एनसेलसँगको सहकार्यमा सामसुङले ल्यायो ‘नयाँ वर्ष, एक्सचेञ्जको हर्ष’ योजना

A+ A A-

अब सामसुङका उपभाेक्ताले आफूसँग भएको सामसुङको पुरानो फिचर फोन नयाँ फोरजी चल्ने स्मार्टफोनसँग साट्न पाउने भएका छन् ।

स्मार्टफोन ब्राण्ड सामसुङले नयाँ वर्षको अवसर पारेर आफ्ना ग्राहकहरूका लागि एनसेलसँगको सहकार्यमा ‘नयाँ वर्ष, एक्सचेञ्जको हर्ष’ नामको योजना सार्वजनिक गरेसँगै त्यस्तो सम्भव हुने भएको हो ।

कम्पनीको उक्त योजनाअनुसार सामसुङको पुरानो फिचर फोन अब नयाँ फोरजी चल्ने स्मार्टफोनसँग साट्न सकिनेछ ।

डिजिटल पावरका साथ छिटो अगाडि बढ्न अभिप्रेरित गर्ने एनसेलको ‘फास्ट फरवार्ड लाइफ’ अभियानअन्तर्गत यस योजनामा ग्राहकले हरेक महिना १२ महिनासम्म १ जीबीका दरले एनसेल डाटा पाउनेछन् । सामसुङलको तर्फबाट ग्राहकले नयाँ फोरजी चल्ने स्मार्टफोन पाउनेछन् ।

‘नयाँ वर्ष, एक्सचेन्जको हर्ष’ योजना नेपाललाई डिजिटल बन्न योगदान पुर्‍याउने सामसुङको प्रतिवद्धताअनुरुप ल्याइएको कम्पनीको भनाइ छ । ले जनाएको छ ।

एनसेलको डाटासँग बन्डल गरी ल्याइएको यो योजनाले नयाँ वर्ष २०७८ को उपलक्ष्यमा ग्राहकको जीवनमा उत्साह एवं खुसी थप्ने विश्वास सामसुङको छ । यस योजनामा ग्राहकले सामसुङको ग्यालेक्सी एम०१ कोर र ग्यालेक्सी एम०२ स्मार्टफोन लिन सक्नेछन् ।

ग्यालेक्सी एम०१ कोरमा १ जीबी र्‍याम र १६ जीबी स्टोरेज क्षमता छ । ग्यालेक्सी एम०२ मा ग्राहकले आफ्नो आवश्यकताअनुसार २ जीबी र्‍याम र ३२ जीबी स्टोरेज वा ३ जीबी र्‍याम र ३२ जीबी स्टोरेज क्षमता भएका दुई सेटमध्ये कुनै एक लिन सक्छन् । ग्यालेक्सी एम०१ कोर र ग्यालेक्सी एम०२ सेटमा ग्राहकले सजिलै स्मार्टफोन चलाउन सक्ने इन्टरफेस रहेको कम्पनीले जनाएको छ ।

पुरानो बार फोन दिई त्यसको सट्टामा नयाँ फोन लिन दुईवटा आधारभुत सर्तहरू लागू हुने कम्पनीले बताएको छ । पहिलो पुरानो मोबाइल स्वीच अन गर्न मिल्ने अवस्थाको हुनुपर्ने र दोस्रो, फोनको ब्याट्री, स्क्रीन र फोनको बडी सही अवस्थामा हुनुपर्नेछ । यी दुई सर्तहरू पूरा भएको खण्डमा ग्राहकको फोनलाई उपयुक्त मूल्यांकन गरिने बताइएको छ ।