थामा तथा फिचर फोन प्रयोगकर्ताहरुले समेत उक्त मोबाइल वालेट प्रयोग गर्न मिल्ने छ । एनडीपीसीले हालै नेपाल राष्ट्र बैंकबाट “नमस्तेपे” सञ्चालन गर्न भुक्तानी प्रणाली सञ्चालकको अनुमति पनि प्राप्त गरिसकेको छ ।
दूरसञ्चार कम्पनीले प्रवद्र्धन गरेको एक मात्र भुक्तानी सेवा प्रदायक, एनडीपीसी तथा बैंक वित्तीय संस्थाहरुले प्रवद्र्धन गरेको भुक्तानी प्रणाली सञ्चालक, एनसीएचएलबीचको सहकार्यले दूरसञ्चारको पूर्वाधार र ग्राहक तथा डिजिटल भुक्तानीको पूर्वाधार–बैंक वित्तीय संस्थाका ग्राहकहरुलाई जोड्ने अपेक्षा गरिएकोले नेपालको डिजिटल भुक्तानीको क्षेत्रमा एक महत्वपूर्ण कोषेढुङ्गाको रूपमा लिइएको छ । यसले नेपाल सरकारको डिजिटल नेपाल फ्रेमवर्क तथा नेपाल राष्ट्र बैंकको डिजिटल भुक्तानीको पहलहरुलाई थप टेवा पु¥याउने विश्वास गरिएको छ ।
एनसीएचएलले NCHL-ECC, NCHL-IPS, connectIPS e-Payment, connect RTGSNP र CORPORATE PAY प्रणालीहरु सञ्चालन गर्दै आएकोमा हाल ६३ सदस्य बैंक वित्तीय संस्थाहरु र ५८ गैरबैंकिङ्ग संस्थाहरु इन्डाइरेक्ट÷प्राविधिक सदस्यका रुपमा आबद्ध रहेका छन् ।

एनसीएचएलले बैंक वित्तीय संस्थाका साथै भुक्तानी प्रणालीमा विभिन्न सरकारी तथा अर्ध–सरकारी संस्थाहरु, पिएसपी÷ पिएसओ, इन्स्योरेन्स कम्पनीहरु, रेमिटेन्स, मर्चेन्ट बैंकलगायतका संस्थाहरुलाई इन्डाइरेक्ट÷प्राविधिक सदस्यका रुपमा आबद्ध गराई डिजिटल भुक्तानीको क्षेत्रमा सेवा प्रदान गर्दै आएको छ ।