विन्ध्यवासिनी म्युजिक अवार्ड : पल र अनु पपुलर, अरु कसले जिते अवार्ड ?

A+ A A-

विन्ध्यवासिनी म्युजिक प्रा.लि. र विन्ध्यवासिनी फाउन्डेसनले हरेक वर्ष आयोजना गर्दै आएको 'विन्ध्यवासिनी म्युजिक अवार्ड'को ११ औं संस्करण सम्पन्न भएको छ ।

यस वर्ष गायक योगेश वैद्यलाई १ लाख नगद पुरस्कारसहित 'विन्ध्यवासिनी लाइफटाइम अचिभमेन्ट अवार्ड'बाट सम्मानित गरिएको छ । गायिका कुन्ती मोक्तानलाई ५० हजार नगदसहित 'संगीत साधना सम्मान'बाट सम्मान गरियो । गायिका माण्डवी त्रिपाठीलाई २५ हजार नगदसहित 'संगीत रत्न सम्मान'बाट सम्मानित गरिएको थियो । पत्रकार अनन्त वाग्ले २५ हजार नगदसहित विन्ध्यवासिनी संगीत कला पत्रकारिता सम्मानबाट सम्मानित भए ।

अवार्डमा अजर जंगम र पूर्णिमा तामाङले यस वर्षको सर्वोत्कृष्ट सुगम संगीत गायक-गायिकाको अवार्ड प्राप्त गरे । ध्रुवप्रसाद अम्गाईको गीत सर्वोत्कृष्ट घोषित हुँदा बीबी अनुरागीले उत्कृष्ट संगीतकारको अवार्ड पाए । मोहनकुमार खत्री सर्वोत्कृष्ट गीतकार र उदयराज पौडेल एरेन्जरको अवार्ड विजेता भए ।

शिरिष देवकोटा र सरिता कार्की उत्कृष्ट लोकदोहोरी गायक-गायिका घोषित हुँदा प्रकाश सपुतले उत्कृष्ट लोकभाका, नवराज पन्त लोकदोहोरी रचना, करण न्यौपाने लोकदोहोरी गीतको विजेता भए ।

अभिनेता पल शाह र अभिनेत्री अनु शाहले पपुलर अवार्ड चुम्दा नरेश खातीले पब्लिक च्वाइस अवार्ड हात पारे । गायक रमेशराज भट्टराई र गीतकार बी पाण्डेले जुरी अवार्डतर्फ बाजी मारे ।