घरभित्रको समयलाई सिर्जनशील बनाउने २० टिप्स

A+ A A-

अहिले हामी कोरोना संक्रमणका कारण सरकारले निषेधाज्ञा आदेश जारी गरेसँगै घरभित्र थुनिएका छौँ । सामाजिक सञ्जालको बढ्दो पहुँच र प्रयोगले हामी प्राय: घन्टौँसम्म अरुले पोस्ट्याएका कुराहरू हेरेर बिताउँछौँ । घरभित्र बस्दा पनि धेरै उपलब्धिमूलक र रमाइला कामहरू गरेर समय बिताउन सकिन्छ ।

निषेधाज्ञाको यो समयमा हामीले घरभित्र बसेर केके गर्न सकिन्छ ? हेर्नुहोस्:

१. दराजभित्र लगाउनेभन्दा नलगाउने लुगा धेरै हुन्छन् । आफूले प्रयोग नगर्ने लुगाहरू छुट्याएर बाकसमा राख्नुस् र सेकेन्ड ह्याण्ड लुगा बेच्ने पसलहरूमा बेच्नुस् या लुगाको आवश्यकता भएका व्यक्तिहरूलाई दान गर्नुस् ।

२. परिवारभित्रै आफ्ना नाति/नातिनीहरू भइसकेका हुन्छन् तर उनीहरूको नाम हामीलाई थाहा हुँदैन । परिवारको वंशावली बनाउनुस् र आफन्तहरूको सम्पर्क नम्बर पत्ता लगाउनुस् ।

३. संसारका ठूलाठूला चिडियाखानाका जनावरहरूलाई वेबसाइटहरूमार्फत लाइभ हेर्न सकिन्छ । आफूलाई मन पर्ने जनावरका लाइभ भिडियोहरू हेर्नुस् ।

४. पुराना धुलाएका फोटोहरू पछाडि त्यो समयलाई सम्झेर क्याप्सन लेख्नुस् ।

५. च्यात्तिएका लुगाहरू सिलाउनुस् । टाँक फुस्किएका कमिजहरूमा टाँक लगाउनुस् ।

६. इमेलको इनबक्स र गुगल ड्राइभबाट नचाइने सामग्रीहरू डिलिट गर्नुस् ।