काेराेना खाेप लगाउन फर्म भर्नुपर्ने, अरु के–के निर्णय भए ?

A+ A A-

नेपाल सरकार, स्वास्थ्य तथा जनसंख्या मन्त्रालय, आईसीएस बैठकका नयाँ निर्णयहरू ः

१. निषेधाज्ञा लागू गर्न र यसलाई कडाइका साथ लागू गर्न स्थानीय तहहरूलाई निर्देशन दिने ।

२. वैदेशिक सहायतासम्बन्धी वा स्वास्थ्य सामग्रीसम्बन्धी माग, सहयाेग र वितरण एकद्वार प्रणालीबाट मात्रै गर्ने ।

३. अनुदानमा प्राप्त रेम्डेसिभिर औषधि काेभिड संक्रमितकाे उपचार गरिरहेका अस्पतालमा संक्रमितकाे चापबमाेजिम वितरण गर्ने । यसमा पनि गरिब तथा निम्न आय भएकाहरूलाई प्राथमिकता दिने । अस्पतालकाे सामाजिक सेवा इकाइकाे सिफारिसका आधारमा स्वास्थ्य सेवा विभागले रेम्डेसिभिर औषधि वितरण गर्ने ।

४. २२ हजार फाइल रेम्डेसिभिर फाइल हिजाे प्राप्त भएकाे छ । सम्बन्धित काेभिड अस्पताललाई वा काेभिड संक्रमितलाई चिकित्सककाे सिफारिसअनुसार दिने । तर, यस्ताे औषधि लिन जाने बिरामीका आफन्तले परिचयपत्र साथमा लिनु आवश्यक हुन्छ ।

५. कम्तीमा सय बेड भएका निजी तथा सामुदायिक अस्पतालहरूले आजकाे १५ दिनभित्र आफ्नै अक्सिजन प्लान्ट जडान गरी त्यसकाे जानकारी स्वास्थ्य मन्त्रालयलाई गराउने । यसकाे समन्वय गुणस्तर मापन तथा नियमन महाशाखाले गर्ने ।

६. देशभरका सबै अस्पतालहरूले काेभिड १९ संक्रमितहरूकाे उपचार गरी आईएमईमा इन्ट्री गर्नुपर्ने ।

सूचनाहरू:

१. मलामी जाँदा बढीमा २५ जनाभन्दा बढी हुन नहुने ।

२. अर्काे चरणकाे खाेप अभियानका लागि फर्म भर्नुपर्ने । यसमा १८ वर्ष र साेभन्दा माथिका व्यक्तिहरूलाई भर्ने भनिएकाे छ । याे फारम भर्नेबित्तिकै खाेप लगाउन पाइन्छ भन्न हुँदैन । तर, रेकर्ड हुन्छ ।http://vaccine.mohp.gov.np मा नाम दर्ता गर्न सकिन्छ ।

यहाँ क्लिक गर्नुहाेस् ः कोभिड-१९ पहिलो डोज खोपका लागि स्वैच्छिक आवेदन फारम

माथिका निर्णय र सूचनासम्बन्धी जानकारी स्वास्थ्य तथा जनसंख्या मन्त्रालयका प्रवक्ता जागेश्वर गाैतमले दिएका हुन् ।

प्रकाशित मिति: बुधबार, वैशाख २९, २०७८ १६:४३