२७औँ वर्षमा गुडविल फाइनान्स, ग्राहक र नियामककाे विश्वास जितेर अघि बढ्ने प्रतिवद्धता

२७औँ वर्षमा गुडविल फाइनान्स, ग्राहक र नियामककाे विश्वास जितेर अघि बढ्ने प्रतिवद्धता

A+ A A-

गुडविल फाइनान्स लिमिटेड (वित्तीय संस्था) स्थापनाको २७औँ वर्षमा प्रवेश गरेको छ । वित्तीय बजारको नेतृत्व गर्ने उद्देश्य लिएको यो कम्पनीले ग्राहकको विश्वास जितेर अघि बढ्ने प्रतिवद्धता जनाएको छ ।

‘अहिलेको यस विषम परिस्थितिमा पनि तपाईंको साथले हाम्रो विश्वास अडिग रहेको छ’, कम्पनीले भनेको छ, ‘हाम्रो २७औँ वार्षिकोत्सवको उपलक्ष्यमा हाम्रा सम्पूर्ण ग्राहक महानुभाव, शुभचिन्तक तथा नियामक निकायहरूसँग हातेमालो गर्दै अघि बढ्दै जाने अठोट गर्दछौँ ।’

राष्ट्र बैंकबाट ‘ग’ वर्गको मान्यताप्राप्त यस कम्पनीले देशभर १६ वटा शाखामार्फत वित्तीय सेवा प्रदान गर्दै आइरहेको छ । पूर्वमा इलामको फिदिमदेखि पश्चिममा कैलालीको धनगढीसम्म शाखा खोलेको गुडविल फाइनान्समा १ सय ४५ जनाले प्रत्यक्ष रोजगारी पाएका छन् ।

वैशाख मसान्तसम्मकाे तथ्याङ्कअनुसार यस कम्पनीले ९ अर्ब ६९ करोड ३ लाख ७५ हजार निक्षेप संकलन गरी ७ अर्ब ९६ करोड ३० लाख ७९ हजार रुपैयाँ ऋण प्रवाह गरेको छ । गुडविल फाइनान्सको चुक्ता पुँजी ८६ करोड रुपैयाँ छ । नयाँ वर्ष लागेसँगै आधा दर्जन शाखा विस्तार गर्ने योजना बनाए पनि कोभिडका कारण स्थगित गर्नुपरेको कम्पनीले जनाएको छ ।

काठमाडौंको हात्तीसारमा केन्द्रीय कार्यालय रहेको गुडविल फाइनान्सका प्रमुख कार्यकारी अधिकृत (सीईओ) सरोजकाजी तुलाधर देशभरका फाइनान्स कम्पनीहरूको छाता संस्था नेपाल वित्तीय कम्पनी संघका अध्यक्ष पनि हुन् । सीईओ तुलाधरले आगामी दिनमा ग्राहक र नियमनकारी निकायको विश्वास जितेर अघि बढ्ने बताए ।

प्रकाशित मिति: आइतबार, जेठ २, २०७८ १२:३५